Umuɣ n timunaɣ n umaḍal

Mass Sellal iḥettet akken ad rren tineẓẓuyin n tfellaḥt ur nettwaxdam ara akken yessefk

MƐESKER (Tanegga) – Aneɣlaf Amezwaru, Abdelmalek Sellal, iḥettet, ass n larebɛa deg tirzi-s n umahil d uswaḍ deg twilayt Mɛesker, akken ad rren tineẓẓuyin n tfellaḥt ur nettwaxdam ara akken yessefk.

Mi yerza ɣef tneẓẓut n tfellaḥt "frères Derouiche" deg tɣiwant Mawsa, Mass Sellal yesselɣa imasayen n uɣli n tfellaḥt d wid terza temsalt akken ad ad rren tineẓẓuyin n tfellaḥt iburen s wettkal ɣef wallalen-nsen neɣ s ucrak n d yifellaḥen usligen.

Deg tirzi-s ɣer yiwet n tefsirt ɣef ufares n tfellaḥt d yiɣersiwen i xedmen deg tneẓẓut-nni, aneɣlaf Amezwaru yessebɣes infarasen akken ad smersen titwilin titrarin akken ad yennerni, ad yelhu ugar ufares, aya ad yessenɣes tiɣin ifarisen n tfellaḥt seg tmura n beṛṛa