Asebter amenzawi

Abrid amazzal Agmuḍ-Ataram: d lawan ad nɛeddi seg lebni ɣer usseddu

QSENṬINA –Aneɣlaf n yimuhal inagduden, Abdelkader Ouali, yenna-d, ass n lḥedd deg Qsenṭina, d akken « d akud akken ad nɛeddi seg lebni n ubrid amazzal agmuḍ-ataram ɣer usseddu-nnes ».

Aneɣlaf yenna-d d akken d aseggas n 2015 ay d aneggaru deg wayen yerzan afaki n yimuhal (ixeddimen) n uṣeggem n wacḥal seg yiḥricen n ubrid-a amazzal, gar-asen Lyacir (Lbuṛj Buɛṛiṛij), Lɛefṛun (Leblida), Tubiret d Lexmis n Tmelyant (Ɛin Ddefla). Nnig waya, aneɣlaf yefka-d lewṣayat ayɣef yesseḥṛes ad ttwaqadren-t deg wayen yerzan « tukksa n yicanṭiyen seg ubrid amazzal agmuḍ-ataram akken ad ǧǧen imḍebbren ay terza temsalt ad d-lhun d ussefrek-nnes ».

Mass Ouali iger-d tiɣri, deg yiwet n terzi n umahil ay iga deg twilayt-a i yimḍebbren ay terza temsalt akken ad xedmen deg ukatar n « tsemyuddest tamellilt », am wakken ay d-yenna d akken « yessefk » ad ttwafrun wuguren n yicanṭiyen « ay yegguman ad faken yerna skeṛhen-asen tudert-nsen i yiseqdacen n ubrid-a ».