ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵙⵏⵉ ⵏ ⵜⵎⴰⵛⵉⵏⵉⵏ : ⴰⵙⴻⵏⴷⴻⴷ ⵏ ⵢⵉⵅⴻⴷⴷⴰⵎⴻⵏ ⵏ ⵜⵎⴰⵛⵉⵏⵜ ⵢⴻⵡⵡⴻⴹ ⵖⴻⵔ 3 ⵡⵓⵙⵙⴰⵏ, ⵎⴰⵣⴰⵍ ⴷ-ⵜⴱⴰⵏ ⵜⵉⴼⵔⴰⵜ

ⵍⴻⵣⵣⴰⵢⴻⵔ – ⴰⵙⴻⵏⴷⴻⴷ ⵏ ⵢⵉⵏⴻⵀⵀⴰⵔⴻⵏ ⴷ ⵢⵉⵎⵙⴻⵏⵇⴰⴷⴻⵏ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵏ ⵜⵎⴰⵛⵉⵏⵉⵏ (ⵙⵏⵜⴼ) ⵢⴻⴽⵛⴻⵎ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴰⵙⵙ ⵡⵉⵙ ⴽⵔⴰⴹ, ⵡⴰⵔ ⵎⴰ ⵜⴱⴰⵏ-ⴷ ⵜⵉⴼⵔⴰⵜ ⴰⴽⴽⴻⵏ ⴰⴷ ⵓⵖⴰⵍⴻⵏ ⵉⵅⴻⴷⴷⴰⵎⴻⵏ ⵙ ⴰⵎⵀⵉⵍ-ⵏⵙⴻⵏ, ⵉ ⵢⴻⵔⵡⵉⵏ ⴰⵎⴻⵙⵏⵉ ⵏ ⵢⵉⵎⵙⵓⴽⴰⵍ ⴷ ⵙⵙⴻⵍⵄⴰⵜ.

ⵡⵉⵏ ⵢⴻⵜⵜⵎⴻⵙⵍⴰⵢⴻⵏ ⵙ ⵢⵉⵙⴻⵎ ⵏ ⵜⵣⴰⵔⴰⵣⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵜⵎⴰⵛⵉⵏⵜ, ⵣⵧⵓⴱⵉⵔ ⴱⴰⵍⴰⵎⴰⵏⴻ, ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⴱⴻⵍⵍⵉ ‘’ⴰⵙⵓⵜⴻⵔ-ⵏⵏⴻⵖ ⴰⵢⵉⵡⴻⵏ ⴷ ⴰⵄⵉⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵏⵓⴷⵉ ⵏ ⵢⵉⵎⴻⴹⵇⴰⵏ ⵏ ⵓⵅⴻⴷⴷⵉⵎ ⵏ ⵢⵉⵅⴻⴷⴷⴰⵎⴻⵏ ⵏ ⵜⵎⴰⵛⵉⵏⵜ’’.

ⴷⴻⴳ ⵓⵙⴻⵏⴷⴻⴷ ⵙⴻⴳ ⵡⴰⵙⵙ ⵏ ⵍⵃⴻⴷⴷ, ⵉⵅⴻⴷⴷⴰⵎⴻⵏ ⵏ ⵜⵎⴰⵛⵉⵏⵜ ⵏ ⵜⵎⴰⵏⴻⵖⵜ, ⴳⴻⵣⵎⴻⵏⵜ ⴷⴻⴳ ⵕⵕⴰⵢ ⴰⴽⴽⴻⵏ ⴰⴷ ⴽⴻⵎⵍⴻⵏ ⴰⵎⵓⵙⵙⵓ-ⵏⵙⴻⵏ ⴰⵍⴰⵎⵎⴰ ⵇⴻⴱⵍⴻⵏ-ⴰⵙⴻⵏ-ⴷ ⴰⵙⵓⵜⴻⵔ-ⵏⵙⴻⵏ.

ⵢⴻⵏⵏⴰ-ⴷ ⵎⴰⵙⵙ ⴱⴰⵍⴰⵎⴰⵏⴻ ⴱⴻⵍⵍⵉ ⵉⵅⴻⴷⴷⴰⵎⴻⵏ ⵏ ⵜⵎⴰⵛⵉⵏⵜ (ⵉⵎⵚⴻⴳⴳⴰⵎⴻⵏ ⵏ ⵓⵎⵙⴻⴷⴷⵓ, ⵉⵎⴻⴳⴳⵉⵢⴻⵏ ⵏ ⵜⵎⴰⵛⵉⵏ, ⵉⵎⵙⴻⵏⵇⴰⴷⴻⵏ, ⵉⵖⴻⵍⵍⴰ ⵏ ⵜⵎⴰⵛⵉⵏⵜ, ⵉⵏⴻⵀⵀⴰⵔⴻⵏ ⵏ ⵜⵎⴰⵛⵉⵏⵜ, ⵉⵏⴻⴳⴳⵉⵢⴻⵏ ⵏ ⵍⴰⴳⴰⵕ…), ‘’ⵡⴻⵔⴵⵉⵏ ⴷ-ⵙⵙⵓⵜⵔⴻⵏ ⵜⵓⴽⴽⵙⴰ ⵏ ⵢⵉⴽⴰⵢⴰⴷⴻⵏ ⵏ ⵜⵖⴻⵍⵍⵉⵙⵜ, ⴰⵙⵓⵜⴻⵔ-ⵏⵙⴻⵏ ⴰⵢⵉⵡⴻⵏ ⵢⴻⵔⵣⴰ ⴷ ⴰⵄⵉⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵏⵓⴷⵉ ⵏ ⵢⵉⵎⴻⴹⵇⴰⵏ ⵏ ⵓⵅⴻⴷⴷⵉⵎ ⵏ ⵢⵉⵅⴻⴷⴷⴰⵎⴻⵏ ⵏ ⵜⵎⴰⵛⵉⵏⵜ’’.

ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⴰⵙⵏⵓⴷⵉ-ⴰ ⴷ ⴰⵇⴱⵓⵔ ⵢⴻⴽⴽⴰ-ⴷ ⵙⴻⴳ ⵜⴰⵍⵍⵉⵜ-ⵏⵏⵉ ⵜⴰⵎⵀⴰⵔⵙⴰⵏⵜ (ⴰⵙⴻⴳⴳⴰⵙ 1943), ⵢⴻⵏⵏⴰ-ⴷ ⵎⴰⵙⵙ ⴱⴰⵍⴰⵎⴰⵏⴻ ⴱⴻⵍⵍⵉ ⵏⴻⵙⵜⴻⵏⵢⴰ ⴰⵎⵜⴰⵡⴰ ⴷⴻⴳ ⵓⵙⴻⴳⴳⴰⵙ ⵏ 2009 ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵙⵏⵜⴼ ⴰⴽⴽⴻⵏ ⴰⴷ ⵢⵉⵍⵉ ⵓⵙⵏⵓⴷⵉ ⴰⵎⴰⵢⵏⵓⵜ ⵎⴰⵛⴰ ‘’ⴰⵔ ⴰⵙⵙ-ⴰ ⵓⵔ ⵜⴻⵙⵙⴻⴷⴷⴰⵏ ⴰⵔⴰ’’.