ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ: ⴷ ⵍⴰⵡⴰⵏ ⴰⴷ ⵏⵄⴻⴷⴷⵉ ⵙⴻⴳ ⵍⴻⴱⵏⵉ ⵖⴻⵔ ⵓⵙⵙⴻⴷⴷⵓ

ⵇⵙⴻⵏⵟⵉⵏⴰ –ⴰⵏⴻⵖⵍⴰⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⵢⴻⵏⵏⴰ-ⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵇⵙⴻⵏⵟⵉⵏⴰ, ⴷ ⴰⴽⴽⴻⵏ « ⴷ ⴰⴽⵓⴷ ⴰⴽⴽⴻⵏ ⴰⴷ ⵏⵄⴻⴷⴷⵉ ⵙⴻⴳ ⵍⴻⴱⵏⵉ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⵖⴻⵔ ⵓⵙⵙⴻⴷⴷⵓ-ⵏⵏⴻⵙ ».

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⴷ ⴰⵙⴻⴳⴳⴰⵙ ⵏ 2015 ⴰⵢ ⴷ ⴰⵏⴻⴳⴳⴰⵔⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⴰⴽⵉ ⵏ ⵢⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵓⵚⴻⴳⴳⴻⵎ ⵏ ⵡⴰⵛⵃⴰⵍ ⵙⴻⴳ ⵢⵉⵃⵔⵉⵛⴻⵏ ⵏ ⵓⴱⵔⵉⴷ-ⴰ ⴰⵎⴰⵣⵣⴰⵍ, ⴳⴰⵔ-ⴰⵙⴻⵏ ⵍⵢⴰⵛⵉⵔ (ⵍⴱⵓⵕⵊ ⴱⵓⵄⵕⵉⵕⵉⵊ), ⵍⵄⴻⴼⵕⵓⵏ (ⵍⴻⴱⵍⵉⴷⴰ), ⵜⵓⴱⵉⵔⴻⵜ ⴷ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ (ⵄⵉⵏ ⴷⴷⴻⴼⵍⴰ). ⵏⵏⵉⴳ ⵡⴰⵢⴰ, ⴰⵏⴻⵖⵍⴰⴼ ⵢⴻⴼⴽⴰ-ⴷ ⵍⴻⵡⵚⴰⵢⴰⵜ ⴰⵢⵖⴻⴼ ⵢⴻⵙⵙⴻⵃⵕⴻⵙ ⴰⴷ ⵜⵜⵡⴰⵇⴰⴷⵔⴻⵏ-ⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ « ⵜⵓⴽⴽⵙⴰ ⵏ ⵢⵉⵛⴰⵏⵟⵉⵢⴻⵏ ⵙⴻⴳ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⴰⴽⴽⴻⵏ ⴰⴷ ⴵⴵⴻⵏ ⵉⵎⴹⴻⴱⴱⵔⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⴷ-ⵍⵀⵓⵏ ⴷ ⵓⵙⵙⴻⴼⵔⴻⴽ-ⵏⵏⴻⵙ ».

ⵎⴰⵙⵙ ⵧⵓⴰⵍⵉ ⵉⴳⴻⵔ-ⴷ ⵜⵉⵖⵔⵉ, ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵎⴰⵀⵉⵍ ⴰⵢ ⵉⴳⴰ ⴷⴻⴳ ⵜⵡⵉⵍⴰⵢⵜ-ⴰ ⵉ ⵢⵉⵎⴹⴻⴱⴱⵔⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵓⴽⴰⵜⴰⵔ ⵏ « ⵜⵙⴻⵎⵢⵓⴷⴷⴻⵙⵜ ⵜⴰⵎⴻⵍⵍⵉⵍⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ « ⵢⴻⵙⵙⴻⴼⴽ » ⴰⴷ ⵜⵜⵡⴰⴼⵔⵓⵏ ⵡⵓⴳⵓⵔⴻⵏ ⵏ ⵢⵉⵛⴰⵏⵟⵉⵢⴻⵏ « ⴰⵢ ⵢⴻⴳⴳⵓⵎⴰⵏ ⴰⴷ ⴼⴰⴽⴻⵏ ⵢⴻⵔⵏⴰ ⵙⴽⴻⵕⵀⴻⵏ-ⴰⵙⴻⵏ ⵜⵓⴷⴻⵔⵜ-ⵏⵙⴻⵏ ⵉ ⵢⵉⵙⴻⵇⴷⴰⵛⴻⵏ ⵏ ⵓⴱⵔⵉⴷ-ⴰ ».