ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵢⴻⵙⵙⴰⵡⴻⵍ ⴷ ⵎⴰⵙⵙⴰ ⴳⵓⵉⴳⵧⵓ ⵖⴻⴼ ⵓⵎⵄⴰⵡⴻⵏ ⴳⴰⵔ ⵢⵉⵎⵏⴰⵏ ⵏ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⵢⴻⵎⵎⵓⴳⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵓⴳⵔⴰⵡ ⴰⴼⵕⴻⵏⵙⵉⵙ, ⴻⵍⵉⵣⴰⴱⴻⵜⵀ ⴳⵓⵉⴳⵧⵓ ⵢⴻⵔⵏⴰ ⵙⵙⴰⵡⵍⴻⵏ ⵖⴻⴼ ⵓⵎⵄⴰⵡⴻⵏ ⴳⴰⵔ ⵢⵉⵎⵏⴰⵏ (ⵉⴳⵔⴰⵡⴻⵏ) ⵏ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ ⵏ ⵓⴳⵔⴰⵡ.
ⴷⴻⴳ ⵓⵎⵢⴰⴳⴻⵔ-ⴰ, ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ « ⵏⵏⴻⵔⵏⴰⵏ ⵙ ⵡⴰⵟⴰⵙ » ⴷⴻⴳ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, « ⵍⴰⴷⵖⴰ ⵙⴻⴳ ⵡⴰⵙⵎⵉ ⴰⵢ ⵎⴱⴰⴷⴷⴰⵍⴻⵏⵜ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵔⵣⴰ ⵏ ⵓⵙⵡⵉⵔ ⵓⵏⵏⵉⴳ ».
ⴷⴻⴳ ⵓⵎⵢⴰⴳⴻⵔ-ⴰ ⴷⴰⵖ, ⴰⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵢⴻⵙⵙⵓⴽⴽ-ⴷ ⵜⵉⵟ ⵖⴻⴼ ⵢⵉⴳⵎⴰⴹ ⵢⴻⵍⵀⴰⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵢⵉⴷⵉⵡⴻⵏⵏⵉⵢⴻⵏ ⵢⴻⵣⵔⵉⵏ ⴰⵢ ⴷ-ⵢⴻⵍⵍⴰⵏ ⴷ ⵎⴰⵙⵙⴰ ⴳⵓⵉⴳⵧⵓ ⴷ ⵢⵉⵎⴹⴻⴱⴱⵔⴻⵏ ⵉⴼⵕⴻⵏⵙⵉⵙⴻⵏ ⵏⵉⴹⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵉⴳⵎⴰⴹ-ⴰ ⵙⵙⴽⴰⵏⴰⵢⴻⵏ-ⴷ « ⴰⵎⵙⴻⴼⵀⴰⵎ ⴰⵎⴻⵇⵔⴰⵏ ⴷ ⵍⴻⴱⵖⵉ ⵓⵛⵔⵉⴽ ⵉ ⵓⵙⵏⴻⵔⵏⵉ ⵏ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ».
« ⵙⵏⴰⵜ-ⴰ ⵏ ⵜⵎⵓⵔⴰ ⵍⴰ ⵜⵜⴻⵎⵄⴰⵡⴰⵏⴻⵏⵜ ⴰⴽⴽⴻⵏ ⴰⴷ ⵙⵙⴰⵍⵉⵏⵜ ⴰⵙⵡⵉⵔ ⵏ ⵓⵎⴱⴰⴷⴷⴻⵍ-ⵏⵙⴻⵏⵜ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜ ⵏ ⵡⵓⴳⵓⵔⴻⵏ ⵉⴷⴰⵎⵙⴰⵏⴻⵏ ⴷ ⵓⴱⴻⴷⴷⴻⵍ ⴰⵙⴻⵔⵜⵉ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵙ ⵜⵖⴰⵡⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵍⴰ ⵅⴻⴷⴷⵎⴻⵏⵜ « ⴰⴽⴽⴻⵏ ⴰⴷ ⵖⴻⵍⵍⵜⴻⵏⵜ ⴰⵙⵙⴰⵖⴻⵏ-ⵏⵙⴻⵏⵜ ⵉⵡⴰⵎⵏⵉⵢⴻⵏ ⴰⵢ ⴷ-ⵢⵓⴼⵔⴰⵔⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏⵜ ⵖⴻⵔ ⵏⵏⴼⴻⵄ-ⵏⵙⴻⵏⵜ ⵓⵛⵔⵉⴽ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⴱⴷⴻⵔ-ⴷ ⴷⴰⵖ ⴷ ⴰⴽⴽⴻⵏ ⴰⵎⴰⵀⵉⵍ (ⴰⵅⴻⴷⴷⵉⵎ) ⵓⵛⵔⵉⴽ ⴷⴻⴳ ⵓⴽⴰⵜⴰⵔ ⵏ ⵜⵙⴻⵇⵇⴰⵎⵓⵜ ⵜⴰⵡⴰⵎⵏⵉⵜ ⵜⴰⵎⴻⵇⵔⴰⵏⵜ (ⴷ ⵜⴰⵙⴻⵇⵇⴰⵎⵓⵜ ⵜⴰⵡⵃⵉⴷⵜ ⴰⵢ ⵉⵛⴻⵔⴽⴻⵏ ⴰⵎⵏⵉ ⴰⴷⵣⴰⵢⵔⵉ ⵖⴻⵔ ⵓⵎⵏⵉ ⵏ ⵜⵎⵓⵔⵜ ⵜⴰⴱⴻⵕⵕⴰⵏⵉⵜ) ⴷ ⵢⵉⵡⴻⵏ ⵙⴻⴳ ⵡⵓⴷⵎⴰⵡⴻⵏ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵔⴰⵏ ⴰⴽⴽ ⴷⴻⴳ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
ⵍⴻⵣⵣⴰⵢⴻⵔ ⵜⴻⵇⵇⴻⵍ, ⵉⵎⵉⵔ-ⴰ, ⴷ ⵜⴰⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵓⵔⴽⴰⴷ ⴷⴻⴳ ⵜⴻⵎⵏⴰⴹⵜ-ⴰ ⵢⴻⵞⵞⵓⵕⴻⵏ ⴷ ⵓⴳⵓⵔⴻⵏ ⴷ ⵜⵍⵓⴼⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴳⴰ ⵍⵎⴻⵊⵀⵓⴷ ⴰⴽⴽⴻⵏ ⴰⴷ ⵜⴻⵙⵙⴻⵇⵏⴻⵄ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴳⴰⵔ-ⴰⵙⴻⵏ ⴰⴽⴽⴻⵏ ⴰⴷ ⵎⵛⵉⵡⵕⴻⵏ ⵢⴻⵔⵏⴰ ⴰⴷ ⴼⵔⵓⵏ ⵜⵉⵍⵓⴼⴰ-ⵏⵙⴻⵏ ⴰⵎⴰ ⴷⴻⴳ ⵎⴰⵍⵉ, ⴰⵎⴰ ⴷⴻⴳ ⵍⵉⴱⵢⴰ.
ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⴰⵖⵔⴻⴼ ⴰⴼⴰⵍⴻⵙⵟⵉⵏⵉ ⵢⴻⵙⵄⴰ ⴰⵣⵔⴻⴼ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴱⴷⴻⴷ ⴰⵡⴰⵏⴰⴽ-ⵏⵏⴻⵙ ⵉⵎⵣⵉⵔⴻⴳ ⵢⴻⵔⵏⴰ ⴰⴷ ⵢⴻⵙⵄⵓ ⵍⵇⵓⴷⵙ ⴷ ⵜⴰⵎⴰⵏⴻⵖⵜ-ⵏⵏⴻⵙ. ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⴹⴹⴻⴼ ⴷⴻⴳ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵓⵔ ⵜⴻⵍⵍⵉ ⴰⵔⴰ ⴷ ⵉⴷⵉⵙ ⴷⴻⴳ ⵜⴰⵍⵓⴼⵜ-ⴰ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⴻⴼⵔⵓ ⴷⴻⴳ ⵓⴽⴰⵜⴰⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ. ⴰⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵢⴻⴱⴷⴻⵔ-ⴷ, ⴷⴻⴳ ⵜⴳⴰⵔⴰ, ⴷⴷⵓⵕ ⵏ ⵢⵉⵡⴰⵎⵏⵉⵢⴻⵏ ⴷⴻⴳ ⵓⵣⵔⴰⵄ ⵏ ⵡⴰⵣⴰⵍⴻⵏ ⵏ ⵜⵍⴻⵍⵍⵉ ⴷ ⵜⴻⵖⴷⴻⵎⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵃⵔⴰⵣ ⵏ ⵡⴰⵣⴰⵍⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵎⴰⵙⵙⴰ ⴻⵍⵉⵣⴰⴱⴻⵜⵀ ⴳⵓⵉⴳⵧⵓ ⵜⴻⵏⵏⴰ-ⴷ ⴷ ⴰⴽⴽⴻⵏ ⵉⵎⴰⵣⴰⵏⴻⵏ ⵉⴼⵕⴻⵏⵙⵉⵙⴻⵏ ⵍⴰ ⵜⵜⴹⴰⴼⴰⵔⴻⵏ ⵙ ⵍⵇⴻⵔⴱ ⵍⵎⴻⵊⵀⵓⴷ ⴰⵢ ⵜⴻⵜⵜⴻⴳ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷ ⴰⴽⴽⴻⵏ ⵜⴰⵙⴻⵎⵢⵓⴷⴷⴻⵙⵜ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵉⵎⵉ ⵙⵏⴰⵜ-ⴰ ⵏ ⵜⵎⵓⵔⴰ ⵙⵄⴰⵏⵜ ⴷⴷⵓⵕ ⴷ ⵓⵎⴽⴰⵏ ⴷ ⵉⵎⴻⵇⵔⴰⵏⴻⵏ ⴷⴻⴳ ⵜⴻⵎⵏⴰⴹⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵏ ⵜⵍⵓⴼⴰ.
« ⴼⵕⴰⵏⵙⴰ ⵜⴻⴼⴽⴰ ⴰⵣⴰⵍ ⵉ ⵍⵎⴻⵊⵀⵓⴷ ⵏ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵜⵉⴼⵔⴰⵜ ⵜⴰⵎⴻⵍⵡⵉⵜ, ⵜⴰⴷⵓⵎⴰⵏⵜ ⴰⵔⴰ ⵉⴼⴰⴽⴻⵏ ⵜⵉⵍⵓⴼⴰ ⴰⵢ ⵢⴻⵜⵜⵄⴻⴷⴷⵉⵏ ⵖⴻⴼ ⵜⴻⵎⵏⴰⴹⵜ, ⵢⴻⵔⵏⴰ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵙⴻⵍⴽⴻⵏⵜ ⵙⴻⴳ ⵍⵎⴰⴹⴻⵔⵔⴰ ⴰⵔⴰ ⴷ-ⵢⴰⵙⴻⵏ ⵙⴻⴳ ⵜⵍⵓⴼⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⴹⴻⴱⴱⴻⵔⵜ-ⴰ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵙⵙⴰ ⴳⵓⵉⴳⵧⵓ ⵜⴳⴻⵔ-ⴷ ⵜⵉⵖⵔⵉ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵏ ⵙⵙⴰⵃⴻⵍ ⴷ ⵓⵏⴻⵥⵔⵓⴼ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⴼⵔⵓⵏⵜ ⵜⵉⵍⵓⴼⴰ-ⵏⵙⴻⵏⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵛⴽⴻⵕ ⴰⴱⴷⴰⴷ ⴰⵢ ⵜⴻⴱⴷⴻⴷ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ, ⴰⵎ ⵜⵓⵏⴻⵙ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵄⴰⵡⴻⵏ ⴰⵡⴰⵎⵏⵉ, ⵎⴰⵙⵙⴰ ⴳⵓⵉⴳⵧⵓ ⵜⴻⴱⴷⴻⵔ-ⴷ ⴰⵣⴰⵍ ⴰⵢ ⵢⴻⵜⵜⴰⴽⴼ ⵓⴳⵔⴰⵡ ⴰⵖⴻⵍⵏⴰⵡ ⴰⴼⵕⴻⵏⵙⵉⵙ ⵉ ⵜⴻⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵜⴰⵡⴰⵎⵏⵉⵜ ⵜⴰⵎⴻⵇⵔⴰⵏⵜ ⴰⵔⴰ ⴷ-ⵢⵉⵍⵉⵏ ⵖⴻⴼ ⵣⵉⴽ ⵍⵃⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵓⵙⵙⴻⵊⵀⴻⴷ ⵏ ⵓⵎⴱⴰⴷⴷⴻⵍ ⴰⵡⴰⵎⵏⵉ ⴰⴽⴽⴻⵏ ⴰⴷ ⵢⴻⵇⵇⴻⵍ ⴷ ⴰⵎⵄⴰⵡⴻⵏ ⵓⵛⵔⵉⴽ ⴰⵙⴻⵔⵜⵉ ⴷ ⵓⴷⴰⵎⵙⴰⵏ.
