Asebter amenzawi

CAN-2017/Lesotho-Lezzayer: Idzayriyen ad swejden iman-nsen seg 31 Ɣuct deg Tefriqt n Unẓul

LEZZAYER TAMANEƔT – Taɣlamt n Lezzayer n tkurt n uḍar ad teg annan gar 31 Ɣuct d 5 Ctembeṛ ay d-yetteddun deg Tefriqt n Unẓul akken ad turar timlilit-nnes mgal Lesotho deg ukatar n wass wis sin n temliliyin n uɛeddi n Teqbuct n Tefriqt n Yiɣlanen n CAN-2017, ɣef wakken ay d-tenna ass n letniyen Tfidiṛalit tadzayrit n tkurt n uḍar.

Taɣlamt taɣelnawt ad teg annan deg Tefriqt n Unẓulm seg 31 Ɣuct 2015 d asawen uqbel ma tedda ɣer Maseru, tamaneɣt n Lesotho, akken ad turar timlilit-a deg wass n 6 Ctembeṛ 2015, ɣef wakken ay d-tenna teɣbalut-a.

Taɣlamt n Lezzayer yebda-d akken yelha aḥric-a n temliliyin n uɛeddi n CAN-2017 mi terna Seychelles (4-0) ass n ssebt deg usarir n Mustapha-Tchaker n Leblida deg wass amezwaru n temliliyin-a.

Dɣa i lmend n waya, tanarit tafidiṛalit n Tfidiṛalit tadzayrit n tkurt n uḍar « tumar s wurar yelhan n teɣlamt taɣelnawt d ugmuḍ ay d-yellan seg temlilit ay turar mgal Seychelles, am wakken ay tessebɣes imariren d yixeddamen ay asen-ibedden akken ad kemmlen akka yerna ad ḍemnen i Lezzayer ad tɛeddi ɣer CAN 2017 ».

Deg temlilit-nni niḍen n tegraw J, Ityupya terna Lesotho s 2 ɣer 1 ass n lḥedd deg Addis Abeba.

Taɣlamt ara d-yezgen d tamezwarut deg tegrawt-a ad tɛeddi srid ɣer uḥric aneggaru n CAN-2017 ara d-yilin deg Gabun.