Asebter amenzawi
Lbumbat n N’Djamena: Lezzayer twet-d deg-sent s teqseḥ (aɣlif n tɣawsiwin n uzɣar)
LEZZAYER TAMANEƔT – Lezzayer tessaẓer s teqseḥ snat-nni n tenṭagin ay d-yellan ass n letniyin mgal wammas alemmas n temsulta d uɣerbaz n temsulta n N’Djamena (Čad), ɣef wakken ay d-yenna uneṭṭaq n uɣlif n tɣawsiwin n uzɣar, Abdelaziz Benali Cherif.
« Nessaẓer s ljehd snat n tenṭagin-tineɣmanin ay d-yellan taṣebḥit-a mgal Wammas alemmas n temsulta d uɣerbaz n temsulta deg tmaneɣt tačadit n N’Djamena », ɣef wakken ay d-yenna uneṭṭaq n uneɣlaf n tɣawsiwin n uzɣar deg yiwet n tseɣrit ay iga i Tnegga n Yisalan n Lezzayer.
« Nessenfalay-d tamsetlelt-nneɣ tummidt i unabaḍ d uɣref ičadiyen yerna nettɛezzi tiwaculin n teɣtas n yigiten-a irebraben », ɣef wakken ay d-yenna, am wakken ay d-yenna d akken « nekkni nugi yerna nessaẓer rrebrab akken yebɣu yili, akken yebɣu iban-d, am wakken ay nebded ɣer yidis n Čad deg yimenɣi-nnes ay d-yufraren mgal uxeṣṣar-a ».
« Neckeṛ-d, daɣ deg temsalt-a, aɛewwel d lmejhud ay gant Čad d tmura niḍen n temnaḍt-a i lmend n ussebded n tsemyuddest ijehden d umɛawen unfiɛ ugar i uzraɛ n yiɣallen n tgermant tucrikt tagraɣlant ara izemren ad tessenger tagrawt tarebrabt n Boko Haram ay yeqqlen d tuggza n tidet i talwit d tɣellist ama i temnaḍt-a, ama i wakk Tafriqt », ɣef wakken ay d-yenna uneṭṭaq n uɣlif n tɣawsiwin n uzɣar.
