Asebter amenzawi

Atinis/Talɣuɣa n Tefriqt n ddaw 14 « s teɣlamin »: Lezzayer d tis 3

LQAHIRA –Taɣlamt tadzayrit n ddaw 14 n yiseggasen n utinis tewwi-d amkan wis 3 deg Telɣuɣa n Tefriqt n 2015 « s teɣlamin », ay ssuddsen gar 8 d 13 Yunyu deg Lqahira (Maṣer) ɣef wakken ay d-tenna ass n letniyen Tfidiṛalit tadzayrit n utinis.

Taɣlamt tadzayrit ttekkan deg-s Youcef Rihane, Mohamed Abibsid Mohamed Racim Rahim, yerna tella tezmer ad d-tawi amkan yifen wa lemmer ur texṣir ara (3-0) mgal Meṛṛuk ass n lḥedd deg wass wis 4 yerna d aneggaru n wurar.

Idzayriyen bdan timsizwert-a s yiwet n lexṣara (3-0) mgal Maṣer (tamurt timsuddest), sakkin rebḥen snat n tikkal. Tikkelt mgal Tunes (3-0), ma d tikkelt niḍen mgal Tefriqt n Unẓul (2-1), uqbel ma texṣer mgal Meṛṛuk.

Dɣa d lexṣara-a n Lezzayer ay yeǧǧan Meṛṛuk ad tawi amkan amezwaru s 4 n tenqiḍin, teḍfer-itt-id Maṣer, Lezzayer d Tunes (s snat n tenqiḍin akken ma llant), sakkin d Tafriqt n Unẓul deg umkan wis 5 (s wulac n tenqiḍin) imi ur terbiḥ ula d yiwet n temlilit deg telɣuɣa-a.