ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵓⵄⵓⵎⵓ: ⵜⴰⴷⵡⵉⵍⵜ ⵜⵉⵙ 3- ⵜⵉⵖⵍⴰⵎⵉⵏ ⵏ ⵓⵙⵎ ⵍⴻⵣⵣⴰⵢⴻⵔ ⴷ ⴰⵙⵒⵜⵜ ⴷ ⵜⵉⵎⴻⵣⵡⵓⵔⴰ

ⵍⴻⵣⵣⴰⵢⴻⵔ – ⵉⵄⴻⵡⵡⴰⵎⴻⵏ ⵏ ⵓⵙⵎ ⵍⴹⵣⴰⵢⴻⵔ ⴷ ⴰⵙⵒⵜⵜ ⵍⴻⵣⵣⴰⵢⴻⵔ ⴷ ⵏⵉⵜⵏⵉ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⵏ ⵜⵣⴰⵍⵖⵉⵡⵉⵏ ⵏ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵢⵉⵎⴰⵥⵓⵥⴻⵏ ⴷⴻⴼⴼⵉⵔ ⵜⴻⴷⵡⵉⵍⵜ ⵜⵉⵙ 3 (ⴰⵙⵙ ⴷ ⵓⵣⴳⴻⵏ) ⵏ ⵜⴻⵎⵙⵉⵣⵡⴻⵔⵜ ⴰⵔⴰ ⵉⴼⴰⴽⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵚⴻⴱⵃⵉⵜ ⴷⴻⴳ ⵜⵏⴻⵔⴷⴰⴱⵜ ⵜⵓⵍⵉⵎⵒⵉⵜ ⵏ 5 ⵢⵓⵍⵢⵓ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⵓⵙⵎ ⵍⴻⵣⵣⴰⵢⴻⵔ ⵜⵃⴰⵡⴻⵛ-ⴷ ⴰⵔⵎⵉ ⴷ ⴰⵙⵙ ⵏ ⵍⵃⴻⴷⴷ ⵜⴰⵚⴻⴱⵃⵉⵜ 3 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ ⴷ ⵢⵉⵡⴻⵜ ⵏ ⵓⵥⵔⴻⴼ, ⵎⴰ ⴷ ⵜⴰⵖⵍⴰⵎⵜ ⵏ ⵛⵔⴱⴻⴻ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ ⵜⵃⴰⵡⴻⵛ-ⴷ ⵙⵏⴰⵜ ⵏ ⵡⵓⵔⴻⵖ. ⵜⴰⵖⵍⴰⵎⵜ ⵏ ⴳⵔⵧⵓⵒⴻⵎⴻⵏⵜ ⵙⵒⵧⵔⵜⵉⴼ ⵒⴻⵜⵔⵧⵍⵉⴻⵔ (ⴳⵙⵒ), ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴻⵔⴱⴻⵃ-ⴷ ⵢⵉⵡⴻⵜ ⵏ ⵡⵓⵔⴻⵖ ⴷ ⵢⵉⵡⴻⵜ ⵏ ⵓⴱⵕⵓⵏⵣ.

ⴷⴻⴳ ⵜⴻⵇⵛⵉⵛⵉⵏ, ⵜⴰⵖⵍⴰⵎⵜ ⵏ ⴰⵙⵒⵜⵜ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴻⵔⴱⴻⵃ-ⴷ 3 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ ⴷ 3 ⵏ ⵓⵥⵔⴻⴼ, ⵢⴻⵔⵏⴰ, ⵜⴰⵙⵡⵉⵄⵜ-ⴰ, ⴷ ⵏⴻⵜⵜⴰⵜ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ, ⵎⴰ ⴷ ⵜⵉⵙ ⵙⵏⴰⵜ ⴷ ⵜⴰⵖⵍⴰⵎⵜ ⵏ ⵧⵛ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (2 ⵏ ⵡⵓⵔⴻⵖ ⴷ 2 ⵏ ⵓⵥⵔⴻⴼ). ⴰⵎⴽⴰⵏ ⵡⵉⵙ ⴽⵔⴰⴹ ⴷ ⵡⵉⵏ ⴰⵢ ⴹⴹⴼⴻⵏⵜ ⵜⴻⵖⵍⴰⵎⵉⵏ ⵏ ⴱⴰⵀⵉⴰ ⵡⴻⵀⵕⴰⵏ ⴷ ⴼⵛⵧ ⵍⴻⵣⵣⴰⵢⴻⵔ ⵙ ⵢⵉⵡⴻⵜ ⵏ ⵜⵣⴰⵍⵖⵉ ⵏ ⵡⵓⵔⴻⵖ ⴷ ⵢⵉⵡⴻⵜ ⵏ ⵜⵣⴰⵍⵖⵉ ⵏ ⵓⴱⵕⵓⵏⵣ ⵉ ⵢⴰⵍ ⵢⵉⵡⴻⵜ.

ⴰⵙⵙ ⴰⵏⴻⴳⴳⴰⵔⵓ ⵏ ⵜⴻⵎⵙⵉⵣⵡⴻⵔⵜ-ⴰ ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵚⴻⴱⵃⵉⵜ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵉ ⵜⴻⵎⵙⵉⵣⵣⴻⵍⵜ ⵏ 200 ⵏ ⵍⵎⵉⵜⵔⴰⵜ ⵏ ⵓⵄⵓⵎⵓ ⵉⵍⴻⵍⵍⵉ (ⵜⵉⵇⵛⵉⵛⵉⵏ ⴷ ⵢⵉⵇⵛⵉⵛⴻⵏ) ⴷ ⵜⴻⵎⵙⵉⵣⵣⴻⵍⵜ ⵏ 4ⵅ100 ⵏ ⵍⵎⵉⵜⵔⴰⵜ ⵏ « ⴽⵓⵥ ⵏ ⵢⵉⵄⵓⵎⵓⵜⴻⵏ » (ⵜⵉⵇⵛⵉⵛⵉⵏ ⴷ ⵢⵉⵇⵛⵉⵛⴻⵏ). ⵎⵉ ⴰⵔⴰ ⵜⴼⴰⴽ ⵜⴻⵎⵙⵉⵣⵡⴻⵔⵜ-ⴰ, 2 ⵏ ⵢⵉⵙⴻⵜⵜⵉⴼⴻⵏ ⴰⵔⴰ ⵜⴻⴳ ⵜⵎⴻⵀⵍⴰ ⵏ ⵜⵓⴷⴷⵙⴰ ⵜⴰⵏⴰⴷⴷⴰⵍⵜ ⴷ ⵜⴻⵎⵙⵉⵣⴻⵡⵔⵉⵏ.

ⴰⵙⴻⵜⵜⴻⴼ ⴰⵎⴻⵣⵡⴰⵔⵓ ⴷ ⵡⵉⵏ ⵏ ⵜⵣⴰⵍⵖⵉⵡⵉⵏ, ⵎⴰ ⴷ ⴰⵙⴻⵜⵜⴻⴼ ⵡⵉⵙ ⵙⵉⵏ ⴷ ⵡⵉⵏ ⵏ ⵜⴻⵏⵇⵉⴹⵉⵏ. ⴰⵣⴰⵍ ,ⵏ 140 ⵏ ⵢⵉⵏⴰⴷⴷⴰⵍⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⵉⵣⵡⴻⵔⵜ-ⴰ, ⴳⴰⵔ-ⴰⵙⴻⵏ 103 ⵏ ⵜⴻⵇⵛⵉⵛⵉⵏ. ⵉⵏⴰⴷⴷⴰⵍⴻⵏ-ⴰ ⵓⵙⴰⵏ-ⴷ ⵙⴻⴳ 12 ⵏ ⵜⴻⵎⵖⵓⵏⵉⵏ ⴷ ⵡⴰⵣⴰⵍ ⵏ 40 ⵏ ⵜⴻⵖⵍⴰⵎⵉⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵏ 2015 ⵏ ⵜⴻⵍⵖⵓⵖⴰ-ⴰ.

ⵜⴰⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵢⵉⵎⴰⵥⵓⵥⴻⵏ ⵍⴰ ⴷ-ⵜⴻⵜⵜⵉⵍⵉ ⴷⴻⴳ ⵢⵉⵡⴻⵜ ⵏ ⵜⴻⵎⴷⴰ ⵏ 50 ⵏ ⵢⵉⵎⵉⵜⵔⴻⵏ, ⵢⴻⵔⵏⴰ ⴱⴻⴷⴷⴻⵏ ⴼⴻⵍⵍ-ⴰⵙ 30 ⵏ ⵢⵉⵎⴹⴻⴱⴱⵔⴻⵏ, ⴳⴰⵔ-ⴰⵙⴻⵏ ⵉⵏⴻⵣⵔⴰⴼⴻⵏ ⵏ ⵓⵄⵓⵎⵉ ⴷ ⵢⵉⵏⴻⵣⵔⴰⴼⴻⵏ ⵉⵏⴻⴼⵔⴰⵢⴻⵏ.