ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵙⵙⴻⴼⵔⵓⵏ ⴰⴽⵓⴷ ⴷⴻⴳ ⴰⵔⴰ ⴷ-ⵜⵉⵍⵉ ⵜⴻⴼⵔⴰⵏⵜ ⵉ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵜⵎⵓⵔⵜ-ⴰ

ⵊⵧⵀⴰⵏⵏⴻⵙⴱⵓⵔⴳ - ⴰⵙⴰⵔⴰⴳ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ (ⴷⴻⴳ ⵜⵇⴰⵛⵓⵛⵜ ⵏ ⵊⵧⵀⴰⵏⵏⴻⵙⴱⵓⵔⴳ) ⵉ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ « ⴰⴷ ⴷ-ⵙⵙⴻⴼⵔⵓⵏ ⴰⵣⴻⵎⵣ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵏ ⵢⵉⵎⴻⵣⴷⴰⵖⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵃⵓⴷⴷⵓ ⵏ ⵍⵃⴻⵕⵎⴰ ⵏ ⵜⵎⵓⵔⵜ-ⴰ ».

ⴰⵙⴰⵔⴰⴳ-ⴰ ⵢⴻⵙⵎⴻⴽⵜⵉ-ⴷ ⵙ ⵕⵕⴰⵢ-ⵏⵏⵉ ⵏ ⵍⵇⴰⵏⵓⵏ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵅⵅⴰⵎ ⵏ ⵛⵛⵕⴻⵄ ⴰⴳⵔⴰⵖⵍⴰⵏ ⴰⵙⵙ ⵏ 16 ⵟⵓⴱⴻⵕ 1975, ⴷ ⵡⵉⵏ ⴰⵢ ⵢⴻⵙⵙⵓⵜⵔⴻⵏ ⵙⴻⴳ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ « ⴰⴷ ⴷ-ⵙⵙⴻⴼⵔⵓⵏ ⴰⵣⴻⵎⵣ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵏ ⵢⵉⵎⴻⵣⴷⴰⵖⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵃⵓⴷⴷⵓ ⵏ ⵍⵃⴻⵕⵎⴰ ⵏ ⵜⵎⵓⵔⵜ-ⴰ (ⵙ ⵢⵉⵙⴻⵎ-ⵏⵏⴻⵙ ⴷ ⴰⴽⴰⵍ ⵓⵔ ⵢⴻⵙⵄⵉⵏ ⴰⵔⴰ ⵜⴰⴼⵓⵍⵎⴰⵏⵜ) ⵙⴻⴳ ⵡⴰⴽⴽ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜ-ⵢⴻⵙⵙⵡⴰⵖ ».

ⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙⵙⴻⵏⴼⴰⵍⵉⵏ-ⴷ ⴷⴰⵖ « ⴰⵖⴱⴻⵍ-ⵏⵙⴻⵏ » ⵉⵎⵉ ⴰⵢ ⵢⴻⵔⴳⴻⵍ ⵓⴱⵔⵉⴷ ⴰⵛⵃⴰⵍ ⴰⵢⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.

ⴰⵙⴰⵔⴰⴳ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵢⴻⵍⵍⴰ-ⴷ ⵓⵖⴱⴻⵍ ⴷ ⴰⵍⵇⴰⵢⴰⵏ ⵉⵎⵉ ⴰⵢ ⵢⴻⵔⴳⴻⵍ ⵓⴱⵔⵉⴷ ⴰⵛⵃⴰⵍ ⴰⵢⴰ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉⵏ ⵙ ⵜⵖⴰⵡⵍⴰ ⵡⵓⵙⵙⵉⵙⴻⵏ (ⵍⵎⴻⵊⵀⵓⴷ) ⵉⴳⵔⴰⵖⵍⴰⵏⴻⵏ ⵉ ⵓⵙⵙⵉⴼⵙⴻⵙ ⵏ ⴼⴻⵔⵔⵓ ⵓⵄⵊⵉⵍ ⵏ ⵜⴰⵍⵓⴼⵜ-ⴰ ».

ⴰⵙⴰⵔⴰⴳ-ⴰ ⵢⴻⵙⵎⴻⴽⵜⵉ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ « ⵙ ⵓⵍⵖⵓ-ⵏⵏⵉ ⵏ ⵜⵙⴻⵇⵇⴰⵎⵓⵜ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ 27 ⵎⴻⵖⵔⴻⵙ 2015 ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ, ⵢⴻⵔⵏⴰ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵓⵎⵎⵉⴷ ⵖⴻⵔ ⵢⵉⴷⵉⵙ ⵏ ⵓⵎⴰⵣⵓⵏ ⵓⵣⵣⵉⴳ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉ ⵓⵏⴻⵥⵔⵓⴼ ⵓⵜⵔⵉⵎ, ⴰⵙⴻⵍⵡⴰⵢ ⴰⵇⴱⵓⵔ ⵊⵧⴰⵇⵓⵉⵎ ⵛⵀⵉⵙⵙⴰⵏⵧ ».

ⴰⵙⴰⵔⴰⴳ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵢⴻⵙⵙⵓⵜⴻⵔ, ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵙⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ « ⴰⴷ ⵢⴻⴷⴷⴻⵎ ⵜⴰⵎⴰⵙⵉⵜ-ⵏⵏⴻⵙ ⵢⴻⵔⵏⴰ ⴰⴷ ⵢⴻⴼⵔⵓ ⵜⵉⵎⵙⴰⵍ ⵏ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ ⵏ ⵡⴰⴽⴰⵍ-ⴰ ». ⴰⵙⴰⵔⴰⴳ-ⴰ « ⵢⴻⵙⵙⴻⴱⵖⴻⵙ ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⵍⵎⴻⵊⵀⵓⴷ-ⵏⵏⴻⵙ ».