ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵖⵓⵏⵜ ⵜⵉⵙ 2 ⵏ ⵎⵧⴱⵉⵍⵉⵙ: ⵜⵉⵖⵔⵉ ⵉ ⵜⵓⴽⵛⵉ ⵏ ⵢⵉⵣⴻⵔⴼⴰⵏ ⵏ ⵓⵙⵄⴻⴷⴷⵉ ⵏ ⵜⴻⵎⵍⵉⵍⵉⵢⵉⵏ
ⵍⴻⵣⵣⴰⵢⴻⵔ – ⵜⴰⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ ⴰⴷ ⴷ-ⵜⴳⴻⵔ ⵜⵉⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⵏ ⵜⵍⵉⵥⵔⵉ ⵜⵓⵙⵍⵉⴳⵉⵏ ⴰⴽⴽⴻⵏ ⴰⴷ ⴰⵙⴻⵏ-ⵜⴻⵙⵙⴻⵏⵣ ⵉⵣⴻⵔⴼⴰⵏ ⵏ ⵓⵙⵄⴻⴷⴷⵉ ⵏ ⵜⴻⵎⵍⵉⵍⵉⵢⵉⵏ ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ ⵜⵉⵙ 2 ⵏ ⵎⵧⴱⵉⵍⵉⵙ, ⵖⴻⴼ ⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵜⵜⵍⴰⵜⴰ.
ⵕⵕⴰⵢ-ⴰ ⵢⴻⴷⴷⴻⵎ-ⵉⵜ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴻⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ.
ⵉⵣⴻⵔⴼⴰⵏ ⵏ ⵓⵙⵄⴻⴷⴷⵉ ⵏ ⵜⴻⵎⵍⵉⵍⵉⵢⵉⵏ ⵏ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ ⵜⵜⵓⵏⴻⴼⴽⴻⵏ ⵉ ⵜⵍⵉⵥⵔⵉ ⵜⴰⵏⴰⴳⴷⵓⴷⵜ (ⵜⴰⴽⴻⴱⴱⴰⵏⵉⵜ ⵜⴰⵏⴰⴳⴷⵓⴷⵜ ⵏ ⵜⵍⵉⵥⵔⵉ).
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⵙⴻⵇⵇⴰⵎⵓ ⵢⴻⵙⵇⴻⵔⴷⴻⵛ ⵖⴻⴼ ⵓⴼⵔⴰⵇ ⵏ ⵢⵉⴷⵔⵉⵎⴻⵏ ⴰⵔⴰ ⴷ-ⵢⴰⴷⴼⴻⵏ ⵙⴻⴳ ⵢⵉⵣⴻⵔⴼⴰⵏ-ⴰ ⵖⴻⴼ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ 1ⵓⵜ. ⴰⵙⴻⵜⵜⴻⴼ ⵏ ⵜⴻⵖⵍⴰⵎⵉⵏ ⵓⵎⵉ ⴰⵔⴰ ⵜⵜⵡⴰⴼⴻⵔⵇⴻⵏ ⵢⵉⴷⵔⵉⵎⴻⵏ-ⴰ ⵀⴻⵢⵢⴰⵏ-ⵜ-ⵉⴷ ⵖⴻⴼ ⵍⴻⵃⵙⴰⴱ ⵏ ⴽⵔⴰ ⵏ ⵍⴻⵄⴱⴰⵕⴰⵜ ⵢⴻⵔⵣⴰⵏ ⵜⵉⵖⵍⴰⵎⵉⵏ-ⴰ ⴷⴻⴳ ⵡⵓⵔⴰⵔ-ⵏⵙⴻⵏⵜ ⴰⵙⴻⴳⴳⴰⵙ ⵢⴻⵣⵔⵉⵏ.
ⴻⵙ ⵙⴹⵉⴼ, ⵜⴰⵍⵖⵓⵖⵜ ⵏ ⵍⴻⵣⵣⴰⵢⴻⵔ ⵏ 2014-2015, ⴷ ⵏⴻⵜⵜⴰⵜ ⵓⵎⵉ ⴷ-ⵚⴰⵃⴻⵏ ⴰⵟⴰⵙ ⴰⴽⴽ ⵏ ⵢⵉⴷⵔⵉⵎⴻⵏ ⵉⵎⵉ ⴰⵢ ⵜⵓⵔⴰⵔ ⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⴰⵢ ⴷ-ⵉⵄⴻⴷⴷⴰⵏ ⴷⴻⴳ ⵜⵍⵉⵥⵔⵉ, ⴰⵎⴰ ⴷ ⵜⵉⴷ ⵏ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ, ⵏⴻⵖ ⴷ ⵜⵉⴷ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ (ⵛⴰⴼ).
