ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵍⵉ: ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ

ⵊⵧⵀⴰⵏⵏⴻⵙⴱⵓⵔⴳ – ⴰⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵢⴻⵏⵏⴰ-ⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ, ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵙ ⵜⵉⴷⴻⵜ ⵓⵎⴰⵜⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⴷⴻⴳ ⴱⴰⵎⴰⴽⵧ, ⵢⴻⵔⵏⴰ ⵢⴻⴱⴷⴻⵔ-ⴷ ⵍⴻⵛⵖⴰⵍ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵜⴻⵡⴳⴻⵏ ⵉ ⵍⵎⴻⵏⴷ ⵏ ⵡⴰⵢⴰ.

« ⵜⴰⵎⵙⴰⵍⵜ ⵓⵔ ⵜⴻⵍⵍⵉ ⴰⵔⴰ ⴽⴰⵏ ⴷⴻⴳ ⵓⵙⵜⴻⵏⵢⵉ ⵏ ⵢⵉⵎⵜⴰⵡⴰⵢⴻⵏ ⵏ ⵜⵖⴻⵍⵍⵉⵙⵜ, ⵡⴰⵏⴰⴳ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⵉⴽⵍⵉ ⵏ ⵜⵉⴷⴻⵜ ⵉ ⵓⵙⵙⴻⴼⵄⴻⵍ ⵏ ⵢⵉⵎⵜⴰⵡⴰⵢⴻⵏ-ⴰ ⴷⴻⴳ ⵜⵉⴷⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵏⵣⵓ ⵙⴷⴻⴼⴼⵉⵔ ⵎⴰ ⵢⴻⵙⵙⴰⵡⴻⵍ ⴷ ⵓⵙⴻⵍⵡⴰⵢ ⴰⵎⴰⵍⵉ ⵉⴱⵔⴰⵀⵉⵎ ⴱⵓⴱⴰⴽⴰⵔ ⴽⴻⵉⵜⴰ ⴷⴻⴳ ⵢⵉⵊⵉⴼⴻⵕ ⵏ ⵜⵖⵉⵎⵉⵜ ⵜⵉⵙ 25 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.

Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⵙⴻⵍⵍⴰⵍ, ⵜⵉⴽⵍⵉ-ⴰ « ⵜⴻⵃⵡⴰⵊ ⵍⵎⴻⵊⵀⵓⴷ ⴷ ⴰⵎⴻⵇⵔⴰⵏ, ⵍⴰⴷⵖⴰ ⵉⵎⵉ ⵉⴳⴻⵏ ⵏ ⵎⴰⵍⵉ ⵢⴻⴷⵔⴻⵎ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵜⴰⵡⵉⵍⴰⵜ ⴰⵔⴰ ⵢⴻⵜⵜⵡⴰⵙⵇⴻⴷⵛⴻⵏ ⵙⴻⴳ ⵢⵉⴷⵉⵙ ⵏ ⵓⵙⵏⴻⵔⵏⵉ ⴰⵏⵎⴻⵜⵜⵉ ⴷ ⵓⴷⴰⵎⵙⴰⵏ (ⴷ ⵜⵜⴰⵡⵉⵍⴰⵜ ⴰⵢⴷⴻⴳ ⵜⵅⵓⵚⵚ ⵎⴰⵍⵉ ⵎⵍⵉⵃ), ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⵄⴰⵡⴻⵏ ⴳⴰⵔ ⴰⴽⴽ ⵜⵉⵎⵓⵔⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏⵜ ⴰⵍⵍⴰⵍⴻⵏ ⵉⵡⴰⵜⴰⵏ ⵉ ⵓⵀⴻⵢⵢⵉ ⵏ ⵡⴰⵀⵉⵍ ⵏ ⵜⵏⴻⴼⵍⵉⵜ ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⴷ ⴰⵀⵉⵍ ⴰⵔⴰ ⵉⴹⴻⵎⵏⴻⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵔⵔⴱⴻⵃ ⵏ ⵢⵉⵎⵜⴰⵡⴰⵢⴻⵏ-ⴰ ⵢⴻⵔⵏⴰ ⴰⴷ ⵢⴻⴵⴵ ⵜⴰⵖⴻⵍⵍⵉⵙⵜ ⴷ ⵍⵄⴰⴼⵢⴰ ». ⴷ ⵡⴰ ⴰⵢ ⴷ ⵉⵙⵡⵉ ⴰⵢⵖⴻⴼ ⵍⴰ ⵜⵅⴻⴷⴷⴻⵎ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵙⴻⵍⵍⴰⵍ ⵢⴻⵃⴷⴻⵕ ⴷⴻⴳ ⵜⵇⴰⵛⵓⵛⵜ ⵜⵉⵙ 25 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙ ⵢⵉⵙⴻⵎ ⵏ ⵓⵙⴻⵍⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵔⵏⴰ ⵢⴻⵏⵏⴰ-ⴷ ⵙⴷⴻⴼⴼⵉⵔ ⵓⵎⵢⴰⴳⴻⵔ-ⵏⵏⴻⵙ ⴷ ⵓⵙⴻⵍⵡⴰⵢ ⴰⵎⴰⵍⵉ ⴷ ⴰⴽⴽⴻⵏ ⴰⵎⵢⴰⴳⴻⵔ-ⴰ ⴷ ⵡⵉⵏ ⴰⵢ ⵜⴻⵏ-ⵢⴻⴵⴵⴰⵏ ⴰⴷ ⵙⵙⴰⵍⵇⵢⴻⵏ ⴰⵡⴰⵍ ⵖⴻⴼ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.

ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ.