ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Lɛeskeṛ ttwasqenɛen s wazal ay yesɛa ccɣel-nsen (Gaid Salah)

ⵍⵄⴻⵙⴽⴻⵕ ⵜⵜⵡⴰⵙⵇⴻⵏⵄⴻⵏ ⵙ ⵡⴰⵣⴰⵍ ⴰⵢ ⵢⴻⵙⵄⴰ ⵛⵛⵖⴻⵍ-ⵏⵙⴻⵏ (ⴳⴰⵉⴷ ⵙⴰⵍⴰⵀ)

ⵛⴻⵔⵛⴰⵍ (ⵜⵉⵒⴰⵣⴰ) –ⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ « ⵢⴻⵜⵜⵡⴰⵙⵙⴻⵇⵏⴻⵄ ⵙ ⵜⵉⴷⴻⵜ ⵙ ⵡⴰⵣⴰⵍ ⴰⵎⴻⵇⵔⴰⵏ ⴰⵢ ⵙⵄⴰⵏ ⵍⴻⵛⵖⴰⵍ-ⵏⵙⴻⵏ ⵉⵎⴻⵏⴹⴰⵡⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵛⴻⵔⵛⴰⵍ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴰⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ.

« ⴷⴻⴳ ⵜⵉⴽⵍⵉ-ⵏⵏⴻⵙ ⵉ ⵓⵙⵙⴻⴵⵀⴻⴷ ⵏ ⵜⵓⴹⴹⴼⴰ ⴷⴻⴳ ⵜⵎⵓⵔⵜ, ⴷ ⵜⵓⵥⵓⵜ ⵏ ⵡⴰⵣⴰⵍⴻⵏ ⴷⴻⴳ ⵕⵕⵓⵃ, ⵜⴰⴼⵔⵉⵜ ⴷ ⵡⵓⵍⴰⵡⴻⵏ ⵏ ⵢⵉⵙⴻⵔⴷⴰⵙⴻⵏ-ⵏⵏⴻⵖ, ⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⵢⴻⵍⵍⴰⵏ ⴷ ⴰⵡⵕⵉⵜ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵜⵜⵖⵉⵎⵉ-ⴷ ⵢⴻⵜⵜⵡⴰⵙⵙⴻⵇⵏⴻⵄ ⵙ ⵜⵉⴷⴻⵜ ⵙ ⵡⴰⵣⴰⵍ ⴰⵢ ⵙⵄⴰⵏ ⵍⴻⵛⵖⴰⵍ-ⵏⵏⴻⵙ ⵉⵎⴻⵏⴹⴰⵡⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⵏ ⵜⴼⴻⵍⵍⴰ ⵏ ⵢⵉⴳⴻⵏ, ⴳⴰⵉⴷ ⵙⴰⵍⴰⵀ, ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⵏ ⵓⵡⴻⵚⵚⵉ ⵉ ⵍⵎⴻⵏⴷ ⵏ ⵜⴼⴰⴳⵍⴰ ⵏ ⵜⵓⴼⴼⵖⴰ ⵏ ⵢⵉⵙⵎⴰⵍⴻⵏ ⵏ ⵜⴽⴰⴷⵉⵎⵉⵜ ⵜⴰⵙⴻⵔⴷⴰⵙⵉⵜ ⵏ ⵛⴻⵔⵛⴰⵍ ⵉ ⵓⵙⴻⴳⴳⴰⵙ ⵏ 2015.

ⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ « ⵍⴰ ⵉⵅⴻⴷⴷⴻⵎ, » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, « ⵙ ⵓⵎⵎⵉⴹⵡⴻⵍ ⴷ ⵓⵥⵡⴰⵔ, ⴰⴽⴽⴻⵏ ⵢⴻⴱⵖⵓ ⵜⵉⵍⵉ ⵜⴻⴳⵏⵉⵜ, ⴰⴽⴽⴻⵏ ⴰⴷ ⵉⵇⴰⴱⴻⵍ ⵜⵉⵍⵓⴼⴰ ⵢⴻⵔⵏⴰ ⴰⴷ ⵢⴻⵔⴱⴻⵃ ⴰⴽⴽ ⵉⵎⴻⵏⵖⵉⵡⴻⵏ, ⵙ ⵍⴻⵎⵄⴰⵡⵏⴰ ⵏ ⵕⴻⴱⴱⵉ, ⵢⴻⵔⵏⴰ ⴷⴷⴰⵡ ⵕⵕⴰⵢ ⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⵖⴻⴼ ⴰⵄⵍⴰⵢⴰⵏ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⴰⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ».

« ⴰⵖⵔⴻⴼ-ⵏⵏⴻⵖ ⵢⴻⵙⵙⴻⴼⴽ ⴰⴷ ⵢⴻⴳ ⵍⴰⵎⴰⵏ ⴷ ⴰⴽⴽⴻⵏ ⴰⵔⵔⴰⵡ-ⵏⵏⴻⵙ ⵏ ⵢⵉⴳⴻⵏ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵡⵕⵉⵜ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵎⴰⵣⴰⵍ-ⵉⵜ ⴷⴻⴳ ⵓⵏⵔⴰⵔ ⵢⴻⵔⵏⴰ ⵢⴻⵜⵜⵇⴰⴷⴰⵔ ⵍⵉⵎⵉⵏ-ⵏⵏⴻⵙ, ⴷⵖⴰ ⵖⴻⴼ ⵡⴰⵢⴰ ⴰⵢ ⵢⵓⴽⵍⴰⵍ ⵜⴰⵏⴻⵎⵎⵉⵔⵜ ⴷ ⵍⴻⵇⴷⴻⵔ-ⵏⵏⴻⵖ ⴰⴽⴽⴻⵏ ⴰⴷ ⵏⴻⵔⵔ ⵜⴰⵊⵎⵉⵍⵜ ⵉ ⵢⵉⵔⴳⴰⵣⴻⵏ-ⴰ ⴰⵢ ⵉⴳⴰⵏ ⵙ ⵣⵣⵓⵅ ⵍⵡⴰⴵⴻⴱ-ⵏⵙⴻⵏ ⵉ ⵜⵎⵓⵔⵜ ⵢⴻⵔⵏⴰ ⴰⵢⴰ ⵓⵔ ⵢⴻⵣⵎⵉⵔ ⴰⴷ ⵢⴻⵜⵜⵡⴰⵏⴽⴻⵕ. ⵡⴰ ⴷ ⵍⵡⴰⴵⴻⴱ ⴰⵢ ⵜⵜⴳⴻⵏ ⴷⴻⴳ ⵢⴰⵍ ⴰⵃⵔⵉⵛ ⵙⴻⴳ ⵡⴰⴽⴰⵍ ⵏ ⵜⵎⵓⵔⵜ-ⵏⵏⴻⵖ ⴷ ⵜⵍⵉⵙⴰ-ⵏⵏⴻⵙ ⴷⴻⴳ ⵢⴰⵍ ⴰⵎⴽⴰⵏ. ⵜⵜⴳⴻⵏ ⵍⵡⴰⴵⴻⴱ-ⵏⵙⴻⵏ ⵙ ⵢⵉⵙⴻⵖ, ⵙ ⵍⴻⵃⵎⴰⵍⴰ ⵏ ⵜⵎⵓⵔⵜ ⴷ ⵜⵓⴽⵛⵉ ⵏ ⵓⵙⴼⴻⵍ ⴰⴽⴽⴻⵏ ⴰⴷ ⵔⵥⴻⵏ ⵉⴼⴰⴷⴷⴻⵏ ⵉ ⵢⵉⵄⴷⴰⵡⴻⵏ ⵏ ⵍⴻⵣⵣⴰⵢⴻⵔ ⴷ ⵢⵉⵏⴻⴹⴼⴰⵔⴻⵏ-ⵏⵙⴻⵏ ⵉⵔⴻⴱⵔⴰⴱⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴳⴰⵉⴷ ⵙⴰⵍⴰⵀ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ ⵙ ⵢⵉⵙⵓⵔⵉⴼⴻⵏ ⵉⵎⴻⵇⵔⴰⵏⴻⵏ ⴰⵢ ⵉⴳⴰ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⴻⴳ ⵡⴰⵟⴰⵙ ⵏ ⵢⵉⵏⵓⵔⴰⵔ, ⴳⴰⵔ-ⴰⵙⴻⵏ ⴰⵏⵔⴰⵔ ⵏ ⵓⵙⵙⵉⵍⴻⵖ ⴷ ⵡⴰⴽⴽ ⵉⴼⵓⵔⴽⴰ-ⵏⵏⴻⵙ, ⵜⵉⵎⴻⵣⵣⵓⴳⵉⵏ (ⵍⵉⵅⵜⵉⵚⴰⵚ) ⴷ ⵢⵉⵙⵡⵉⵔⴻⵏ. ⵉⵙⵓⵔⵉⴼⴻⵏ-ⴰ ⴷ ⵜⵉⴷⴷⵉⵜ ⵖⴻⵔ ⵙⴷⴰⵜ ⵙ ⵍⴼⴻⵄⵍ ⵢⴻⵔⵏⴰ ⵢⴻⴳⵍⴰ-ⴷ ⵡⴰⵢⴰ ⵙ ⵍⵖⴻⵍⵍⴰ ⴷⴻⴳ ⵓⵏⵔⴰⵔ.

« ⵏⴻⵙⵙⴻⴱⴷⴻⴷ-ⴷ ⴰⵏⴰⴳⵔⴰⵡ ⵏ ⵓⵙⵙⵉⵍⴻⵖ ⴷⴻⴳ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⵢ ⵉⵣⴻⵎⵔⴻⵏ ⴰⴷ ⵉⵇⴰⴱⴻⵍ ⴰⵢⴻⵏ ⴰⵢ ⵢⴻⵃⵡⴰⵊ ⵓⵙⵙⵉⵍⴻⵖ ⴰⵜⵔⴰⵔ ⵏ ⵜⵖⴰⵔⴰ ⴰⵎⴰ ⴷⴻⴳ ⵓⵙⵙⴻⴷⴷⵓ ⵏ ⵜⵖⴰⵡⵙⵉⵡⵉⵏ, ⴰⵎⴰ ⴷⴻⴳ ⵢⵉⵅⴻⴷⴷⵉⵎⴻⵏ ⵢⴻⵎⴳⴻⵔⵔⴰⴷⴻⵏ, ⴷ ⴰⵛⵓ ⴽⴰⵏ, ⵓⵔ ⵏⵃⴻⴱⴱⴻⵙ ⴰⵔⴰ ⴽⴰⵏ ⴷⴻⴳ ⵡⴰⵢⴰ, ⵡⴰⵏⴰⴳ ⴰⴷ ⵏⴽⴻⵎⵎⴻⵍ ⴰⴷ ⵏⴻⵅⴷⴻⵎ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⵔⴰⵔ ⵉⵡⴰⵜⴰⵏ ⵉ ⵓⵙⵙⵉⵍⴻⵖ ⵏ ⵢⵉⵙⴻⵔⴷⴰⵙⴻⵏ, ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵓⵙⵡⵉⵔ-ⵏⵙⴻⵏ ⴷ ⵜⴰⴳⴳⴰⵢⵜ-ⵏⵙⴻⵏ, ⴷ ⵉⵙⴻⵔⴷⴰⵙⴻⵏ ⴰⵢⴷⴻⴳ ⵢⴻⵥⵥⴰ ⵓⵅⴻⵎⵎⴻⵎ ⵢⴻⵍⵀⴰⵏ, ⵚⵚⵡⴰⴱ ⴷ ⵍⴻⵄⵇⴻⵍ ⴰⵢ ⵜⴻⵏ-ⵉⵏⴻⵀⵀⵕⴻⵏ ⴰⴽⴽⴻⵏ ⴰⴷ ⴼⴻⵀⵎⴻⵏ ⴷ ⴰⵛⵓ-ⵜ ⵡⴰⵣⴰⵍ ⵏ ⵜⵉⴷⴻⵜ ⵏ ⵜⵎⴰⵙⵉⵜ ⴰⵢⵖⴻⴼ ⵜⵜⵡⴰⵡⴻⴽⴽⵍⴻⵏ, ⵢⴻⵔⵏⴰ ⴷ ⴰⵢⴰ ⴰⵔⴰ ⴰⵙⴻⵏ-ⵉⴹⴻⵎⵏⴻⵏ ⴰⴷ ⴳⴻⵏ ⵍⵡⴰⴵⴻⴱ-ⵏⵙⴻⵏ ⴰⵖⴻⵍⵏⴰⵡ ⴰⴽⴽⴻⵏ ⵉⴼⴰⵣ, ⴰⴽⴽⴻⵏ ⵜⴻⴱⵖⵓ ⵜⵉⵍⵉ ⵜⴻⴳⵏⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵙ ⵓⵎⴰⵜⴰ, ⴷ ⵜⵉ ⴰⵢ ⴷ ⵚⵚⵉⴼⴰⵜ ⴰⵢ ⵉⵙⴻⵎⵎⴷⴻⵏ ⴰⵙⵙⵉⵍⴻⵖ, ⵜⴰⵎⵓⵙⵙⵏⵉ ⴷ ⵕⵕⵓⵃ ⵏ ⵚⵚⴻⵏⵄⴰ ⵉⴳⴻⵔⵔⵣⴻⵏ ⴷ ⵜⵓⴳⵔⵉⵏⵜ, ⵢⴻⵔⵏⴰ ⵏⴻⵜⵜⵡⴰⵍⵉ ⴰⵢⴰ ⴷ ⵜⵉⴳⴻⵊⴷⵉⵜ ⵜⴰⵎⴻⵇⵔⴰⵏⵜ ⴰⵢ ⵢⴻⵙⵙⴰⵡⴹⴻⵏ ⵍⵎⴻⴵⵀⵓⴷ ⵖⴻⵔ ⵢⵉⵙⵡⵉ-ⵏⵏⴻⵙ ⵏ ⵓⵙⵏⴻⵔⵏⵉ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵡⴰⴽⴽ ⵉⵃⵔⵉⵛⴻⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵡⵉ ⴷ ⵉⴳⵎⴰⴹ « ⴰⵢ ⵢⴻⵙⵙⴻⴵⵀⴰⴷⴻⵏ ⵍⴰⵎⴰⵏ ⵏ ⵓⵖⵔⴻⴼ ⴰⴷⵣⴰⵢⵔⵉ ⴷⴻⴳ ⵜⵣⴻⵎⵎⴰⵔ ⴷ ⵓⵡⵊⴰⴷ ⵢⴻⵣⴳⴰⵏ, ⴰⵎⴰ ⴷⴻⴳ ⵡⴰⵙⵙ, ⴰⵎⴰ ⴷⴻⴳ ⵢⵉⴹ, ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⵢⴻⵔⵏⴰ ⴰⵢⴰ ⵢⴻⵜⵜⴻⴳ-ⴰⵖ ⵉⴼⴰⴷⴷⴻⵏ ⵉ ⵏⴻⴽⴽⵏⵉ, ⵙ ⵢⵉⵙⴻⵔⴷⴰⵙⴻⵏ, ⴰⴽⴽⴻⵏ ⴰⴷ ⵏⴻⵅⴷⴻⵎ ⴷⵉⵎⴰ ⵙ ⵓⵥⵡⴰⵔ ⴰⴽⴽⴻⵏ ⴰⴷ ⵏⴻⴳ ⵍⵡⴰⴵⴻⴱ ⴰⵢ ⴰⵖ-ⵢⴻⵜⵜⵡⴰⵡⴻⴽⴽⵍⴻⵏ ⵢⴻⵔⵏⴰ ⴰⵢⴰ ⵄⵣⵉⵣ ⴼⴻⵍⵍ-ⴰⵖ, ⴰⵎ ⵡⴰⴽⴽⴻⵏ ⴰⵔⴰ ⵏⴻⵣⵎⴻⵔ ⴰⴷ ⵏⵇⴰⴱⴻⵍ, ⵙ ⵍⴻⵎⵄⴰⵡⵏⴰ ⵏ ⵕⴻⴱⴱⵉ, ⵓⴳⵓⵔⴻⵏ, ⴰⵏⵙⵉ ⵢⴻⴱⵖⵓ ⴽⴽⴻⵏ-ⴷ, ⴰⴽⴽⴻⵏ ⵢⴻⴱⵖⵓ ⵉⵍⵉⵏ ⵎⴻⵖⵖⵔⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴷⴻⴼⴼⵉⵔ ⵎⴰ ⵢⴻⵏⵏⴰ-ⴷ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴳⴰⵉⴷ ⵙⴰⵍⴰⵀ, ⵜⵉⵏⴰⵡⵜ-ⴰ, ⵜⴻⵜⵜⵓⵏⴻⴼⴽ ⵜⴻⴳⵏⵉⵜ ⵉ ⵢⵉⴽⴰⵜⴰⵔⴻⵏ ⴷ ⵢⵉⵏⴻⵍⵎⴰⴷⴻⵏ ⵏ ⵜⴽⴰⴷⵉⵎⵉⵜ ⴰⴷ ⴷ-ⵙⵙⴻⵏⴼⴰⵍⵉⵏ « ⵣⵣⵓⵅ-ⵏⵙⴻⵏ ⴰⵎⴻⵇⵔⴰⵏ ⵉⵎⵉ ⴰⵢ ⵍⵍⴰⵏ ⴷⴻⴳ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵓⵄⴰⵀⴻⴷ-ⵏⵙⴻⵏ ⵓⵔ ⵢⴻⵜⵜⴱⴻⴷⴷⵉⵍⴻⵏ ⴰⴽⴽⴻⵏ ⴰⴷ ⴼⴽⴻⵏ ⵉⵎⴰⵏ-ⵏⵙⴻⵏ ⴷ ⴰⵙⴼⴻⵍ, ⴰⴽⴽⴻⵏ ⵜⴻⴱⵖⵓ ⵜⵉⵍⵉ ⵜⴻⴳⵏⵉⵜ, ⴰⴽⴽⴻⵏ ⴰⴷ ⵃⵓⴷⴷⴻⵏ ⵜⴰⵏⴰⵢⴰ ⵏ ⵓⵖⵍⴰⵏ ⵢⴻⵔⵏⴰ ⴰⴷ ⵃⴻⵔⵣⴻⵏ ⴰⵔⴽⴰⴷ ⴷ ⵜⵖⴻⵍⵍⵉⵙⵜ-ⵏⵏⴻⵙ ».