Asebter amenzawi

Tazalɣi n teklalit taɣelnawt n « El-Atir » i temjahedt Djamila Bouazza

LEZZAYER TAMANEƔT – Aselway n tegduda, Abdelaziz Bouteflika, yefka ass n lḥedd tameddit Tazalɣi n teklalit taɣelnawt « El-Atir » tajmilt i temjahedt tameṛḥumt Djamila Bouazza.

Tazalɣi n teklalit taɣelnawt « El-Atir » yefka-tt uneɣlaf n yimjahden i twacult n tmeṛḥumt Djamila Bouazza.

Tayeb Zitouni deg « telteyyam » n temḍelt n tmeṛḥumt deg twinest taserdasit n Bni Messus.

Aneɣlaf yenna-d d akken « yeḥzen s ṛṛwaḥ n yiwet n tmeṭṭut meɣɣren yerna d azamul n yimenɣi deg umgaru n uslelli aɣelnaw », am wakken ay d-yenna d akken « tamjahedt-a, s wayen ay tefka d asfel, ad d-teqqim tedder ɣer tsutwin ay d-yettalin ».

Seg yidis-nnes, memmi-s n tmeṛḥumt yeckeṛ-d « tajmilt ay iga uselway n tegduda i tmeṛḥumt Djamila Bouazza », am wakken ay d-yebder kra seg ṣṣifat yelhan n tmeṛḥumt ayɣef d-yenna d akken ad teqqim i lebda « tawehhit i wakk tilawin tidzayriyin s yimenɣi-nnes i lmend n Lezzayer tilellit, timziregt ».

Tamjahedt Djamila Bouazza, yiwen seg wudmawen imeqranen n Tegrawla tadzayrit, tewweḍ leɛfu n Ṛebbi ass n lǧemɛa deg Lezzayer Tamaneɣt ɣer 78 n yiseggasen. Tafekka n temjahedt tameṛḥumt tettwamḍel deg tmeqbert n Lɛalya (deg Lezzayer Tamaneɣt).

Aselway n tegduda, Abdelaziz Bouteflika yuzen tabṛat n uɛezzi i twacult n tmeṛḥumt deg ay d-yenna d akken Lezzayer tesṛuḥ « yiwen seg yizamulen n yimenɣi d uzbu », am wakken ay d-yenna d akken tameṛḥumt tella d « amedya deg terqeq d ugemmir-nnes ».