Asebter amenzawi

Tamɣunt tis 2 n Mobilis: tiɣri i tukci n yizerfan n usɛeddi n temliliyin

LEZZAYER – Tamɣunt n tkurt n uḍar tamsadurt ad d-tger tiɣri i tkebbaniyin n tliẓri tusligin akken ad asen-tessenz izerfan n usɛeddi n temliliyin n telɣuɣa n Temɣunt tis 2 n Mobilis, ɣef akken ay d-tenna ass n ttlata.

Ṛṛay-a yeddem-it useqqamu n tedbelt n Temɣunt n tkurt n uḍar tamsadurt.

Izerfan n usɛeddi n temliliyin n Temɣunt 1ut n Mobilis ttunefken i tliẓri tanagdudt (Takebbanit tanagdudt n tliẓri).

Dima deg temsalt-a, aseqqamu yesqerdec ɣef ufraq n yidrimen ara d-yadfen seg yizerfan-a ɣef teɣlamin n Temɣunt 1ut. Asettef n teɣlamin umi ara ttwaferqen yidrimen-a heyyan-t-id ɣef leḥsab n kra n leɛbaṛat yerzan tiɣlamin-a deg wurar-nsent aseggas yezrin.

ES Sḍif, talɣuɣt n Lezzayer n 2014-2015, d nettat umi d-ṣaḥen aṭas akk n yidrimen imi ay turar aṭas n temliliyin ay d-iɛeddan deg tliẓri, ama d tid n telɣuɣa taɣelnawt, neɣ d tid n Tkunfidiṛalit tafriqit n tkurt n uḍar (CAF).