Asebter amenzawi

Talɣuɣa taɣelnawt n uɛumu: tadwilt tis 3- tiɣlamin n USM Lezzayer d ASPTT d timezwura

LEZZAYER – Iɛewwamen n USM Lḍzayer d ASPTT Lezzayer d nitni ay yeḍḍfen amkan amezwaru deg usettef n tzalɣiwin n telɣuɣa taɣelnawt n yimaẓuẓen deffir tedwilt tis 3 (ass d uzgen) n temsizwert ara ifaken ass n letniyen taṣebḥit deg tnerdabt tulimpit n 5 Yulyu (Lezzayer Tamaneɣt).

USM Lezzayer tḥawec-d armi d ass n lḥedd taṣebḥit 3 n tzalɣiwin n wureɣ d yiwet n uẓref, ma d taɣlamt n CRBEE Lezzayer Talemmast tḥawec-d snat n wureɣ. Taɣlamt n Groupement Sportif Petrolier (GSP), seg yidis-nnes, terbeḥ-d yiwet n wureɣ d yiwet n ubṛunz.

Deg teqcicin, taɣlamt n ASPTT Lezzayer Tamaneɣt terbeḥ-d 3 n tzalɣiwin n wureɣ d 3 n uẓref, yerna, taswiɛt-a, d nettat ay yeḍḍfen amkan amezwaru, ma d tis snat d taɣlamt n OC Lezzayer Tamaneɣt (2 n wureɣ d 2 n uẓref). Amkan wis kraḍ d win ay ḍḍfent teɣlamin n Bahia Wehṛan d FCO Lezzayer s yiwet n tzalɣi n wureɣ d yiwet n tzalɣi n ubṛunz i yal yiwet.

Ass aneggaru n temsizwert-a d ass n letniyen taṣebḥit, yerna ad d-yili i temsizzelt n 200 n lmitrat n uɛumu ilelli (tiqcicin d yiqcicen) d temsizzelt n 4x100 n lmitrat n « kuẓ n yiɛumuten » (tiqcicin d yiqcicen). Mi ara tfak temsizwert-a, 2 n yisettifen ara teg tmehla n tuddsa tanaddalt d temsizewrin.

Asettef amezwaru d win n tzalɣiwin, ma d asettef wis sin d win n tenqiḍin. Azal ,n 140 n yinaddalen ay yettekkan deg temsizwert-a, gar-asen 103 n teqcicin. Inaddalen-a usan-d seg 12 n temɣunin d wazal n 40 n teɣlamin akken ad ttekkin deg teẓrigt n 2015 n telɣuɣa-a.

Talɣuɣa taɣelnawt n yimaẓuẓen la d-tettili deg yiwet n temda n 50 n yimitren, yerna bedden fell-as 30 n yimḍebbren, gar-asen inezrafen n uɛumi d yinezrafen inefrayen.