ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵧⵓⵍⴷ ⵙⴰⵍⴻⴽ: ⵜⴰⵇⴰⵛⵓⵛⵜ ⵜⵉⵙ 25 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ « ⴰⴷ ⵜⴻⵙⵄⵓ ⴰⵣⴰⵍ » ⵢⴻⵔⵏⴰ ⴰⴷ ⵜⴰⴷⴻⴼ « ⴷⴻⴳ ⵓⵎⴻⵣⵔⵓⵢ » ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ

ⵒⵔⴻⵜⵧⵔⵉⴰ – ⴰⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵎⵧⵀⴰⵎⴻⴷ ⵙⴰⵍⴻⵎ ⵧⵓⵍⴷ ⵙⴰⵍⴻⴽ, ⵢⴻⵏⵏⴰ-ⴷ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵒⵔⴻⵜⵧⵔⵉⴰ (ⵜⴰⴼⵔⵉⵇⵜ ⵏ ⵓⵏⵥⵓⵍ) ⴷⴰⴽⴽⴻⵏ ⵜⴰⵇⴰⵛⵓⵛⵜ ⵜⵉⵙ 25 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ « ⴰⴷ ⵜⴻⵙⵄⵓ ⴰⵣⴰⵍ ⴷ ⴰⵎⴻⵇⵔⴰⵏ » ⵢⴻⵔⵏⴰ « ⴰⴷ ⵜⴰⴷⴻⴼ ⴷⴻⴳ ⵓⵎⴻⵣⵔⵓⵢ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⴰⵚⴻⵃⵔⴰⵡⵉ.

« ⵜⴰⵇⴰⵛⵓⵛⵜ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴷ ⵜⴻⵙⵄⵓ ⴰⵣⴰⵍ ⴷ ⴰⵎⴻⵇⵔⴰⵏ ⵢⴻⵔⵏⴰ ⴰⴷ ⵜⴰⴷⴻⴼ ⴷⴻⴳ ⵓⵎⴻⵣⵔⵓⵢ, ⵉⵎⵉ ⵉⵕⴰⴱⵓⵍⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵢⵖⴻⴼ ⴰⵔⴰ ⴷ-ⵢⵉⵍⵉ ⵡⴰⵡⴰⵍ ⵙⵄⴰⵏ ⴰⵣⴰⵍ, ⵍⴰⴷⵖⴰ ⴰⵕⴰⴱⵓⵍ ⵏ ⵜⵙⴻⵇⵇⴰⵎⵓⵜ ⵜⴰⴼⵔⵉⵇⵉⵜ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵄⵊⴻⵍ ⵏ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⴷⴻⴳ ⵜⵇⴰⵛⵓⵛⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⴷ ⴷ-ⵢⵉⵍⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⵏⴻⵖⵜⵓⵙⵜ ⴰⵢ ⵢⴻⵙⵄⴷⴷⴰ ⴷⴻⴳ ⵎⴻⵖⵔⴻⵙ ⵢⴻⵣⵔⵉⵏ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴷ ⵜⵉⵏ ⴰⵢ ⴷⴷⵎⴻⵏ ⴰⵙⵙ ⵏ ⵍⴻⵅⵎⵉⵙ ⵢⵉⵏⴻⵖⵍⴰⴼⴻⵏ ⵉⴼⵔⵉⵇⵉⵢⴻⵏ ⴷⴻⴳ ⵜⵖⵉⵎⵉⵜ ⵜⴰⵏⵓⵎⴰⵏⵜ ⵜⵉⵙ 27 ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵢⴻⵔⵏⴰ ⴷ ⵜⵉⵏ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⴼⴻⵍⵍ-ⴰⵙ ⵜⵉⵟ ⵓⵙⵙⴰⵏ ⵏ 14 ⴷ 15 ⵢⵓⵏⵢⵓ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ.

ⵎⵉ ⴷ-ⵢⴻⴱⴷⴻⵔ ⴷⴷⵓⵕ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵜⵉⴼⵉⵏ ⵏ ⵜⵉⴼⵔⴰⵜ ⵉ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ, ⵎⴰⵙⵙ ⵧⵓⵍⴷ ⵙⴰⵍⴻⴽ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵏⴻⵜⵜⴰⵜ ⴰⵢ ⴷ « ⴹⴹⴰⵎⴻⵏ ⵡⵉⵙ ⵙⵉⵏ ⵏ ⵓⵖⴰⵡⴰⵙ ⵏ ⵜⵉⴼⵔⴰⵜ ⴰⵢ ⵇⴻⴱⵍⴻⵏ ⵢⵉⴷⵉⵙⴰⵏ ⴰⵚⴻⵃⵔⴰⵡⵉ ⴷ ⵓⵎⴻⵕⵕⵓⴽⵉ ⴷⴻⴳ 1991 ⴷⴷⴰⵡ ⵍⴻⵄⵏⴰⵢⴰ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ « ⵍⴰ ⵜⴻⵜⵜⴻⴳ ⵍⵎⴻⵊⵀⵓⴷ ⴰⴽⴽⴻⵏ ⴰⴷ ⵜⴻⴳ ⴷⴷⵓⵕ-ⵏⵏⴻⵙ ⵢⴻⵔⵏⴰ ⵍⴰ ⴷ-ⵜⴻⵙⵙⵓⵜⵓⵔ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ».

ⴰⵏⴻⵖⵍⴰⴼ ⴰⵚⴻⵃⵔⴰⵡⵉ ⵉⵡⴻⵜ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⴷⴷⵓⵕ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) « ⴰⵢ ⵍⴰ ⵢⴻⵙⵙⴻⴼⵔⴰⴽⴻⵏ, ⵙⴻⴳ ⵢⵉⴷⵉⵙ ⴰⵜⴻⴽⵏⵉ, ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⴻⵇⵇⴰⵎⵓ-ⴰ « ⴰⵜⴰⵏ ⴷⴻⴳ ⵜⴻⴳⵏⵉⵜ ⵓⵔ ⵜ-ⵢⴻⵊⵊⵉⵏ ⴰⵔⴰ ⴰⴷ ⵢⵓⵔⴰⵔ ⴷⴷⵓⵕ-ⵏⵏⴻⵙ ⵉⵎⵉ ⴰⵢ ⵍⵍⴰⵏ ⵢⵉⵖⴰⵍⵍⴻⵏ ⴷ ⵜⵎⵓⵔⴰ ⵜⵉⵎⴻⵣⴳⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⵢ ⵢⴻⵙⵙⴻⵇⴷⴰⵛⴻⵏ ⴰⵠⵉⵟⵓ-ⵏⵙⴻⵏⵜ, ⵍⴰⴷⵖⴰ ⴼⵕⴰⵏⵙⴰ, ⵢⴻⵔⵏⴰ ⵔⴻⴳⵍⴻⵏⵜ ⴰⴱⵔⵉⴷ ⵉ ⵡⴰⴽⴽ ⵉⵙⵓⵔⵉⴼⴻⵏ » ⵏ ⵜⵉⴼⵔⴰⵜ.

« ⵓⴳⵓⵔ ⵓⵔ ⵢⴻⵍⵍⵉ ⴰⵔⴰ ⴷⴻⴳ ⵜⵉⴳⵉⵏ ⴰⵢ ⵜⵓⴳⵉ ⵎⴻⵕⵕⵓⴽ ⴰⴷ ⵜⴻⴹⴼⴻⵔ ⵜⵉⵏⴻⵖⵜⵓⵜⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⴰⴷ ⵜⴻⵙⵙⴻⴼⵄⴻⵍ ⴰⵢⴻⵏ ⴰⵢⵖⴻⴼ ⴷ-ⵢⴻⵍⵍⴰ ⵓⵎⵜⴰⵡⴰ », ⵎⴰⵛⴰ ⵓⴳⵓⵔ ⵢⴻⴽⴽⴰ-ⴷ « ⵙⴻⴳ ⵙⴷⴰⵅⴻⵍ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵏⴷⴰ ⵉⵙⵓⵔⵉⴼⴻⵏ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵓⵔ ⵜⴻⵏ-ⴵⴵⵉⵏ ⴰⵔⴰ ⴰⴷ ⴽⴻⵎⵎⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉⵎⴹⴻⴱⴱⵔⴻⵏ ⵉⴼⵔⵉⵇⵉⵢⴻⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ « ⴳⵔⴻⵏ-ⴷ ⵜⴰⵎⵙⴰⵍⵜ-ⴰ ⴷⴻⴳ ⵍⴻⵃⵙⴰⴱ ⵢⴻⵔⵏⴰ ⵍⴰ ⵄⴻⵔⵔⴹⴻⵏ ⴰⴷ ⴳⴻⵏ ⴽⵔⴰ ⴰⴽⴽⴻⵏ ⴰⴷ ⴼⴰⴽⴻⵏ ⵜⴰⴳⵏⵉⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵙⴻⵎⵎⴰ-ⴷ ⵊⵧⴰⵇⵓⵉⵎ ⵛⵀⵉⵙⵙⴰⵏⵧ ⴷ ⴰⵎⴰⵣⵓⵏ ⵓⵣⵣⵉⴳ ⵉ ⵓⵏⴻⵥⵔⵓⴼ ⵓⵜⵔⵉⵎ, ⴷ ⴰⵛⵓ ⴽⴰⵏ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ « ⵓⵔ ⵉⵏⵓⴷⴰ ⴰⵔⴰ ⴰⴷ ⵉⵥⴻⵔ ⵉⵕⴰⴱⵓⵍⴻⵏ ⵏ ⵓⵏⴻⴳⴳⴰⵔⵓ-ⴰ (ⵛⵀⵉⵙⵙⴰⵏⵧ) ⵉⵎⵉ ⴷ ⴼⵕⴰⵏⵙⴰ ⴰⵢ ⵍⴰ ⵉⵔⴻⴳⴳⵍⴻⵏ ⴰⴱⵔⵉⴷ ⵉ ⵓⴽⴰⵍⴰ ⵏ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ».

ⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵧⵓⵍⴷ ⵙⴰⵍⴻⴽ, ⴷ ⵍⴱⴰⵟⴻⵍ ⵓⴼⴹⵉⵃ, ⵢⴻⵔⵏⴰ ⵉⴷⵉⵙ ⴰⵎⴻⵣⵡⴰⵔⵓ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵙⵙⵓⴼⴼⴻⵖ ⵏ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵏⴻⵜⵜⴰ ⴷ ⵜⴰⴼⵔⵉⵇⵜ ⵙ ⵜⵉⵎⵎⴰⴷ-ⵏⵏⴻⵙ. ⵎⴰⵛⴰ ⵓⵍⴰ ⴷ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵉⴱⵓⴱⴱ ⴰⵎⵓⵔ-ⵏⵏⴻⵙ ⵏ ⵜⵓⵣⵣⵎⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⵉ ⵢⴻⵜⵜⵡⴰⵜⵜⴻⵔ ⵎⴰ ⵢⴻⵍⵍⴰ ⴰⵙⵙⵉⴷⴻⴼ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵡⴰⵀⵉⵍ ⵏ ⵜⵇⴰⵛⵓⵛⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴷ ⵢⴻⵃⵕⴻⵙ ⵎⴻⵕⵕⵓⴽ ⴰⴽⴽⴻⵏ ⴰⴷ ⴷ-ⵜⴻⵙⵙⴻⵄⵊⴻⵍ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵉ ⵓⴳⴳⵓⵛⵛⴻⵍⵎⴰⵏ, ⴰⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴷⴰⴽⴽⴻⵏ ⵎⴻⵕⵕⵓⴽ « ⵜⴻⵜⵜⵡⴰⵄⵣⴻⵍ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ » ⵢⴻⵔⵏⴰ ⵜⴻⵜⵜⴽⴻⵍ ⵖⴻⴼ « ⵓⴱⴷⴰⴷ ⴷ ⵓⴼⵓⵙ ⴰⵢ ⵜⴻⴼⴽⴰ ⵢⵉⵡⴻⵜ ⵏ ⵜⵎⵓⵔⵜ ⵢⴻⵍⵍⴰⵏ ⴷ ⵜⴰⵎⴰⵙⵍⴰⴹⵜ ⵜⵉⵎⴻⵣⴳⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ».

ⵎⴰⵙⵙ ⵧⵓⵍⴷ ⵙⴰⵍⴻⴽ ⵢⴻⵛⴽⴻⵕ-ⴷ ⴷⴰⵖ « ⵍⴻⴱⵖⵉ ⵉⵊⴻⵀⴷⴻⵏ ⵏ ⵜⵉⴷⴻⵜ » ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⵜⴻⴼⵔⵓ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵓⴽⵉ ⵎⵍⵉⵃ ⴷⴰⴽⴽⴻⵏ ⵙ ⴽⵔⴰ ⵏ ⵓⵔⴳⴰⵍ ⴰⵔⴰ ⴷ-ⵢⵉⵍⵉⵏ ⴷⴻⴳ ⵓⴱⵔⵉⴷ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ⴷ ⴰⵢⴻⵏ ⴰⵔⴰ ⴷ-ⵢⴻⴳⵍⵓⵏ ⵙ ⵍⵎⴰⴹⴻⵔⵔⴰ ⵉ ⵜⴻⵎⵏⴰⴹⵜ ⴰⵢ ⴷ-ⵢⴻⵣⵣⵉⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴻⴼⵔⵉⵇⵜ ⵙ ⵓⵎⴰⵜⴰ.

ⵉⵎⴹⴻⴱⴱⵔⴻⵏ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵜⵜⵃⵓⵍⴼⵓⵏ ⵜⴻⵔⵣⴰ-ⵜⴻⵏ ⵜⴻⵎⵙⴰⵍⵜ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⴷⵖⴰ ⵖⴻⴼ ⵡⴰⵢⴰ ⴰⵔⴰ ⵅⴻⴷⵎⴻⵏ ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⴷ-ⵙⴷⵓⵇⵇⵙⴻⵏ ⴰⴽⴰⵍⴰ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.