ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵙⵙⴰⵡⴻⵍ ⵍⴻⵣⵣⴰⵢⴻⵔ ⵉ ⵓⵙⴻⴵⵀⴻⴷ ⵏ ⵓⵎⴻⴷⵀⴻⵍ ⴰⴳⵔⴰⵄⵔⴰⴱ ⴰⴽⴽⴻⵏ ⴰⴷ ⵏⴱⴻⴷ ⵎⴳⴰⵍ ⴰⴽⴽ ⵡⵉⴷ ⵉⵜⴻⵥⵥⵓⵏ ⵛⵡⴰⵍ ⴷ ⴱⴻⵟⵟⵓ

ⵜⵓⵏⴻⵙ – ⵜⴻⵙⵙⴰⵡⴻⵍ ⵍⴻⵣⵣⴰⵢⴻⵔ ⵙ ⵢⵉⵎⵉ ⵏ ⵓⵎⵡⴻⴽⴽⴻⵍ ⵏ ⵜⴻⵖⵡⴰⵍⵜ ⴷⴻⴳ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜⴻ ⵜⴰⵖⴻⵍⵏⴰⵡⵜ (ⴷⴳⵙⵏ), ⴰⴽⵓⵎⵉⵙⴰⵔ ⴰⴳⴻⵊⴷⴰⵏ ⵧⵎⴰⵔ ⵍⴰⴰⵔⵧⵓⵎ, ⵙ ⵓⵙⵙⴻⴵⵀⴻⴷ ⵏ ⵓⵎⴻⴷⵀⴻⵍ ⴰⴽⴽⴻⵏ ⴰⴷ ⵏⴱⴻⴷ ⵎⴳⴰⵍ ⴰⴽⴽ ⵡⵉⴷ ⵉⵜⴻⵥⵥⵓⵏ ⵛⵡⴰⵍ ⴷ ⴱⴻⴹⴹⵓ ⴷⴻⴳ ⵓⵎⴰⴹⴰⵍ ⴰⵄⵔⴰⴱ.

ⵢⴻⵎⵎⴻⵙⵍⴰⵢ-ⴷ ⴷⴻⴳ ⵓⵙⴰⵔⴰⴳ ⵡⵉⵙ 11 ⵏ ⵢⵉⵎⴰⵙⴰⵢⴻⵏ ⵉⵄⵔⴰⴱⴻⵏ ⵏ ⵢⴻⵃⵔⵉⵛⴻⵏ ⵢⴻⵔⵣⴰⵏ ⵜⴰⵖⵡⴰⵍⵜ ⵏ ⵜⴻⵎⵙⵓⵍⵜⴰ, ⵉ ⴷ-ⵢⴻⴹⵔⴰⵏ ⵎⴻⵍⵎⵉ ⴽⴰⵏ ⴷⴻⴳ ⵜⵎⵓⵔⵜ ⵏ ⵜⵓⵏⴻⵙ, ⵢⴻⵏⵏⴰ-ⴷ ⵎⴰⵙⵙ ⵍⴰⴰⵔⵧⵓⵎ ⴱⴻⵍⵍⵉ ‘’ⵜⴰⴳⵏⵉⵜ ⵏ ⵜⵓⵔⴰ ⵉⴷⴻⴳ ⵢⴻⵍⵍⴰ ⵓⵎⴰⴹⴰⵍ ⴰⵄⵔⴰⴱ, ⴳⴳⵜⴻⵏⵜ ⴷⴻⴳ-ⵙ ⵉⴷⴻⴼⵔⵉⵔⴻⵏ ⵏ ⵔⵔⴻⴱⵔⴰⴱ ⵢⴻⵙⵄⴰⵏ ⵉⵙⵎⴰⵡⴰⵏ ⵢⴻⵎⴳⴰⵔⴷⴻⵏ, ⵃⴻⵜⵜⵎⴻⵏⵜ-ⴷ ⴼⴻⵍⵍ-ⴰⵖ ⴰⴽⴽⴻⵏ ⴰⴷ ⵏⴻⵙⴷⵓⴽⴻⵍ ⵓⵙⵙⵉⵙⴻⵏ-ⵏⵏⴻⵖ ⴰⴽⴽⴻⵏ ⴰⴷ ⵏⴱⴻⴷ ⵎⴳⴰⵍ ⴰⴽⴽ ⵡⵉⴷ ⵉⵜⴻⵥⵥⵓⵏ ⵛⵡⴰⵍ ⴷ ⴱⴻⴹⴹⵓ ⴷⴻⴳ ⵓⵖⵍⴰⵏ ⴰⵄⵔⴰⴱ’’.

ⵢⴻⵔⵏⴰ ⵢⴻⵏⵏⴰ-ⴷ ⴷⴰⵖⴻⵏ, ⴷⴷⵓⵕ-ⴰ ⵏ ⵢⴻⵃⵔⵉⵛⴻⵏ ⵢⴻⵔⵣⴰⵏ ⵜⴰⵖⵡⴰⵍⵜ ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ‘’ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⵟⵟⵓⵔⴼⴰ’’.

ⵉ ⵍⵎⴻⵏⴷ ⵏ ⵜⴻⴳⵏⵉⵜ-ⴰ, ⵎⴰⵙⵙ ⵍⴰⴰⵔⵧⵓⵎ ⵢⴻⵖⵔⴰ-ⴷ ⵜⴰⴱⵔⴰⵜ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ, ⴰⵊⵉⵏⵉⵔⴰⵍ ⴰⵎⴻⵇⵔⴰⵏ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵉ ⵡⵉⴷ ⵢⴻⴽⴽⵉⵏ ⴷⴻⴳ ⵓⵙⴰⵔⴰⴳ, ⵢⴻⵏⵏⴰ-ⴷ ⴷⴻⴳ-ⵙ ⴱⴻⵍⵍⵉ ⵢⴻⵙⵙⴰⵔⴰⵎ ‘’ⴰⴷ ⵜⴻⵏⴵⴻⵃ ⵜⴻⵎⵍⵉⵍⵉⵜ-ⴰ ⴰⴽⴽⴻⵏ ⴰⴷ ⵏⴻⵙⵏⴻⵔⵏⵉ ⵍⴰⵎⴰⵏ ⴳⴻⵔ ⵓⵖⴻⵔⵎⴰⵏ ⴷ ⵜⴻⵎⵙⵓⵍⵜⴰ ⴷ ⵡⵓⵥⵓ ⵏ ⵢⵉⴷⵍⴻⵙ ⵏ ⵙⵙⵎⴰⵃ ⴷ ⵓⵎⴻⵏⵏⵓⵖ ⵎⴳⴰⵍ ⵜⵉⴽⵜⵉⵡⵉⵏ ⵢⴻⵜⵜⵀⵓⴷⴷⵓⵏ, ⵢⴻⵍⵍⴰⵏ ⴷ ⵜⵉⴱⴻⵕⵕⴰⵏⵉⵢⵉⵏ ⵖⴻⴼ ⵓⵙⵖⴰⵏ (ⴷⴷⵉⵏ) ⴷ ⵢⵉⴷⵍⴻⵙ-ⵏⵏⴻⵖ’’.

ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⴼⴽⴰⵏ-ⴷ ⵉⵡⴻⵍⵍⵉⵀⴻⵏ ⵉ ⵢⴻⵔⵣⴰⵏ ⴰⵙⵎⵉⵍ ⵏ ⵜⴻⵖⵡⴰⵍⵜ ⵜⴰⵖⴻⵍⵍⵉⵙⴰⵏⵜ ⴷⴻⴳ ⵓⵎⴰⴹⴰⵍ ⴰⵄⵔⴰⴱ, ⴰⵙⴻⴵⵀⴻⴷ ⵏ ⵓⵎⴻⴷⵀⴻⵍ ⴳⴻⵔ ⵜⵎⵓⵔⴰ ⵜⵉⵄⵔⴰⴱⵉⵏ ⴷⴻⴳ ⵜⴰⵖⵓⵍⵜ ⵏ ⵜⴻⵖⵡⴰⵍⵜ, ⵜⵓⴷⴷⵙⴰ ⵏ ⵜⵖⵉⵎⵉⵡⵉⵏ ⵏ ⵓⵙⵉⵍⴻⵖ ⵉ ⵢⵉⵏⴻⵖⵎⴰⵙⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵖⴰⵡⵙⵉⵡⵉⵏ ⵜⵉⵖⴻⵍⵍⵉⵙⴰⵏⵉⵏ.