ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⵓⵣⴻⵏ ⵜⴰⴱⵕⴰⵜ ⵏ ⵓⵀⴻⵏⵏⵉ ⵉ ⵓⵎⴻⵏⵣⴰⴹ ⵏ ⵓⵖⴻⵔⵔⴰⴱⵓ ⵏ « ⴱⵔⴻⵣⴰ » ⴰⵢ ⴷ-ⵢⴻⵙⵙⴰⵡⴹⴻⵏ ⵍⴻⵙⵍⴰⵃ ⵉ ⵢⵉⵎⵊⴰⵀⴷⴻⵏ

ⵙⵧⴼⵉⴰ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⵓⵣⴻⵏ ⵜⴰⴱⵕⴰⵜ ⵏ ⵓⵀⴻⵏⵏⵉ, ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 100 ⵏ ⵓⵇⴻⴱⵟⴰⵏ ⵠⴰⵙⵙⵉⵍ ⵠⴰⵍⵜⵛⵀⴰⵏⵧⵠ, ⴰⵎⴻⵏⵣⴰⴹ ⵏ ⵓⵖⴻⵔⵔⴰⴱⵓ ⵏ « ⴱⵔⴻⵣⴰ » ⴰⵢ ⴷ-ⵢⴻⵙⵙⴰⵡⴹⴻⵏ, ⵙ ⵜⵓⴼⴼⵔⴰ, ⵍⴻⵙⵍⴰⵃ ⵉ ⵢⵉⵎⵊⴰⵀⴷⴻⵏ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷⴻⴳ ⵎⴰⵢⵓ ⵏ 1960.

ⵜⴰⴱⵕⴰⵜ-ⴰ ⵏ ⵓⵀⴻⵏⵏⵉ ⵜⴻⵖⵔⴰ-ⵜⵜ-ⵉⴷ ⵜⴻⵏⵎⴰⵀⴰⵍⵜ ⵏ ⵍⴻⵣⵣⴰⵢⴻⵔ ⴷⴻⴳ ⴱⵓⵍⴳⴰⵕⵢⴰ, ⵎⴰⵙⵙⴰ ⵍⴰⵜⵉⴼⴰ ⴱⴻⵏⴰⵣⵣⴰ, ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵏ ⵎⴰⵙⵙ ⵠⴰⵙⵙⵉⵍ ⵠⴰⵍⵜⵛⵀⴰⵏⵧⵠ ⴰⵢ ⵉⵇⴻⴼⵍⴻⵏ 100 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⵓⵎⵓⵍⵍⵉ-ⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⵙⵔⵉⵔ ⴰⵙⴻⵔⴷⴰⵙⵉ ⴰⵍⴻⵎⵎⴰⵙ ⵏ ⵙⵧⴼⵉⴰ.

ⵙⵏⴰⵜ ⵏ ⵜⴻⴼⵕⴰⵣⵉⵏ ⵜⵓⵏⵚⵉⴱⵉⵏ ⴰⵢ ⵢⴻⴼⴽⴰ ⵢⴰⴳⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵓⵇⴻⴱⵟⴰⵏ ⵠⴰⵙⵙⵉⵍ ⵠⴰⵍⵜⵛⵀⴰⵏⵧⵠ. ⵜⴰⵎⴻⵣⵡⴰⵔⵓⵜ ⴷⴻⴳ 2004, ⵉ ⵍⵎⴻⵏⴷ ⵏ ⵓⵙⵎⴻⴽⵜⵉ ⵡⵉⵙ 50 ⵏ ⴱⴻⴷⴷⵓ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ, ⵎⴰ ⴷ ⵜⵉⵙ ⵙⵏⴰⵜ ⴷⴻⴳ 2013, ⵉ ⵍⵎⴻⵏⴷ ⵏ ⵓⵙⵎⴻⴽⵜⵉ ⵡⵉⵙ 50 ⵏ ⵓⵣⴰⵔⵓⴳ ⵏ ⵍⴻⵣⵣⴰⵢⴻⵔ.

ⵎⴰⵙⵙ ⵠⴰⵍⵜⵛⵀⴰⵏⵧⵠ ⵢⵓⵔⴰ-ⴷ ⵢⵉⵡⴻⵏ ⵏ ⵓⴷⵍⵉⵙ ⵓⵎⵉ ⵉⵙⴻⵎⵎⴰ « ⴰⵙⵙⵉⵡⴻⴹ ⵓⴼⴼⵉⵔ ⵏ ⵍⴻⵙⵍⴰⵃ », ⵢⴻⴼⴼⴻⵖ-ⴷ ⴷⴻⴳ 2011 ⵢⴻⵔⵏⴰ ⵢⴻⵜⵜⵡⴰⵙⵙⵓⵇⵇⴻⵍ-ⴷ ⴰⵎⴰ ⵖⴻⵔ ⵜⴰⵄⵕⴰⴱⵜ, ⴰⵎⴰ ⵖⴻⵔ ⵜⴻⴼⵕⴻⵏⵙⵉⵙⵜ. ⴰⴷⵍⵉⵙ-ⴰ ⵢⴻⵃⴽⴰ-ⴷ ⴷⴻⴳ-ⵙ ⴰⵎⴻⴽ ⴰⵢ ⵢⴻⵍⵍⴰ ⵏⴻⵜⵜⴰ ⴷ ⵎⴻⵎⵎⵉ-ⵙ ⵏ ⵜⵎⵓⵔⵜ-ⵏⵏⴻⵙ, ⵍⵓⴱⴻⵏ ⴳⵓⴻⵏⵧⵠ, ⵙⵙⴰⵡⴰⴹⴻⵏ-ⴷ ⵍⴻⵙⵍⴰⵃ ⵉ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷⴻⴳ 1960 ⴷ 1961 ⴷⴻⴳ ⵢⵉⵖⴻⵔⵔⵓⴱⴰ-ⵏⵙⴻⵏ « ⴱⵔⴻⵣⴰ » ⴷ « ⴱⵓⵍⴳⴰⵔⵉⴰ ».

ⵎⴰ ⴷⴻⴳ ⵓⴷⵍⵉⵙ-ⵏⵏⴻⵙ ⵡⵉⵙ ⵙⵉⵏ, ⴰⵢ ⴷ-ⵢⴻⵙⵙⵓⴼⴼⴻⵖ ⴷⴻⴳ 2015, ⵠⴰⵍⵜⵛⵀⴰⵏⵧⵠ ⵢⴻⵃⴽⴰ-ⴷ ⵓⴳⴰⵔ ⵖⴻⴼ ⵍⴻⵣⵣⴰⵢⴻⵔ ⴷ ⵜⵜⴻⵊⵕⵉⴱⴰ-ⵏⵏⴻⵙ ⵜⴰⵖⴻⵣⴼⴰⵏⵜ ⴷⴻⴳ ⵜⴻⴳⵔⵉⵡⴰ ⵜⴰⵎⵙⴻⵏⵣⵉⵜ.

ⵏⵏⵉⴳ ⵓⵜⵜⴻⴽⴽⵉ-ⵏⵏⴻⵙ ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ, ⴰⵇⴻⴱⵟⴰⵏ ⵠⴰⵍⵜⵛⵀⴰⵏⵧⵠ ⴷ ⵢⵉⵡⴻⵏ ⵙⴻⴳ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴰⵖ ⴷⴻⴳ ⵍⴻⴱⵏⵉ ⵏ ⵡⴰⵙⵙⴰⵖⴻⵏ ⵢⴻⵍⵀⴰⵏ ⴳⴰⵔ ⴱⵓⵍⴳⴰⵕⵢⴰ ⴷ ⵍⴻⵣⵣⴰⵢⴻⵔ, ⵢⴻⵔⵏⴰ ⴷ ⵢⵉⵡⴻⵏ ⵙⴻⴳ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⴱⴷⴻⴷ, ⵖⴻⵔ ⵢⵉⴷⵉⵙ ⵏ ⴳⵔⵉⴳⵧⵔ ⴽⵔⴰⵛⵀⵎⴰⵔⵙⴽⵉ (ⴷ ⴰⵎⴻⴷⴷⴰⴽⴻⵍ ⵏⵉⴹⴻⵏ ⵏ ⵍⴻⵣⵣⴰⵢⴻⵔ) ⵏ ⵜⵉⴷⴷⵓⴽⵍⴰ ⵏ ⵜⴰⵎⵎⵉⴷⵡⴰ ⵜⴰⴷⵣⴰⵢⵔⵉⵜ-ⵜⴰⴱⵓⵍⴳⴰⵕⵉⵜ ⴷⴻⴳ ⵟⵓⴱⴻⵔ ⵏ 1994.

ⴷⴻⴳ ⵜⴳⴰⵔⴰ, ⴰⵎⵓⵍⵍⵉ ⵡⵉⵙ 100 ⵏ ⵎⴰⵙⵙ ⵠⴰⵍⵜⵛⵀⴰⵏⵧⵠ, ⴰⵢ ⴷ-ⵢⴻⵖⵍⵉⵏ ⴷⴻⴳ ⵓⵙⴻⴳⴳⴰⵙ ⴷⴻⴳ ⵍⴻⵣⵣⴰⵢⴻⵔ ⵍⴰ ⵜⴻⵙⴼⵓⴳⵓⵍ ⴰⵎⵓⵍⵍⵉ ⵡⵉⵙ 60 ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵃⴻⴷⵕⴻⵏ ⴷⴻⴳ-ⵙ ⴰⵟⴰⵙ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷ ⵢⵉⵎⴹⴻⴱⴱⵔⴻⵏ ⵉⵙⴻⵔⵜⵉⵢⴻⵏ ⴷ ⵢⵉⵙⴻⵔⴷⴰⵙⵉⵢⴻⵏ ⵓⵏⵏⵉⴳⴻⵏ ⵏ ⴱⵓⵍⴳⴰⵕⵢⴰ ⵢⴻⵍⵍⴰⵏ ⴷ ⵉⵎⴻⴷⴷⵓⴽⴰⵍ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⵉⵏ ⴷⴰⵖ ⵢⵉⴷⵉⵒⵍⵓⵎⴰⵜⵉⵢⴻⵏ ⵉⴷⵣⴰⵢⵔⵉⵢⴻⵏ ⵉⵅⴻⴷⴷⵎⴻⵏ ⴷⴻⴳ ⴱⵓⵍⴳⴰⵕⵢⴰ.