ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Takurt n uḍar: Asleɣmay Alain Geiger yestenya leɛqed n useggas d MO Bgayet (aselway)

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⵍⴻⵖⵎⴰⵢ ⴰⵙⵡⵉⵙⵉ ⴰⵍⴰⵉⵏ ⴳⴻⵉⴳⴻⵔ ⵢⴻⵙⵜⴻⵏⵢⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵍⴻⵄⵇⴻⴷ ⵏ ⵓⵙⴻⴳⴳⴰⵙ ⴷ ⵜⴻⵖⵍⴰⵎⵜ ⵏ ⵎⵧ ⴱⴳⴰⵢⴻⵜ (ⵜⴰⵎⵖⵓⵏⵜ 1ⵓⵜ ⵏ ⵜⴽⵓⵔⵜ ⵏ ⵓⴹⴰⵔ) ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵙⴻⴳ ⵜⴻⵖⵍⴰⵎⵜ-ⴰ ⴰⴱⵧⵓⴱⴰⴽⵔ ⵉⴽⵀⵍⴻⴼ. « ⵡⴻⴽⴽⴷⴻⵖ-ⴷ ⴰⵢⴰ. ⴰⵍⴰⵉⵏ ⴳⴻⵉⴳⴻⵔ ⴷ ⵏⴻⵜⵜⴰ ⴰⵢ ⴷ ⴰⵙⵍⴻⵖⵎⴰⵢ ⴰⵎⴰⵢⵏⵓ ⵏ ⵜⴻⵖⵍⴰⵎⵜ ⵢⴻⵔⵏⴰ ⵢⴻⵙⵜⴻⵏⵢⴰ ⵍⴻⵄⵇⴻⴷ ⴰⵙⵙ-ⴰ (ⵍⵃⴻⴷⴷ) ⵉ ⵓⵙⴻⴳⴳⴰⵙ ». ⵉⵙⵡⵉ ⴰⵢ ⴰⵙ-ⵢⴻⵜⵜⵓⵏⴻⴼⴽⴻⵏ ⵉ ⵓⵙⵍⴻⵖⵎⴰⵢ-ⴰ ⵏⴻⵜⵜⴰ ⴷ ⴰⵃⵔⴰⵣ ⵏ ⵜⵉⴽⵍⵉ ⵢⴻⵍⵀⴰⵏ ⴰⵢ ⴷ-ⵜⴻⵡⵡⵉ ⵜⴻⵖⵍⴰⵎⵜ-ⴰ ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ ⵉⵎⵉ ⴰⵢ ⵜⵓⵔⴰⵔ ⴰⴽⴽⴻⵏ ⵉⴳⴻⵔⵔⴻⵣ ⴷⴻⴳ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ, ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ ⴷ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ. « ⴷ ⵜⵉⴷⴻⵜ ⵍⴻⵄⵇⴻⴷ-ⵏⵏⴻⵙ ⴰⴷ ⵢⴻⴹⴹⴻⴼ ⵢⵉⵡⴻⵜ ⴽⴰⵏ ⵏ ⵜⵙⴻⵎⵀⵓⵢⵜ, ⵎⴰⵛⴰ ⵉⵙⵡⵉ ⴰⵢⵖⴻⴼ ⵜⵜⵡⴰⵡⴻⴽⴽⵍⴻⵏ ⵢⵉⵅⴻⴷⴷⴰⵎⴻⵏ ⵉⵜⴻⴽⵏⵉⵢⴻⵏ ⵏⴻⵜⵜⴰ ⴷ ⴰⵃⵔⴰⵣ ⵏ ⵜⵉⴽⵍⵉ-ⴰ ⵢⴻⵍⵀⴰⵏ ⴰⵢ ⴷ-ⵜⴻⵡⵡⵉ ⵜⴻⵖⵍⴰⵎⵜ-ⴰ, ⴷ ⵜⵉⴽⵍⵉ ⴰⵢ ⴷ-ⵢⴻⴵⴵⴰ ⵓⵙⵍⴻⵖⵎⴰⵢ ⵢⴻⵍⵍⴰⵏ ⵓⵇⴱⴻⵍ (ⴰⵎⵔⴰⵏⵉ). ⵢⴻⵙⵙⴻⴼⴽ ⵜⴰⵖⵍⴰⵎⵜ-ⴰ ⴰⴷ ⵜⵉⵍⵉ ⴳⴰⵔ ⵜⵎⴻⵣⵡⵓⵔⴰ ⴷⴻⴳ ⵜⴻⵍⵖⵓⵖⴰ ⵢⴻⵔⵏⴰ ⵓⵔ ⵜⴼⴻⵛⵛⴻⵍ ⴰⵔⴰ ⴷⴻⴳ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ. ⵏⵏⵉⴳ ⵡⴰⵢⴰ, ⵏⴻⵙⵄⴰ ⵜⵉⵎⵙⵉⵣⵡⴻⵔⵜ ⵜⴰⴼⵔⵉⵇⵉⵜ (ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ) ⴷⴻⴳ ⵢⴻⵙⵙⴻⴼⴽ ⴰⴷ ⵏⴻⵙⵙⴻⵎⵖⴻⵔ ⴰⵣⴰⵍ ⵉ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⴷ ⵜⴻⵖⵍⴰⵎⵜ ». ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵎⴻⵀⵍⴰ ⵏ ⵜⴻⵖⵍⴰⵎⵜ ⵏ ⴱⴳⴰⵢⴻⵜ ⵜⴻⵙⵙⴰⴷⴻⴼ-ⴷ ⴷⴰⵖ ⴰⵍⴻⵎⵎⴰⵙ ⵏ ⵓⵏⵔⴰⵔ ⵏ ⵛⵙ ⵇⵙⴻⵏⵟⵉⵏⴰ ⴰⴱⵧⵓⵍⴽⴰⵛⴻⵎ ⵀⴰⴷⵊⵉ (25 ⵏ ⵢⵉⵙⴻⴳⴳⴰⵙⴻⵏ) ⵙ ⵍⴻⵄⵇⴻⴷ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ. « ⵏⴻⵙⵙⴰⵡⴻⵍ ⴷ ⴳⴻⵉⴳⴻⵔ ⵖⴻⴼ ⵓⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ. ⴰⵔ ⵉⵎⵉⵔ-ⴰ, ⵏⴻⵙⴼⴰⵢⴷⵉ-ⴷ ⵙⴻⴳ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵙⵉⵏ ⵏ ⵢⵉⵎⴰⵔⵉⵔⴻⵏ ⵢⴻⵔⵏⴰ ⵍⴰ ⴷ-ⵏⴻⵜⵜⵏⴰⴷⵉ ⵉⵎⴰⵔⵉⵔⴻⵏ ⵏⵉⴹⴻⵏ ⴰⵔⴰ ⴷ-ⵏⴰⵡⵉ ». ⴰⵎⴻⵏⵟⴰⴳ ⵏ ⵓⵙⵎ ⵍⵃⴻⵕⵕⴰⵛ, ⴱⵉⵍⵍⴻⵍ ⵎⴻⴱⴰⵔⴽⵉ, ⴷ ⵏⴻⵜⵜⴰ ⴰⵢ ⴷ ⴰⵎⴰⵔⵉⵔ ⴰⵎⴻⵣⵡⴰⵔⵓ ⴰⵢ ⴷ-ⵜⴻⵔⵏⴰ ⵎⵧ ⴱⴳⴰⵢⴻⵜ ⴷ ⴰⵎⴰⵢⵏⵓ ⵜⴰⴳⴰⵔⴰ-ⴰ, ⵢⴻⵔⵏⴰ ⵓⵍⴰ ⴷ ⵏⴻⵜⵜⴰ ⵢⴻⵙⵜⴻⵏⵢⴰ ⵢⵉⴷ-ⵙ ⵍⴻⵄⵇⴻⴷ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ. ⵜⴰⵖⵍⴰⵎⵜ ⵏ ⴱⴳⴰⵢⴻⵜ ⴰⴷ ⵜⴻⵔⵏⵓ ⴰⴷ ⴷ-ⵜⴻⵙⵙⵉⴷⴻⴼ ⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴽⴽⴻⵏ ⴰⴷ ⴰⵡⵉⵏ ⵉⵎⵓⴽⴰⵏ ⵏ ⵢⵉⵎⴰⵔⵉⵔⴻⵏ ⴰⵢ ⵢⴻⴼⴼⵖⴻⵏ ⵢⴰⴳⵉ, ⵍⴰⴷⵖⴰ ⴼⴰⵧⵓⵣⵉ ⵢⴰⵢⴰ ⴷ ⴼⴰⵧⵓⵣⵉ ⵔⴰⵀⴰⵍ. ⵜⴰⵖⵍⴰⵎⵜ ⵏ ⵎⵧ ⴱⴳⴰⵢⴻⵜ ⵜⵓⵔⴰⵔ ⵢⵉⵡⴻⵜ ⵏ ⵜⵙⴻⵎⵀⵓⵢⵜ ⵉⴳⴻⵔⵔⵣⴻⵏ ⴷⴻⴳ ⵜⴻⵔⴱⴻⵃ ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵢⴻⵔⵏⴰ ⵜⵓⵙⴰ-ⴷ ⴷ ⵜⵉⵙ ⵙⵏⴰⵜ ⴷⴻⴳ ⵓⵙⴻⵜⵜⴻⴼ ⴰⵏⴻⴳⴳⴰⵔⵓ ⵏ ⵜⴻⵎⵖⵓⵏⵜ 1.