ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴰⵣⴷⴰⵢ ⵏ ⵏⴰⴱⵏⵉ ⵢⴻⴼⴽⴰ-ⴷ ⴽⵔⴰ ⵏ ⵜⵉⴼⵔⴰⵜⵉⵏ ⵉⵎⵉ ⴰⵢ ⵜⴻⵏⵇⴻⵙ ⵙⵙⵓⵎⴰ ⵏ ⵓⵒⵉⵜⵕⵓⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ –ⴰⵎⴰⵣⴷⴰⵢ ⵏ ⵏⴰⴱⵏⵉ ⵢⴻⵙⵙⵓⵎⴻⵔ-ⴷ, ⴰⵙⵙ ⵏ ⵜⵜⵍⴰⵜⴰ, ⴽⵔⴰ ⵏ ⵜⵙⴻⵎⵎⴻⵙⴽⴰⵍ ⵜⵉⴷⴰⵎⵙⴰⵏⵉⵏ ⴷ ⵜⴻⵏⵎⴻⵜⵜⵉⵢⵉⵏ ⴰⵔⴰ ⵢⴻⴵⴵⴻⵏ, ⵖⴻⴼ ⵍⴻⵃⵙⴰⴱ ⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵎⴰⵣⴷⴰⵢ-ⴰ, ⵜⴰⴷⴰⵎⵙⴰ ⵜⴰⴷⵣⴰⵢⵔⵉⵜ ⴰⴷ ⵜⴻⵔⵡⴻⵍ ⵉ ⵍⵎⴰⴹⴻⵔⵔⴰ ⴰⵔⴰ ⴷ-ⵢⴻⴽⴽⴻⵏ ⵙⴻⴳ ⵓⵏⵇⴰⵙ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ.

ⴰⵖⴰⵡⴰⵙ ⴰⵢ ⴷ-ⵉⵀⴻⵢⵢⴰ ⵓⵎⴰⵣⴷⴰⵢ ⵏ ⵏⴰⴱⵏⵉ ⵉⵙⴻⵎ-ⵏⵏⴻⵙ « ⴰⴱⴷⴰ » (ⴰⴷ ⴱⴷⵓⵖ), ⵢⴻⵔⵏⴰ ⵢⴻⵜⵜⵡⴰⵙⵙⵓⵎⴻⵔ-ⴷ ⵉ ⵜⴰⵍⵍⵉⵜ ⵏ 2016-2018. ⴰⵖⴰⵡⴰⵙ-ⴰ ⵢⴻⵙⵙⵓⵎⴻⵔ-ⴷ ⵓⵎⵓⵖ ⵏ 12 ⵏ ⵢⵉⵙⴻⵏⴼⴰⵔⴻⵏ ⵢⴻⵣⵡⴰⵔⴻⵏ, ⵢⴻⵔⵏⴰ ⵇⵇⵏⴻⵏ ⵖⴻⵔ ⵓⵙⵎⴰⵍ ⵏ ⵓⵙⵙⴻⴼⵜⵉ ⴰⵔⴰ ⴷ-ⵢⴰⵡⵉⵏ ⵏⵏⴼⴻⵄ, ⴰⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵜⵙⴻⵔⵜⵉⵜ ⵏ ⵓⵄⴰⵡⴻⵏ ⴷⴻⴳ ⵙⵙⵓⵎⴰⵜ ⴷ ⵓⵙⵙⴻⵜⵔⴻⵔ ⵏ ⵜⴻⴷⴱⴻⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵙⵍⴰⴹⴻⵏ ⵏ ⵓⵎⴰⵣⴷⴰⵢ-ⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ.

Ɣⴻⴼ ⵍⴻⵃⵙⴰⴱ ⵏ ⵡⵉⴷ ⴰⵢ ⴷ-ⵉⵀⴻⵢⵢⴰⵏ ⴰⵖⴰⵡⴰⵙ-ⴰ, ⵍⴻⵛⵖⴰⵍ-ⴰ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏ ⴰⴽⴽⴻⵏ ⴰⴷ ⵉⴼⴰⴽ ⵓⵚⴻⵔⵔⴻⴼ « ⴰⵎⴻⵇⵔⴰⵏ ⵓⵔ ⵢⴻⵙⵄⵉⵏ ⴰⵔⴰ ⵏⵏⴼⴻⵄ », ⵢⴻⵔⵏⴰ ⴰⴷ ⵢⴻⵜⵜⵡⴰⴱⵏⵓ ⵍⵍⵙⴰⵙ ⵜⵉⴳⴰⵡⵜ ⵜⴰⵏⴰⴳⴷⵓⴷⵜ ⵜⴰⵎⴰⵢⵏⵓⵜ, ⵢⴻⵔⵏⴰ ⴷ ⴰⵢⴰ ⴰⴽⴽ ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵜⵙⴻⵎⵎⴻⵙⴽⴰⵍ ⵉⵡⴻⵄⵕⴻⵏ ⵓⴳⴰⵔ, ⴰⵎ ⵡⴰⴽⴽⴻⵏ ⴰⵔⴰ ⵉⵖⵉⵡⴻⵍ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵉⵃⴻⴱⵙⴻⵏ.

ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵓⵙⵙⴻⴼⵜⵉ ⴰⵔⴰ ⴷ-ⵢⴰⵡⵉⵏ ⵍⴼⴰⵢⴷⴰ, ⴰⵎⴰⵣⴷⴰⵢ ⵢⴻⴼⴽⴰ ⴰⵣⴰⵍ ⵉ ⵓⵙⵙⴻⵄⵊⴻⵍ ⵏ ⵜⵙⴻⵎⵎⴻⵙⴽⴰⵍ ⵏ ⵜⴱⴰⵏⴽⵡⵉⵏ ⴷ ⴱⴻⵏⵏⵓ ⵏ « ⵜⵙⴻⵎⵎⴻⵙⴽⴻⵍⵜ ⵜⴰⵍⵇⴰⵢⴰⵏⵜ » ⴷⴻⴳ ⵡⴰⵎⴻⴽ ⴰⵢ ⵜⵜⵡⴰⵃⴻⴽⵎⴻⵏⵜ ⵜⴽⴻⴱⴱⴰⵏⵉⵢⵉⵏ ⵏ ⵓⵡⴰⵏⴰⴽ (ⴷⴷⵓⵍⴰ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⴰⵏⵎⴻⵜⵜⵉ, ⵏⴰⴱⵏⵉ ⵜⴻⵙⵙⵓⵎⴻⵔ-ⴷ ⴰⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵄⴰⵡⴻⵏ ⴷⴻⴳ ⵙⵙⵓⵎⴰ ⴷ ⵓⵙⵙⴻⴽⴽⵉ ⴰⵏⵎⴻⵜⵜⵉ: « ⴰⵟⴰⵙ ⵏ ⵢⵉⴷⵔⵉⵎⴻⵏ ⵉⵏⴰⴳⴷⵓⴷⴻⵏ ⴰⵢ ⵍⴰ ⵢⴻⵜⵜⵡⴰⴼⵔⴰⵇⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⴱⵔⵧⵓⴽ ⵍⴰⵉⴱ, ⴷ ⴰⵎⴰⵙⵍⴰⴹ ⴷⴻⴳ ⵓⵎⴰⵣⴷⴰⵢ ⵏ ⵏⴰⴱⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵜⴰⵙⴻⵔⵜⵉⵜ ⵏ ⵓⵄⴰⵡⴻⵏ ⵏ ⵙⵙⵓⵎⴰⵜ ⵏ ⵢⵉⵎⵉⵔ-ⴰ ⴷ ⵜⵉⵏ ⴰⵢⵙⴻⴳ ⴷ-ⵙⴼⴰⵢⴷⵉⵏ ⵢⵉⵎⴻⵕⴽⴰⵏⵜⵉⵢⴻⵏ ⵓⴳⴰⵔ ⵏ ⵡⴰⵏⴻⵛⵜ ⴰⵢ ⴷ-ⵙⴼⴰⵢⴷⵉⵏ ⵙⴻⴳ-ⵙ ⵢⵉⴳⴻⵍⵍⵉⵍⴻⵏ.

« ⵓⵔ ⴷ-ⵏⴻⵏⵏⵉ ⴰⵔⴰ ⴰⴷ ⵢⴻⵃⴱⴻⵙ ⵓⵄⴰⵡⴻⵏ ⵏ ⵙⵙⵓⵎⴰⵜ ⵉ ⵍⴼⴰⵢⴷⴰ ⵏ ⵡⵉⴷ ⵉⵅⵓⵚⵚⴻⵏ, ⵡⴰⵏⴰⴳ ⵏⴻⵙⵙⵓⵎⴻⵔ-ⴷ ⵉⵃⴻⵣⵣⵉⴱⴻⵏ ⵉⵍⴻⵍⵍⴰⵎⴻⵏ ⴷ ⵉⵇⴻⵙⵃⴰⵏⴻⵏ. ⵏⴻⴽⴽⵏⵉ ⵏⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⵉⴷⵔⵉⵎⴻⵏ ⵉⵏⴰⴳⴷⵓⴷⴻⵏ ⴰⴷ ⵜⴻⵏ-ⵙⴼⴻⴽⵔⴻⵏ ⴰⴽⴽⴻⵏ ⵢⴻⵍⵀⴰ ⴰⵛⴽⵓ ⴼⵓⴽⴻⵏ ⵢⵉⴷⵔⵉⵎⴻⵏ ⴰⵔⴰ ⵏⴻⵙⵙⴻⵅⵚⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⴷⴻⵍⴽⵔⵉⵎ ⴱⵧⵓⴷⵔⴰⴰ, ⴰⵏⴻⵟⵟⴰⵇ ⵏ ⵏⴰⴱⵏⵉ.

ⴰⵎⴰⵣⴷⴰⵢ-ⴰ ⵢⴻⵙⵙⵓⵎⴻⵔ-ⴷ ⴷⴰⵖ ⴰⴷ ⵜⵜⵡⴰⵡⴻⵅⵅⵔⴻⵏ ⴽⵔⴰ ⵏ ⵢⵉⵙⴻⵏⴼⵔⴰⵔⴻⵏ ⵏ ⵜⴷⵓⵎⵚⵓⴽⵉⵡⵉⵏ ⵓⵔ ⵢⴻⵣⵡⴰⵔⴻⵏ ⴰⵔⴰ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵃⴱⴻⵙ ⵜⵎⴻⵔⵏⵉⵡⵜ ⵏ ⵓⵚⴻⵔⵔⴻⴼ ⵖⴻⴼ ⵓⵙⵙⴻⴷⴷⵓ ⵏ ⵜⴻⴱⴷⴻⵍⵜ ⵏ ⵜⵎⵓⵔⵜ ⴰⵔⵎⴰ ⴷ 2018 ⴰⴽⴽⴻⵏ ⴰⴷ ⴷ-ⵜⴻⵙⵙⵉⴳⴻⵔ ⵜⵎⵓⵔⵜ ⵉⴷⵔⵉⵎⴻⵏ ⴰⵔⴰ ⴷ-ⵉⵖⴻⵔⵎⴻⵏ ⵡⵉⴷ ⴰⵢ ⴰⵙ-ⵉⵕⵓⵃⴻⵏ ⵙⴻⴳ ⵓⵏⵇⴰⵙ ⵏ ⵙⵙⵓⵎⴰ ⵏ ⵢⵉⵙⴻⵔⵖⴰ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵎⵏⴻⴽⵏⵉ ⴷⴻⴳ ⵓⵎⴰⵔⵓⴷ.

Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⵧⵓⴷⵔⴰⴰ, ⵉⵙⵙⵓⵎⴰⵔ-ⴰ ⵓⵔ ⴷ-ⵍⵍⵉⵏ ⴰⵔⴰ ⵎⴳⴰⵍ ⵜⵙⴻⵔⵜⵉⵜ ⵏ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ-ⵜⴰⵏⵎⴻⵜⵜⵉⵜ ⵏ ⵜⵎⵓⵔⵜ, ⵎⴰⵛⴰ ⵉⵙⵙⵓⵎⴰⵔ-ⴰ ⵍⵍⴰⵏ-ⴷ ⴰⴽⴽⴻⵏ ⵜⴰⵎⵓⵔⵜ ⴰⴷ ⵜⴻⵙⵄⴻⴷⴷⵉ ⵜⴰⴳⵏⵉⵜ-ⴰ « ⵜⴰⵡⴻⵄⵕⴰⵏⵜ » ⵡⴰⵔ ⵎⴰ ⵜⴻⵍⵍⴰ-ⴷ ⵜⴰⵍⵓⴼⵜ ⵎⴻⵖⵖⵔⴻⵏ.

« ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵏⴻⵅⴷⴻⵎ ⵙ ⵍⵃⵉⵔ ⴰⴽⴽⴻⵏ ⴰⴷ ⵏⴻⵙⵙⴻⵏⵇⴻⵙ ⵙⴻⴳ ⵜⴻⵇⵙⴻⵃ ⵏ ⵍⵎⴰⴹⴻⵔⵔⴰ ⴰⵢ ⵉⵣⴻⵎⵔⴻⵏ ⴰⴷ ⴷ-ⵜⴻⴽⴽ ⵙⴻⴳ ⵓⵏⵇⴰⵙ ⵏ ⵓⵎⴻⴷⵅⵓⵍ ⵏ ⵡⴰⵢⴻⵏ ⴰⵢ ⵜⴻⵙⵙⴰⴵⴰⵡ ⵜⵎⵓⵔⵜ. ⵓⵔ ⵜⴻⵔⵔⵉ ⴰⵔⴰ ⵜⵎⴰⵔⴰ ⴰⴷ ⴷ-ⵏⴻⴱⴷⵓ ⴰⵖⴰⵡⴰⵙ ⵏ ⵛⵛⴻⵃⵃⴰ ⵢⴻⵔⵏⴰ ⴰⴷ ⵏⴻⵃⴱⴻⵙ ⵉⵙⵙⴻⴼⵜⵉⵢⴻⵏ ⴷ ⵢⵉⵙⴻⵏⴼⴰⵔⴻⵏ ⵏ ⵜⵏⴻⴼⵍⵉⵜ ⵏ ⵜⴷⴰⵎⵙⴰ-ⵏⵏⴻⵖ. ⵢⴻⵙⵙⴻⴼⴽ ⴽⴰⵏ ⴰⴷ ⵏⴻⴱⴷⵓ ⴰⴷ ⵏⴻⵙⵔⵓⵙⵓⵢ ⵍⵍⵙⵉⵙⴰⵏ ⵏ ⵓⴱⴻⴷⴷⴻⵍ ⴰⵔⴰ ⵉⴷⵓⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵕⴰⴱⵓⵍ ⴰⵢ ⴷ-ⵉⵇⴻⴷⴷⵎⴻⵏ ⴰⵖⴰⵡⴰⵙ-ⴰ.

ⵉⵙⵡⵉ ⵏ ⵓⵖⴰⵡⴰⵙ-ⴰ ⵏⴻⵜⵜⴰ ⴷ « ⴱⴻⴷⴷⵓ ⵏ ⵓⵏⴻⵡⵡⴻⵄ ⴷⴻⴳ ⵜⴷⴰⵎⵙⴰ ⵙ ⵍⵇⵉⵙ ⴰⵍⴻⵎⵎⴰⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵎⴰⵔⵓⴷ ⴷ ⵜⴻⴷⵔⵉⵎⵜ ⵏ ⵜⵎⵓⵔⵜ ⴷⴻⴳ ⵓⵔⴽⵉⴷⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⴻⵙⵏⴻⵔⵏⵉ ⵜⵎⵓⵔⵜ ⵜⵉⵖⴱⵓⵍⴰ ⵜⵉⵎⴰⵢⵏⵓⵜⵉⵏ ⴰⵔⴰ ⴰⵙ-ⴷ-ⵢⴻⵙⵙⴰⴷⴰⴼⴻⵏ ⵉⴷⵔⵉⵎⴻⵏ. ⴷⴰⵖ ⵜⴰⵎⵓⵔⵜ ⵢⴻⵙⵙⴻⴼⴽ ⴰⴷ ⵜⴻⵙⵙⴻⵍⵀⵓ ⵜⴰⵎⴻⵍⵍⵉⵍⵜ ⵏ ⵜⵙⴻⵔⵜⵉⵢⵉⵏ-ⵏⵏⴻⵙ ⵜⵉⵏⴰⴳⴷⵓⴷⵉⵏ ».

ⵉ ⵓⵙⴱⵓⵖⴻⵔ ⵏ ⵓⵖⴰⵡⴰⵙ-ⴰ, ⵏⴰⴱⵏⵉ ⵜⴻⵙⵙⴻⵔⵙ-ⴷ ⵉⵙⵙⵓⵎⴰⵔ-ⵏⵏⴻⵙ ⴷⴻⴳ ⵓⴷⴻⴳ-ⵏⵏⴻⵙ ⵏ ⵉⵏⵜⴻⵔⵏⴻⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴽⴰⵙⵉ ⴼⴻⵍⵍ-ⴰⵙⴻⵏ, ⵢⴻⵔⵏⴰ ⵜⴻⵄⵔⴻⴹ-ⴷ ⴰⴳⴷⵓⴷ ⵙ ⵓⵎⴰⵜⴰ, ⵉⵎⴰⵣⵣⴰⵢⴻⵏ ⴷ ⵡⵓⴷⵓⵙⴻⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⴽⴰⵙⵉ ⵖⴻⴼ ⵓⵖⴰⵡⴰⵙ-ⴰ.

ⵏⴰⴱⵏⵉ ⴷ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵓⵅⴻⵎⵎⴻⵎ ⴰⵢ ⴷ-ⵙⴱⴻⴷⴷⴻⵏ ⴷⴻⴳ 2011, ⵢⴻⵔⵏⴰ ⵍⵍⴰⵏ ⴷⴻⴳ-ⵙ, ⵙ ⵜⵓⴷⴻⵜ, ⵢⵉⵙⴷⴰⵡⴰⵏⴻⵏ, ⵉⵎⴰⵣⵣⴰⵢⴻⵏ ⴷ ⵢⵉⵏⴻⵚⵚⴰⵃⴻⵏ ⴰⵢ ⵍⴰ ⵢⴻⵜⵜⵅⴻⵎⵎⵉⵎⴻⵏ ⵖⴻⴼ ⵜⴻⵎⵙⴰⵍ ⵢⴻⵔⵣⴰⵏ ⵜⴰⴷⴰⵎⵙⴰ ⵏ ⵜⵎⵓⵔⵜ.