ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵣⴰⵍⵖⵉ ⵏ ⵜⴻⴽⵍⴰⵍⵉⵜ ⵜⴰⵖⴻⵍⵏⴰⵡⵜ ⵏ « ⴻⵍ-ⴰⵜⵉⵔ » ⵉ ⵜⴻⵎⵊⴰⵀⴻⴷⵜ ⴷⵊⴰⵎⵉⵍⴰ ⴱⵧⵓⴰⵣⵣⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⴼⴽⴰ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⵜⴰⵣⴰⵍⵖⵉ ⵏ ⵜⴻⴽⵍⴰⵍⵉⵜ ⵜⴰⵖⴻⵍⵏⴰⵡⵜ « ⴻⵍ-ⴰⵜⵉⵔ » ⵜⴰⵊⵎⵉⵍⵜ ⵉ ⵜⴻⵎⵊⴰⵀⴻⴷⵜ ⵜⴰⵎⴻⵕⵃⵓⵎⵜ ⴷⵊⴰⵎⵉⵍⴰ ⴱⵧⵓⴰⵣⵣⴰ.

ⵜⴰⵣⴰⵍⵖⵉ ⵏ ⵜⴻⴽⵍⴰⵍⵉⵜ ⵜⴰⵖⴻⵍⵏⴰⵡⵜ « ⴻⵍ-ⴰⵜⵉⵔ » ⵢⴻⴼⴽⴰ-ⵜⵜ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵉ ⵜⵡⴰⵛⵓⵍⵜ ⵏ ⵜⵎⴻⵕⵃⵓⵎⵜ ⴷⵊⴰⵎⵉⵍⴰ ⴱⵧⵓⴰⵣⵣⴰ.

ⵜⴰⵢⴻⴱ ⵣⵉⵜⵧⵓⵏⵉ ⴷⴻⴳ « ⵜⴻⵍⵜⴻⵢⵢⴰⵎ » ⵏ ⵜⴻⵎⴹⴻⵍⵜ ⵏ ⵜⵎⴻⵕⵃⵓⵎⵜ ⴷⴻⴳ ⵜⵡⵉⵏⴻⵙⵜ ⵜⴰⵙⴻⵔⴷⴰⵙⵉⵜ ⵏ ⴱⵏⵉ ⵎⴻⵙⵙⵓⵙ.

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵢⴻⵃⵣⴻⵏ ⵙ ⵕⵕⵡⴰⵃ ⵏ ⵢⵉⵡⴻⵜ ⵏ ⵜⵎⴻⵟⵟⵓⵜ ⵎⴻⵖⵖⵔⴻⵏ ⵢⴻⵔⵏⴰ ⴷ ⴰⵣⴰⵎⵓⵍ ⵏ ⵢⵉⵎⴻⵏⵖⵉ ⴷⴻⴳ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ « ⵜⴰⵎⵊⴰⵀⴻⴷⵜ-ⴰ, ⵙ ⵡⴰⵢⴻⵏ ⴰⵢ ⵜⴻⴼⴽⴰ ⴷ ⴰⵙⴼⴻⵍ, ⴰⴷ ⴷ-ⵜⴻⵇⵇⵉⵎ ⵜⴻⴷⴷⴻⵔ ⵖⴻⵔ ⵜⵙⵓⵜⵡⵉⵏ ⴰⵢ ⴷ-ⵢⴻⵜⵜⴰⵍⵉⵏ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵎⴻⵎⵎⵉ-ⵙ ⵏ ⵜⵎⴻⵕⵃⵓⵎⵜ ⵢⴻⵛⴽⴻⵕ-ⴷ « ⵜⴰⵊⵎⵉⵍⵜ ⴰⵢ ⵉⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵜⵎⴻⵕⵃⵓⵎⵜ ⴷⵊⴰⵎⵉⵍⴰ ⴱⵧⵓⴰⵣⵣⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴽⵔⴰ ⵙⴻⴳ ⵚⵚⵉⴼⴰⵜ ⵢⴻⵍⵀⴰⵏ ⵏ ⵜⵎⴻⵕⵃⵓⵎⵜ ⴰⵢⵖⴻⴼ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⴷ ⵜⴻⵇⵇⵉⵎ ⵉ ⵍⴻⴱⴷⴰ « ⵜⴰⵡⴻⵀⵀⵉⵜ ⵉ ⵡⴰⴽⴽ ⵜⵉⵍⴰⵡⵉⵏ ⵜⵉⴷⵣⴰⵢⵔⵉⵢⵉⵏ ⵙ ⵢⵉⵎⴻⵏⵖⵉ-ⵏⵏⴻⵙ ⵉ ⵍⵎⴻⵏⴷ ⵏ ⵍⴻⵣⵣⴰⵢⴻⵔ ⵜⵉⵍⴻⵍⵍⵉⵜ, ⵜⵉⵎⵣⵉⵔⴻⴳⵜ ».

ⵜⴰⵎⵊⴰⵀⴻⴷⵜ ⴷⵊⴰⵎⵉⵍⴰ ⴱⵧⵓⴰⵣⵣⴰ, ⵢⵉⵡⴻⵏ ⵙⴻⴳ ⵡⵓⴷⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ, ⵜⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵍⴵⴻⵎⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⵔ 78 ⵏ ⵢⵉⵙⴻⴳⴳⴰⵙⴻⵏ. ⵜⴰⴼⴻⴽⴽⴰ ⵏ ⵜⴻⵎⵊⴰⵀⴻⴷⵜ ⵜⴰⵎⴻⵕⵃⵓⵎⵜ ⵜⴻⵜⵜⵡⴰⵎⴹⴻⵍ ⴷⴻⴳ ⵜⵎⴻⵇⴱⴻⵔⵜ ⵏ ⵍⵄⴰⵍⵢⴰ (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⵓⵣⴻⵏ ⵜⴰⴱⵕⴰⵜ ⵏ ⵓⵄⴻⵣⵣⵉ ⵉ ⵜⵡⴰⵛⵓⵍⵜ ⵏ ⵜⵎⴻⵕⵃⵓⵎⵜ ⴷⴻⴳ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵕⵓⵃ « ⵢⵉⵡⴻⵏ ⵙⴻⴳ ⵢⵉⵣⴰⵎⵓⵍⴻⵏ ⵏ ⵢⵉⵎⴻⵏⵖⵉ ⴷ ⵓⵣⴱⵓ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵜⴰⵎⴻⵕⵃⵓⵎⵜ ⵜⴻⵍⵍⴰ ⴷ « ⴰⵎⴻⴷⵢⴰ ⴷⴻⴳ ⵜⴻⵔⵇⴻⵇ ⴷ ⵓⴳⴻⵎⵎⵉⵔ-ⵏⵏⴻⵙ ».