ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵖⴻⴼ ⵓⵃⵓⴷⴷⵓ ⵏ ⵢⵉⴳⴻⵔⴷⴰⵏ ⴰⴷ ⵢⴻⵙⵙⴻⵊⵀⴻⴷ ⴰⵢⴻⵏ ⴰⵢ ⴷ-ⵢⴻⵜⵜⵡⴰⵃⴻⵕⵕⴻⵏ ⵢⴰⴳⵉ ⵉ ⵍⴼⴰⵢⴷⴰ ⵏ ⵓⴳⵔⵓⴷ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵓⵎⵏⵉ, ⵜⴰⵀⴰⵔ ⴽⵀⴰⵧⵓⴰ, ⵉⵇⴻⴷⴷⴻⵎ-ⴷ ⴰⵙⵙ ⵏ ⵍⵃⴻⴷⴷ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵃⵓⴷⴷⵓ ⵏ ⵢⵉⴳⴻⵔⴷⴰⵏ ⴷⴻⴳ ⵜⵖⵉⵎⵉⵜ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴹⵔⵉⵙ-ⴰ ⵏ ⵍⵇⴰⵏⵓⵏ ⴷ ⵡⵉⵏ ⴰⵔⴰ ⵢⴻⵙⵊⴻⵀⴷⴻⵏ ⴰⵢⴻⵏ ⴰⵢ ⴷ-ⵃⴻⵕⵕⴻⵏ ⵉ ⵍⴼⴰⵢⴷⴰ ⵏ ⵓⴳⵔⵓⴷ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵓⵏⵔⴰⵔ-ⴰ.
ⴰⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ ⴷ ⵡⵉⵏ « ⴰⵔⴰ ⵢⴻⵙⵊⴻⵀⴷⴻⵏ ⵜⵜⴰⵡⵉⵍ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⴳⵔⵓⴷ, ⵢⴻⵔⵏⴰ ⴰⴷ ⵢⴻⵙⵙⴻⵊⵀⴻⴷ ⴰⵢⴻⵏ ⴰⵢ ⴷ-ⵢⴻⵜⵜⵡⴰⵔⴻⴱⵃⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵓⵏⵔⴰⵔ-ⴰ, ⵍⴰⴷⵖⴰ ⴰⴱⴻⴷⴷⴻⵍ-ⵏⵏⵉ ⴷ ⵓⵙⵙⵎⴰⴷ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵍⵇⴰⵏⵓⵏ ⵏ ⵓⵄⴰⵇⴻⴱ ⴷ ⵓⵃⵔⵉⵛ-ⵏⵏⴻⵙ ⵢⴻⵇⵇⵏⴻⵏ ⵖⴻⵔ ⵓⵃⵓⴷⴷⵓ ⵏ ⵢⵉⴳⴻⵔⴷⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵃⴻⵣⵣⵉⴱⴻⵏ ⵏ ⵓⴹⵔⵉⵙ-ⴰ ⵏ ⵍⵇⴰⵏⵓⵏ « ⴷ ⴰⴳⵎⵓⴹ ⵏ ⵍⵎⴻⵊⵀⵓⴷ ⴰⵢ ⴷ-ⵢⴻⵍⵍⴰⵏ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ « ⵢⵓⵙⴰ-ⴷ ⴰⴽⴽⴻⵏ ⴰⴷ ⵢⴻⵙⵙⵎⴻⴷ ⵍⵇⴰⵏⵓⵏ ⵏ ⵓⵙⵙⴻⴱⴷⴻⴷ ⵏ ⵓⵙⴻⵏⴷⵓⵇ ⵏ ⵓⴱⵓⵔⵚⵢⵓⵏ ⵏ ⵜⵓⵛⵛⵉⵜ, ⴰⴽⴽⴻⵏ ⴰⴷ ⵢⴻⴹⵎⴻⵏ ⴰⵃⵓⴷⴷⵓ ⴰⵎⴰ ⴷⴻⴳ ⵛⵛⵉ, ⴰⵎⴰ ⴷⴻⴳ ⵍⴱⴰⵍ, ⵏ ⵓⴳⵔⵓⴷ ⵢⴻⵏⴹⴻⵔⵔⴻⵏ ».
ⵎⴰⵙⵙ ⴽⵀⴰⵧⵓⴰ ⵢⴻⵙⵙⴻⴼⵀⴻⵎ-ⴷ, ⴷⴻⴳ ⵓⵏⴻⵙⴽⵉⵏ-ⵏⵏⴻⵙ, ⴷⴰⴽⴽⴻⵏ ⴰⵟⴰⵙ ⵏ ⵢⵉⵃⵔⵉⵛⴻⵏ ⴷ ⵢⵉⵎⴰⵣⵣⴰⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵀⴻⵢⵢⵉ ⵏ ⵓⵙⴻⵏⴼⴰⵔ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵃⴻⵣⵣⵉⴱⴻⵏ-ⵏⵏⴻⵙ « ⵜⵜⵡⴰⴳⵎⴻⵏ-ⴷ ⵙⴻⴳ ⵢⵉⵎⴻⵏⵣⴰⵢⴻⵏ ⴷ ⵢⵉⴷⵍⴻⵙ ⵏ ⵜⵎⴻⵜⵜⵉ-ⵏⵏⴻⵖ ⴷ ⵢⵉⵃⴻⵣⵣⵉⴱⴻⵏ ⵏ ⵜⵎⴻⵏⴹⴰⵡⵜ ⴷ ⵢⵉⵎⵜⴰⵡⴰⵢⴻⵏ ⵉⴳⵔⴰⵖⵍⴰⵏⴻⵏ ⴰⵢ ⵜⴻⴷⴷⴻⵎ ⵍⴷⵣⴰⵢⴻⵔ ». ⵉⵙⵡⵉ ⵏ ⵢⵉⵃⴻⵣⵣⵉⴱⴻⵏ-ⴰ « ⴷ ⴰⵙⵙⴻⴱⴷⴻⴷ ⵏ ⵓⴽⴰⵜⴰⵔ ⴰⵎⴰⵜⵓ ⵏ ⵍⵇⴰⵏⵓⵏ ⴰⵔⴰ ⵉⵃⵓⴷⴷⴻⵏ ⴰⴳⵔⵓⴷ ⵢⴻⵔⵏⴰ ⴰⴷ ⵢⵉⵍⵉ ⴷ ⵜⵉⵍⴻⴳⴳⵉⵜ (ⵜⵉⵇⴻⵏⵟⴻⵔⵜ) ⴳⴰⵔ ⵓⵃⵓⴷⴷⵓ ⴰⵏⵎⴻⵜⵜⵉ ⴷ ⵓⵃⵓⴷⴷⵓ ⵏ ⵍⵇⴰⵏⵓⵏ ⵉ ⵓⴳⵔⵓⴷ ⵢⴻⵏⴹⴻⵔⵔⴻⵏ ⴷ ⵢⵉⴳⴻⵔⴷⴰⵏ ⵉⵔⵏⴻⴳⴳⴰⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴳⴰⵔ ⵢⵉⵃⴻⵣⵣⵉⴱⴻⵏ ⵏ ⵓⵙⴻⵏⴼⴰⵔ-ⴰ, ⵢⴻⵍⵍⴰ ⵓⵙⵙⴻⴱⴷⴻⴷ ⵏ ⵜⵙⵓⴷⵓⵜ ⵜⴰⵖⴻⵍⵏⴰⵡⵜ ⵏ ⵓⵃⵓⴷⴷⵓ ⴷ ⵓⵙⵎⴰⵍ ⵏ ⵓⴳⵔⵓⴷ, ⴷ ⵡⵉⵏ ⴰⵔⴰ ⵢⴻⵙⵙⴻⵍⵡⵉ ⵢⵉⵎⵡⴻⴽⴽⴻⵍ ⴰⵖⴻⵍⵏⴰⵡ ⵏ ⵓⵃⵓⴷⴷⵓ ⵏ ⵢⵉⴳⴻⵔⴷⴰⵏ.
ⴰⴽⴽⴻⵏ ⴰⴷ ⵜⴻⵜⵜⵡⴰⴹⴼⴻⵔ ⵜⴻⴳⵏⵉⵜ ⵏ ⵢⵉⴳⴻⵔⴷⴰⵏ ⵢⴻⵏⴹⴻⵔⵔⴻⵏ ⵢⴻⵔⵏⴰ ⴰⴷ ⵄⴰⵡⵏⴻⵏ ⵜⵉⵡⴰⵛⵓⵍⵉⵏ-ⵏⵙⴻⵏ ⴷⴻⴳ ⵜⴻⵎⵏⴰⴹⵉⵏ ⴰⵏⴷⴰ ⴰⵢ ⵣⴻⴷⵖⴻⵏ, ⵙⵏⵓⵍⴼⴰⵏ-ⴷ ⵜⴰⵍⵍⵓⵏⵉⵏ ⵉⵔⴻⵥⵎⴻⵏ (ⵧⵒⴻⵏ ⵙⵒⴰⵛⴻⵙ) ⵉ ⵍⵎⴻⵏⴷ ⵏ ⵓⵃⵓⴷⴷⵓ ⴰⵏⵎⴻⵜⵜⵉ ⵏ ⵢⵉⴳⴻⵔⴷⴰⵏ ⴷⴻⴳ ⵜⴻⵎⵏⴰⴹⵉⵏ ⴰⵢⴷⴻⴳ ⵍⵍⴰⵏ, ⵢⴻⵔⵏⴰ ⴷ ⵉⵅⴻⴷⴷⴰⵎⴻⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴰⵔⴰ ⵉⵅⴻⴷⵎⴻⵏ ⴷⴻⴳ-ⵙⴻⵏ, ⴳⴰⵔ-ⴰⵙⴻⵏ ⵉⵙⴻⵍⵎⴰⴷⴻⵏ, ⵉⵎⴰⵍⴰⵍⴻⵏ ⵉⵏⵎⴻⵜⵜⵉⵢⴻⵏ, ⵉⵎⴷⴰⵡⵉⵢⴻⵏ ⵏ ⵜⵏⴻⴼⵙⵉⵜ, ⵉⵎⵙⴻⵏⵎⴻⵜⵜⵉⵢⵉⵏ ⴷ ⵢⵉⵎⴰⵣⵣⴰⵢⴻⵏ ⵏ ⵍⵇⴰⵏⵓⵏ.
ⴰⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ ⴷ ⵡⵉⵏ ⴰⵔⴰ ⵉⵃⵓⴷⴷⴻⵏ ⴷⴰⵖ ⵉⴳⴻⵔⴷⴰⵏ ⵢⴻⵏⴹⴻⵔⵔⴻⵏ ⵙⴻⴳ ⵜⴻⵊⵔⵉⵎⵉⵏ ⵜⵉⵎⴰⵥⵍⴰⵢⵉⵏ, ⵢⴻⵔⵏⴰ ⵉⴳⴻⵔⴷⴰⵏ ⴰⵢ ⵢⴻⵏⴹⴻⵔⵔⴻⵏ ⵙⴻⴳ ⵓⵜⵄⴻⴷⴷⵉ ⵖⴻⴼ ⵍⵃⴻⵕⵎⴰ ⴰⴷ ⵜⴻⵏ-ⵉⴷ-ⴽⴻⵍⵙⴻⵏ (ⵙⴻⴵⴵⵍⴻⵏ) ⵙ ⵢⵉⵎⴻⵙⵍⵉ, ⵙ ⵜⵓⴳⵏⴰ.
ⵙ ⵍⵇⴰⵏⵓⵏ-ⴰ, ⵉⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⴰⴷ ⵢⴻⵙⵄⵓ ⴰⵣⵔⴻⴼ ⴰⴷ ⵢⴻⵙⵙⵓⵜⴻⵔ ⵙⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⴷ ⴷ-ⵙⵄⴻⴷⴷⵉⵏ ⴰⵍⵖⵓ ⵖⴻⴼ ⵓⵅⴹⴰⴼ ⵏ ⵓⴳⵔⵓⴷ, ⴰⴽⴽⴻⵏ ⴰⴷ ⴷ-ⵜⵜⵡⴰⵍⴻⵇⴹⴻⵏⵜ ⵛⵛⵀⴰⴷⴰⵜ ⴰⵢ ⵉⵣⴻⵎⵔⴻⵏ ⴰⴷ ⵄⴰⵡⵏⴻⵏⵜ ⴰⵏⴰⴷⵉ ⴷ ⵓⵃⵜⴰⵛ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵓⴷⴷⵓ ⵏ ⵓⴳⵔⵓⴷ ⴰⵔⵏⴻⴳⴳⴰⵢ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ, ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵜⴰⵎⵙⴰⵍⵜ-ⴰ ⴰⴽⴽⴻⵏ ⴰⴷ ⵢⴻⵙⵄⵓ ⵓⴳⵔⵓⴷ ⴰⵔⵏⴻⴳⴳⴰⵢ ⴰⵣⵔⴻⴼ ⴰⴽⴽⴻⵏ ⴰⴷ ⵢⴻⵜⵜⵡⴰⵅⴻⴱⴱⴻⵔ ⵖⴻⴼ ⵡⴰⴽⴽ ⵉⵖⵜⴰⵙⴻⵏ ⴰⵔⴰ ⴷ-ⵢⵉⵍⵉⵏ ⴼⴻⵍⵍ-ⴰⵙ ⵢⴻⵔⵏⴰ ⵓⵍⴰ ⴷ ⵏⴻⵜⵜⴰ ⴰⴷ ⴰⵙ-ⵢⴻⵜⵜⵓⵏⴻⴼⴽ ⵓⵣⵔⴻⴼ ⴰⴷ ⴷ-ⵢⵉⵍⵉ ⴷ ⴰⵛⵓ ⴰⵢ ⵢⴻⵜⵜⵅⴻⵎⵎⵉⵎ.
ⴰⴳⵔⵓⴷ ⴰⵔⵏⴻⴳⴳⴰⵢ ⴰⴷ ⵜ-ⴵⴵⴻⵏ, ⵎⴰ ⵢⴻⵍⵍⴰ ⵡⴰⵎⴻⴽ, ⴷⴻⴳ ⵜⵡⴰⵛⵓⵍⵜ-ⵏⵏⴻⵙ, ⵏⴻⵖ ⴰⴷ ⵢⴻⵜⵜⵓⵏⴻⴼⴽ ⵉ ⴽⵔⴰ ⵏ ⵓⵎⴷⴰⵏ ⵏⴻⵖ ⵜⴰⵡⴰⵛⵓⵍⵜ ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ ⵏⴻⵖ ⴰⴷ ⵜ-ⴵⴵⴻⵏ ⴷⴻⴳ ⵡⴰⵎⵎⴰⵙ ⵏ ⵓⵎⵎⴰⴳⴻⵔ ⵉⵡⴰⵜⴰⵏ ⵢⴻⵔⵏⴰ ⵢⴻⵎⵎⵓⵣⵣⴻⴳ ⴷⴻⴳ ⵓⵏⵔⴰⵔ ⵏ ⵓⵃⵓⴷⴷⵓ ⵏ ⵓⴳⵔⵓⴷ.
ⴰⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ ⴷ ⵡⵉⵏ ⴰⵔⴰ ⵉⴹⴻⵎⵏⴻⵏ ⴷⴰⵖ ⴰⵇⴰⴷⴻⵔ ⵏ ⵓⵎⴻⵏⵣⴰⵢ ⴰⵢⴷⴻⴳ ⴰⴳⵔⵓⴷ ⵏ ⴷⴷⴰⵡ ⵏ 10 ⵏ ⵢⵉⵙⴻⴳⴳⴰⵙⴻⵏ ⵓⵔ ⵢⴻⵍⵍⵉ ⴰⵔⴰ ⴷ ⴰⵎⴰⵙⴰⵢ ⵖⴻⴼ ⵡⴰⵢⴻⵏ ⴰⵔⴰ ⵢⴻⴳ.
