Asebter amenzawi

Aselway afṛansawi di Lezzayer i tirza n tegmatt d uxeddim

LEZZAYER- Aselway n Tegduda Tafṛansawit, François Hollande, yewweḍ-d ass n letniyen ɣer Lezzayer, i yiwet n tirza n tegmatt d uxeddim di Lezzayer, s wencad n uselway n Tegduda, Abdelaziz Bouteflika.

Mas Hollande mmuggren-t mi d-yewweḍ ɣr unafag ageraɣlan Houari Boumediene sɣuṛ aselway useqqamu n waɣlan, Abdelkader Bensalah, s tillin n uneɣlaf amezwaru, Abdelmalek Sellal akk d ineɣlafen unab

Tirza-yagi tella-d "deg yiwet n tegnitt igerzen n udiwenni d lemxaltat tisertanin ger snat n tmura, lemxaltat ibedden ɣef teɣri n Lezzayer ɣef lemɛiwna d wemcarek, yettwasenyan sɣuṛ i sin iselwayen di duǧambeṛ 2012", id-tenna iḍelli taselwit n tegduda deg yiwen wulɣu.

"lemxaltat d lemɛiwna ger Lezzayer d Fṛansa yedder daɣen, iseggasen-agi ineggura, inegmuyen s wazal-nsen di laɛḍil ad nnernin ugar deg yeḥricen yemxalfen, am wakken t-id-wekkdent tagrayin n temlilit tis snat n useqqamu gerunabaḍ n weswir ɛlayen, id-yellan di Paris di duǧambeṛ yezrin, s uselwi n sin ineɣlafen imezwura, aakk d yigmaḍ n temlilit tis tlata n useqqamu aneɣlafan ger Lezzayer d Fṛansa yeṭṭafaṛen lemxaltat akk d wemɛawen, yemlalen di Lezzayer, di mayu yezrin",id-tenna teɣbalut-agi.