Asebter amenzawi

Imazwaren n BEM deg Lezzayer nnan belli ‘’yeshel’’ ukayad n tusnakt

LEZZAYER – D liḥala n tmeɣra i yuɣen, ass n letniyen, deg yilemmasen yemgaraden n twilayt n Lezzayer, ass wis sin n ukayad n ugerdas n usegmi alemmas (BEM) anda d-yettban lferḥ ɣef akk udmawen n yimazwaren acku akayad-nni n tusnakt, i llan ugaden-t, yusa-asen-d ’’yeshel’’, ‘’zemren-as’’ akk. Ferḥen akk yimazwaren n BEM s ukayad n tusnak acku yusa-asen-d ’’yeshel’’ ɣas akken akud i asen-fkan drus, wezzil akken ad zemren ad rren i akk tuttriwin, d ayen i twala yiwet n tneɣmast n tnegga APS mi tɛedda ɣef kra n yilemmasen n yikayaden yellan deg tmaneɣt.

‘’D tidet yeshel ukayad n tusnakt, maca amgay i d-aɣ-fkan yessutur-d aṭas n ukud, akud i aɣ-d-fkan nitni drus akken ad nerr ɣef tuttriwin yeḥwaǧen tiririt taɣezfant maca s umata tgerrez liḥala, i d-ssegzan yimazwaren.

45.905 n yimazwaren i yesɛeddayen, seg wass n lḥedd, akayad n ugerdas n usegmi alemmas (BEM) aseggas 2015, deg yilemmasen n ukayad yemgaraden deg twilayt n Lezzayer.

Amḍan n yimazwaren ɣer BEM deg tmurt yewweḍ ɣer 542.041 n yimazwaren, ɣef wakken i tenna ONEC amḍan iṣub-d s 12,09% ɣef useggas n 2014 (591.509 candidats).

Ad yeffeɣ ugmuḍ BEM ass n 4 Yulyu.

Afmiḍi aɣelnaw n wid i rebḥen deg ukayad n ugerdas n usegmi alemmas (BEM) deg useggas n 2014 yessaweḍ ɣer 59,54%.