Asebter amenzawi

Aɛumu/Talɣuɣa taɣelnawt: ASPTT d USM Lezzayer tebḥent-d taẓrigt n 2015

LEZZAYER– D tiɣlamin n ASPTT Lezzayer (tiqcicin) d USM Lezzayer (iqcicen) ay irebḥen talɣuɣa n Lezzayer n uɛumu n taggayt n yimaẓuẓen (12 n yiseggasen, 13 n yiseggasen) ay ifuken ass n letniyen deg tnerdabt tulimpit n 5 Yulyu (Lezzayer Tamaneɣt).

Tiɛewwamin n ASPTT Lezzayer rebḥent deg wakk kraḍ-nni (3) n wussan n telɣuɣa-a yerna ḥawcent-d 10 n tzalɣiwin (5 n wureɣ, 4 n uẓref d 1 n ubṛunz), sakkin teḍfer-itt-id OC Lezzayer s 7 n tzalɣiwin (3 n wureɣ, 4 n uẓref d 1 n ubṛunz) d FCO Lezzayer s 5 n tzalɣiwin s ujemmal (2 n wureɣ, 2 n uẓref d 1 n ubṛunz).

Ɣer yiqcicen, d inaddalen n USM Lezzayer ay irebḥen s 9 n tzalɣiwin (5 n wureɣ, 2 n uẓref d 2 n ubṛunz), sakkin teḍfer-iten-id teɣlamt n Groupement Sportif Petrolier (GSP) s 3 n tzalɣiwin (2 n wureɣ d yiwet n ubṛunz) d tin n WRBE Lezzayer Talemmast s snat n tzalɣiwin n wureɣ.

Deg usettef n teɣlamin s tenqiḍin, tiɣlamin n Lezzayer Tamaneɣt d nitenti ay d-yezgan d timezwura. Ɣer teqcicin, ASPTT Lezzayer terbeḥ-d 14874 n tenqiḍin, sakkin teḍfer-itt-id RTAET Ɛin Ṭṭurk (Wehṛan) s 7959 n tenqiḍin, d OC Lezzayer s 7128 n tenqiḍin. FCO Lezzayer d tis kuẓet (4) s 6827 n tenqiḍin, ma d NC Menṣura d tis semmuset (5) s 5485 n tenqiḍin (Tlemsan).

Ɣer yiqcicen, amkan amezwaru s tenqiḍin iṣaḥ-d FCO Lezzayer (9124 n tenqiḍin), ma d wis sin d Groupement Sportif Petroliers-GSP s 8647 n tenqiḍin, ma d wis kraḍ d MSB Lɛelma s 7957 n tenqiḍin.

Semmuset (5) n teɣlamin timezwura n usettef-a s tenqiḍin (n yimaẓuẓen) rnant ɣer-s RTAET Ɛin Ṭṭurk (Wehṛan) s 6507 n tenqiḍin d USM Lezzayer s 6461 n tenqiḍin.

Azal n 140 n yinaddalen (gar-asen 103 n teqcicin) seg 12 n temɣunin d 40 n teɣlamin ay yettekkan deg teẓrigt-a n 2015.