ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ ⵎⴰⵣⴰⵍ ⵍⴰ ⵢⴻⵜⵜⵄⴻⴷⴷⵉ ⴼⴻⵍⵍ-ⴰⵙ ⵍⴱⴰⵟⴻⵍ ⵏ ⵍⵉⵙⵜⵉⵄⵎⴰⵕ ⴰⵢ ⵉⵄⴻⴷⴷⴰ ⵣⵣⵎⴰⵏ (ⵙⴻⵍⵍⴰⵍ)

ⵊⵧⵀⴰⵏⵏⴻⵙⴱⵓⵔⴳ – ⴰⵏⴻⵥⵔⵓⴼ ⵓⵜⵔⵉⵎ ⵎⴰⵣⴰⵍ-ⵉⵜⵜ ⵍⴰ ⵢⴻⵜⵜⵄⴻⴷⴷⵉ ⴼⴻⵍⵍ-ⴰⵙ « ⵍⴱⴰⵟⴻⵍ ⵏ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) ⴰⵢ ⵉⵄⴻⴷⴷⴰ ⵣⵣⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵡⴰⴽⴰⵍ-ⴰ ⴰⴷ ⴷ-ⵜⵉⵍⵉ ⵙ ⵓⵃⴻⵍⵍⴻⵙ ⴷ ⵍⵎⴻⵊⵀⵓⴷ ⵎⴻⵖⵖⵔⴻⵏ.

« ⴱⵖⵉⵖ, ⴷⴻⴳ ⵜⴳⴰⵔⴰ, ⴰⴷ ⴷ-ⴱⴻⴷⵔⴻⵖ ⵜⴰⵎⵙⴰⵍⵜ ⵜⴰⵏⴻⴳⴳⴰⵔⵓⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⴷⴻⴳ ⵜⴻⴼⵔⵉⵇⵜ, ⵜⴰ ⴷ ⵜⴰⵎⵙⴰⵍⵜ ⵏ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⴷ-ⵎⴰⵣⴰⵍ ⵢⴻⵜⵜⵄⴻⴷⴷⵉ ⴼⴻⵍⵍ-ⴰⵙ ⵍⴱⴰⵟⴻⵍ ⵏ ⵢⵉⵡⴻⵏ ⵏ ⵓⵙⵙⴻⵀⵔⴻⵙ ⴰⵢ ⵉⵄⴻⴷⴷⴰ ⵣⵣⵎⴰⵏ. ⵓⵍⴰ ⵎⴰ ⵜⵓⴷⴷⵙⴰ-ⵏⵏⴻⵖ ⵍⴰ ⵜⴻⵜⵜⴻⴳ ⵍⵎⴻⵊⵀⵓⴷ, ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵜⴻⴼⵔⵉⵇⵜ ⵡⴻⵔⵄⴰⴷ ⵓⵔ ⵜⴼⵓⴽ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ.

ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵏⵏⴰ-ⴷ ⴰⵢⴰ ⴷⴻⴳ ⵡⴰⵡⴰⵍ-ⵏⵏⴻⵙ ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⵖⵉⵎⵉⵜ ⵜⴰⵏⵓⵎⴰⵏⵜ ⵜⵉⵙ 25 ⵏ ⵜⵇⴰⵛⵓⵛⵜ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴷ ⵜⵉⵏ ⴰⵢⴷⴻⴳ ⵢⴻⵜⵜⴻⴽⴽⴰ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

« ⴰⵍⴰ ⵙ ⵓⵙⵙⴻⵡⵍⵉⵡⴻⵍ ⵏ ⵍⵎⴻⵊⵀⵓⴷⴰⵜ-ⵏⵏⴻⵖ ⴰⵔⴰ ⵏⴻⵙⵙⵉⵡⴻⴹ ⴰⴷ ⵏⴻⵙⵙⴻⵄⵊⴻⵍ ⴰⴽⴰⵍⴰ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.

ⵎⴰⵙⵙ ⵙⴻⵍⵍⴰⵍ ⵢⴻⵔⵏⴰ-ⴷ ⴷⴰⴽⴽⴻⵏ ⵜⴰⴳⵏⵉⵜ-ⴰ « ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⴽⴻⵎⵎⴻⵍ ⴰⴽⴽⴰ », ⵢⴻⵔⵏⴰ ⴷ ⵜⴰⵍⵓⴼⵜ-ⴰ ⴰⵢ ⵢⴻⵙⵙⴰⵡⴹⴻⵏ ⴰⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴷ ⵜⴻⴳ, ⴰⵙⵙ ⵏ 27 ⵎⴻⵖⵔⴻⵙ 2015, ⵢⵉⵡⴻⵏ ⵏ ⵓⵙⴽⴰⵙⵉ « ⴰⵢ ⵢⵓⴷⴼⴻⵏ ⴷⴻⴳ ⵓⵎⴻⵣⵔⵓⵢ ⵢⴻⵔⵏⴰ ⴷ ⴰⵎⴻⵣⵡⴰⵔⵓ ⵙⴻⴳ ⵚⵚⴻⵏⴼⴰ-ⴰ » ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ. ⴷⴻⴳ ⵓⵙⴽⴰⵙⵉ-ⵏⵏⵉ, ⴰⵙⴻⵇⵇⴰⵎⵓ-ⴰ « ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵙ ⵢⵉⵙⴻⵎ ⵏ ⵡⴰⴽⴽ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴷⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵎⴰⵣⴰⵍ-ⵉⵜⵜ ⵜⴻⴱⴷⴻⴷ ⵖⴻⴼ ⵡⴰⴷⴷⵓⴷ-ⵏⵏⴻⵙ ⵏ ⵓⵣⵔⴻⴼ ⵏ ⵓⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴳⴻⵏ ⴰⴽⴽ ⴰⵢⴻⵏ ⵓⵎⵉ ⵣⴻⵎⵔⴻⵏ ⴰⴽⴽⴻⵏ ⴰⴷ ⴷ-ⵙⵄⴻⵊⵍⴻⵏ ⴰⴽⴰⵍⴰ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ».

ⵎⴰⵙⵙ ⵙⴻⵍⵍⴰⵍ ⵢⴻⵛⴽⴻⵕ-ⴷ ⴰⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵉⵎⵉ ⴰⵢ ⵉⵄⴰⵡⴻⴷ ⵢⴻⵔⵔⴰ-ⴷ ⵜⵓⴷⴻⵔⵜ ⵉ ⵓⵙⴻⵇⵇⴰⵎⵓ ⵓⵄⵊⵉⵍ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵖⴻⴼ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.

« ⵏⴻⵙⵙⴻⴱⵖⴰⵙ ⴷⴰⵖ ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵜⴰⴷⵓⴽⵜⵓⵔⵜ ⴷⵍⴰⵎⵉⵏⵉ-ⵣⵓⵎⴰ, ⴰⵢ ⵉⵃⴻⵜⵜⴻⵜⴻⵏ, ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⴷ-ⵜⴳⴰ ⴷⴻⴳ ⵎⴻⵖⵔⴻⵙ ⵏ 2015, ⵖⴻⴼ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵎⵖⴻⵔ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⴷ-ⵜⵃⴰⵣ ⵓⵍⴰ ⴷ ⵜⴰⵄⴻⵙⵙⴰⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵙⴻⵍⵍⴰⵍ ⵢⵓⵎⴰⵔ (ⵢⴻⴼⵕⴻⵃ), ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙ ⵍⵎⴻⵊⵀⵓⴷ ⴰⵢ ⵉⴳⴰ ⵓⵎⴰⵣⵓⵏ ⵓⴷⵎⴰⵡⴰⵏ ⵏ ⵜⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵊⵧⴰⵇⵓⵉⵎ ⵛⵀⵉⵙⵙⴰⵏⵧ, ⴰⴽⴽⴻⵏ ⴰⴷ ⵢⴻⵙⵙⴻⵡⵍⵉⵡⴻⵍ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵖⴻⴼ « ⴼⴻⵔⵔⵓ ⵏ ⵜⴻⵎⵙⴰⵍⵜ-ⴰ ».

ⴰⵏⴻⵥⵔⵓⴼ ⵓⵜⵔⵉⵎ ⴷ ⵏⴻⵜⵜⴰ ⴰⵢ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ. ⵜⴻⴹⴹⴻⴼ-ⵉⵜ ⵎⴻⵕⵕⵓⴽ ⵢⴻⵔⵏⴰ ⵜⴻⵇⵇⴻⵏ-ⵉⵜ ⵖⴻⵔ ⵡⴰⴽⴰⵍ-ⵏⵏⴻⵙ ⴷⴻⴳ 1975, ⴰⵙⵎⵉ ⴰⵢ ⴼⴼⵖⴻⵏ ⵢⵉⵖⴰⵍⵍⴻⵏ ⵉⵙⵒⴻⵏⵢⵓⵍⵉⵢⴻⵏ, ⵢⴻⵔⵏⴰ ⴰⵙⵙ-ⴰ, ⵜⴰⵎⵓⵔⵜ-ⴰ ⴷ ⵢⵉⵡⴻⵏ ⵙⴻⴳ ⵡⴰⴽⴰⵍⴻⵏ ⴰⵢⵖⴻⴼ ⴽⴽⴰⵜⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴽⴽⵙⴻⵏ ⵙⴻⴳ-ⵙ ⴰⵙⵙⴻⵀⵔⴻⵙ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⴷ ⵍⴻⵇⵡⴰⵏⵉⵏ ⵉⴳⵔⴰⵖⵍⴰⵏⴻⵏ ⴰⵢ ⵢⴻⵔⵣⴰⵏ ⴰⵢⴰ.