ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵡⴻⵀⵕⴰⵏ: ⵙⴻⵍⵍⴰⵍ ⵢⴻⵔⵥⴻⵎ ⵍⵍⵓⵣⵉⵏ ⵜⵉⵙ ⵙⵏⴰⵜ ⵏ ⵡⵓⵣⵣⴰⵍ ⴷⴻⴳ ⵜⵧⵙⵢⴰⵍⵉ

ⵡⴻⵀⵕⴰⵏ – ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵢⴻⵔⵥⴻⵎ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⴷⴻⴳ ⴱⴻⵟⵟⵉⵡⴰ (ⴷⴻⴳ ⵓⴳⵎⵓⴹ ⵏ ⵡⴻⵀⵕⴰⵎ) ⵍⵍⵓⵣⵉⵏ ⵜⵉⵙ ⵙⵏⴰⵜ ⵏ ⵓⵏⴼⴻⴷ ⵏ ⵜⴽⴻⴱⴱⴰⵏⵉⵜ ⵜⴰⵟⴻⵔⴽⵉⵜ « ⵜⵧⵙⵢⴰⵍⵉ ⵉⵔⵧⵏ ⴰⵏⴷ ⵙⵜⴻⴻⵍ", ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⵔⵙ ⴰⵥⵔⵓ ⴰⵎⴻⵣⵡⴰⵔⵓ ⵉ ⵍⴻⴱⵏⵉ ⵏ ⵍⵍⵓⵣⵉⵏ ⵜⵉⵙ 3 ⵏ ⵜⴽⴻⴱⴱⴰⵏⵉⵜ-ⴰ.

ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵔⵣⴰ ⵖⴻⴼ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵍⵍⵓⵣⵉⵏ-ⴰ, ⵢⴻⵔⵏⴰ ⵙⴼⴻⵀⵎⴻⵏ-ⴰⵙ-ⴷ ⵉⵙⵓⵔⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵖⵔⴰⴼ ⵏ ⵡⵓⵣⵣⴰⵍ. ⵎⴰⵙⵙ ⵙⴻⵍⵍⴰⵍ ⵢⴻⴼⴽⴰ ⴷⴰⵖ ⵍⵓⵎⵉⵕⴰ ⵉ ⴱⴻⴷⴷⵓ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⵏ ⵓⵙⵙⴻⵇⵄⴻⴷ ⵏ ⵓⵏⵔⴰⵔ ⴰⵢⴷⴻⴳ ⴰⵔⴰ ⵜⴻⵜⵜⵡⴰⴱⵏⵓ ⵍⵍⵓⵣⵉⵏ ⵜⵉⵙ 3 ⵏ ⵜⴽⴻⴱⴱⴰⵏⵉⵜ-ⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⵎⴰⵙⵙ ⵙⴻⵍⵍⴰⵍ ⵉⵃⴻⵜⵜⴻⵜ-ⴷ ⵖⴻⴼ ⵓⵖⵔⴰⴼ ⵏ ⵡⵓⵣⵣⴰⵍ ⴷ ⵓⵏⴼⴻⴷ ⵉ ⵓⵙⵙⴻⵕⵡⵓ ⵏ ⵡⴰⵢⴻⵏ ⵢⴻⵃⵡⴰⴵ ⵙⵙⵓⵇ ⴰⵖⴻⵍⵏⴰⵡ, ⵙⴰⴽⴽⵉⵏ, ⴰⴷ ⵜⴻⵣⵎⴻⵔ ⴷⴰⵖ ⵜⴽⴻⴱⴱⴰⵏⵉⵜ-ⴰ ⴰⴷ ⵜⴻⵙⵏⵓⵣⵓⵢ ⵓⵣⵣⴰⵍ ⴷ ⵓⵏⴼⴻⴷ ⵖⴻⵔ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ. ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴰⴽⴽⴻⵏ ⴰⴷ ⴷ-ⵙⵄⴻⵊⵍⴻⵏ ⵉⵙⴻⵏⴼⴰⵔⴻⵏ ⵏⵉⴹⴻⵏ ⵏ ⵜⴽⴻⴱⴱⴰⵏⵉⵜ-ⴰ ⴰⴽⴽⴻⵏ ⴰⴷ ⵜⴰⵡⴻⴹ ⵖⴻⵔ ⵢⵉⵙⵡⴰⵏ-ⵏⵏⴻⵙ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴽⴻⴱⴱⴰⵏⵉⵜ ⵏ « ⵜⵧⵙⵢⴰⵍⵉ », ⵎⴰⵙⵙ ⴼⵉⵢⴰⵜ ⵜⵧⵙⵢⴰⵍⵉ, ⵢⴻⵛⴽⴻⵕ-ⴷ ⴰⵏⴰⴱⴰⴹ ⴰⴷⵣⴰⵢⵔⵉ ⵉⵎⵉ ⴰⵢ ⴰⵙ-ⵢⴻⵙⵙⴰⴼⵙⴻⵙ ⵉⴱⵔⵉⴷⴻⵏ ⴰⴽⴽⴻⵏ ⴰⴷ ⵢⴻⵙⵙⴻⵔⴱⴻⵃ ⴰⵙⵙⴻⴼⵜⵉ-ⵏⵏⴻⵙ ⴷⴻⴳ ⵍⴷⵣⴰⵢⴻⵔ.

ⵍⵍⵓⵣⵉⵏ-ⴰ ⵜⵉⵙ ⵙⵏⴰⵜ ⴷ ⴰⵃⵔⵉⵛ ⵙⴻⴳ ⵓⵙⴻⵏⴼⴰⵔ ⵏ ⵓⵙⵙⴻⵎⵖⴻⵔ ⵏ ⵓⵙⵓⴷⴷⵉⵙ ⴰⵎⴳⵓⵔⴰⵏ ⵏ ⵡⵓⵣⵣⴰⵍ ⴷ ⴰⵙⴻⵏⴼⴰⵔ ⵏ 110 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⴰ ⵍⵍⵓⵣⵉⵏ-ⴰ ⵜⵖⴻⵔⵔⴻⴼ-ⴷ ⵜⵉⵏⴻⵍⵡⴰ (ⵍⴻⵅⵢⵓⴹ) ⵏ ⵜⵎⴰⵛⵉⵏⵉⵏ ⵉ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ, ⵢⴻⵔⵏⴰ ⴰⴼⴰⵔⴻⵙ-ⵏⵏⴻⵙ ⵢⴻⵡⵡⴻⴹ ⵖⴻⵔ 700.000 ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ.

ⵍⵍⵓⵣⵉⵏ-ⴰ ⵜⴻⵜⵜⵡⴰⴱⵏⴰ ⵖⴻⴼ ⵜⵊⵓⵎⵎⴰ ⵏ 25.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ (ⵎ2), ⵢⴻⵔⵏⴰ ⵉⵙⵡⵉ ⵏ ⵓⵙⵙⴻⴼⵜⵉ-ⴰ ⵏⴻⵜⵜⴰ ⴷ ⴰⵙⵙⴻⵏⵇⴻⵙ ⵏ ⵡⴰⴵⴰⵡ ⵏ ⵡⵓⵣⵣⴰⵍ ⵙⴻⴳ ⵜⵎⵓⵔⴰ ⵏ ⵓⵣⵖⴰⵔ ⵖⴻⵔ 45%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴹⴻⴱⴱⵔⴻⵏ ⵏ ⵓⵙⵉⴷⴷⵓⵙ ⵏ « ⵜⵧⵙⵢⴰⵍⵉ » ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⴻⵎⵏⴰⴹⵜ ⵜⴰⵎⴳⵓⵔⴰⵏⵜ ⵏ ⴱⴻⵟⵟⵉⵡⴰ (40 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⵎⵓⴹ ⵏ ⵡⴻⵀⵕⴰⵏ).

ⵍⴻⴱⵏⵉ ⵏ ⵍⵍⵓⵣⵉⵏ-ⴰ ⵓⵔ ⵢⴻⵡⵡⵉⴹ ⴰⵔⴰ ⵙⵉⵏ ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵜⴻⵙⵙⴻⵅⴷⴰⵎ 350 ⵏ ⵢⵉⵅⴻⴷⴷⴰⵎⴻⵏ. ⵎⴰⵛⴰ ⵉⵎⴹⴻⴱⴱⵔⴻⵏ ⵏ ⵓⵙⵉⴷⴷⵉⵙ-ⴰ ⵙⵙⴰⵔⴰⵎⴻⵏ ⴰⴷ ⵔⵏⵓⵏ ⴰⵎⴹⴰⵏ ⵏ ⵢⵉⵅⴻⴷⴷⴰⵎⴻⵏ-ⵏⵙⴻⵏ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ 1.350 ⵏ ⵢⵉⵅⴻⴷⴷⴰⵎⴻⵏ. ⵏⵏⵉⴳ ⵡⴰⵢⴰ, ⵍⴰ ⵙⵙⴻⴼⵔⴰⵢⴻⵏ ⴰⴷ ⵔⵏⵓⵏ ⴰⴷ ⴱⵏⵓⵏ ⵍⵍⵓⵣⵉⵏ ⵜⵉⵙ ⴽⵔⴰⴹⵜ (3) ⴰⵔⴰ ⴷ-ⵉⵅⴻⴷⴷⵎⴻⵏ 2,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵏⴼⴻⴷ, ⵢⴻⵔⵏⴰ ⴰⴷ ⴷ-ⵜⴻⵡⵊⴻⴷ ⴷⴻⴳ ⵜⴳⴰⵔⴰ ⵏ 2017.

ⵉⵙⵙⴻⴼⵜⵉⵢⴻⵏ-ⴰ ⴰⴷ ⴷ-ⵙⵇⴰⵎⴻⵏ ⵙ ⵓⵎⴰⵜⴰ ⴰⵣⴰⵍ ⵏ 1,7 ⴷ ⴰⵎⴻⵍⵢⵓⵏ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⴰ ⴰⵢⴰ ⴰⴷ ⵢⴻⵙⵙⴻⵎⵖⴻⵔ ⵜⴰⵣⵎⴻⵔⵜ ⵏ ⵓⴼⴰⵔⴻⵙ ⵏ ⵓⵙⵓⴷⴷⵉⵙ ⵏ ⵜⵧⵙⵢⴰⵍⵉ ⵖⴻⵔ ⵡⴰⵣⴰⵍ ⵏ 4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ. ⵙ ⵍⵍⵓⵣⵉⵏ-ⴰ ⵜⵉⵙ ⴽⵔⴰⴹⵜ ⴰⴷ ⵜⴻⵙⵙⵉⵡⴻⴹ ⴰⵎⴹⴰⵏ ⵏ ⵢⵉⵅⴻⴷⴷⴰⵎⴻⵏ ⵖⴻⵔ 3.250 ⵢⴻⵔⵏⴰ ⴰⴷ ⵜⴻⵙⵙⴻⵅⴷⴻⵎ ⴷⴰⵖ 15000 ⵏ ⵢⵉⵅⴻⴷⴷⴰⵎⴻⵏ ⵙ ⵓⴱⵔⵉⴷ ⴰⵔⵓⵙⵔⵉⴷ.

ⵍⵍⵓⵣⵉⵏ ⵜⴰⵎⴻⵣⵡⴰⵔⵓⵜ ⵏ ⵡⵓⵣⵣⴰⵍ ⴷ ⵓⵏⴼⴻⴷ ⵏ ⵜⵧⵙⵢⴰⵍⵉ ⵉⵔⵧⵏ ⴰⵏⴷ ⵙⵜⴻⴻⵍ ⵜⴻⵔⵥⴻⵎ ⴷⴻⴳ 2013, ⵢⴻⵔⵏⴰ ⵢⴻⵔⵣⴰ ⴼⴻⵍⵍ-ⴰⵙ ⴰⵙⵙ ⵏ 5 ⵢⵓⵏⵢⵓ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵟⴻⵔⴽⵉ ⵢⴻⵍⵍⴰⵏ ⴰⵙⵙ-ⴰ ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⵎⵓⵔⵜ-ⴰ, ⵔⴻⵛⴻⵒ ⵜⴰⵢⵉⵒ ⴻⵔⴷⵧⴳⴰⵏ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.

ⵍⵍⵓⵣⵉⵏ-ⴰ ⵜⴰⵎⴻⵣⵡⴰⵔⵓⵜ ⵜⴻⵎⵎⵓⵣⵣⴻⴳ (ⵜⴻⵜⵅⴻⵚⵚⴻⵚ) ⴷⴻⴳ ⵢⵉⴼⴰⵔⵉⵙⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵏⴼⴻⴷ ⵢⴻⵜⵜⵡⴰⵡⴻⵀⵀⴰⵏ ⵉ ⵜⴻⵎⴳⵓⵔⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⴰⵎ ⵍⴻⴱⵏⵉ. ⵍⵍⵓⵣⵉⵏ-ⴰ ⵜⵖⴻⵔⵔⴻⴼ-ⴷ ⴰⵏⴼⴻⴷ-ⵏⵏⴻⵙ ⵙ ⵓⵄⴰⵡⴻⴷ ⵏ ⵓⵙⵙⴻⵇⴷⴻⵛ ⵏ ⵡⵓⵣⵣⴰⵍ ⴰⵇⴱⵓⵔ, ⴰⵎ ⵡⴰⴽⴽⴻⵏ ⴰⵢ ⵜⴻⵜⵜⴻⴷⴷⵓ ⵙ ⵜⵔⵉⵙⵉⵜⵉ. ⴰⴼⴰⵔⴻⵙ ⵏ ⵍⵍⵓⵣⵉⵏ-ⴰ ⵢⴻⴼⴼⴻⵍ ⵉ ⵓⵎⴻⵍⵢⵓⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ.

ⵎⴰⵙⵙ ⴻⵔⴷⵧⴳⴰⵏ ⵢⴻⵏⵏⴰ-ⴷ, ⴰⵙⵎⵉ ⴰⵢ ⴷ-ⵢⴻⵔⵣⴰ ⵖⴻⴼ ⵍⵍⵓⵣⵉⵏ-ⴰ, ⴷⴰⴽⴽⴻⵏ ⴷ ⵡⴰ ⴰⵢ ⴷ ⴰⵙⵙⴻⴼⵜⵉ ⴰⵎⴻⵇⵔⴰⵏ ⴰⴽⴽ ⵏ ⵟⵟⴻⵔⴽ ⴷⴻⴳ ⵜⵎⵓⵔⴰ ⵏ ⵓⵣⵖⴰⵔ, ⵢⴻⵔⵏⴰ ⴰⵢⴰ ⴷ « ⴰⵎⴻⴷⵢⴰ ⵉⴼⴰⵣⴻⵏ ⵏ ⵓⵎⵄⴰⵡⴻⵏ ⴰⴷⴰⵎⵙⴰⵏ ⴳⴰⵔ ⵍⴷⵣⴰⵢⴻⵔ ⴷ ⵟⵟⴻⵔⴽ ».

ⴰⵙⴻⵏⴼⴰⵔ-ⴰ ⴷ ⴰⵃⵔⵉⵛ ⵙⴻⴳ ⵢⵉⵙⵙⴻⴼⵜⵉⵢⴻⵏ ⵉⴱⴻⵕⵕⴰⵏⵉⵢⴻⵏ ⴰⵢ ⴷ-ⵢⴻⴱⴷⴰⵏ ⴷⴻⴳ ⵛⵜⴻⵎⴱⴻⵕ ⵏ 2011 ⴰⵢⴷⴻⴳ ⵜⵉⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵢⴻⵙⵙⴻⴼⴽ ⴰⴷ ⴷ-ⵜⵜⴻⴽⴽⵉⵏⵜ ⵙ 30%, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴰⴷ ⴷ-ⵜⵜⴻⴽⴽⵉⵏⵜ ⵢⴻⵙ-ⵙ ⵜⴱⴰⵏⴽⵉⵡⵉⵏ.

ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴽⴻⴱⴱⴰⵏⵉⵜ ⵏ ⵜⵧⵙⵢⴰⵍⵉ ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵏ ⵏ ⵓⵍⵖⵓ ⵉ ⵍⵎⴻⵏⴷ ⵏ ⵜⴻⵔⵣⵉ ⵏ ⵎⴰⵙⵙ ⵙⴻⵍⵍⴰⵍ ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ ⴰⵙⵓⴷⴷⵉⵙ ⴰⵎⴳⵓⵔⴰⵏ ⵏ ⵡⵓⵣⵣⴰⵍ ⴷ ⵓⵏⴼⴻⴷ ⵏ ⵜⵧⵙⵢⴰⵍⵉ ⴷⴻⴳ ⵍⴷⵣⴰⵢⴻⵔ ⴰⴷ ⵢⴻⵇⵇⴻⵍ, ⵙ ⵢⵉⵙⵙⴻⴼⵜⵉⵢⴻⵏ-ⴰ ⵉⵎⴻⵇⵔⴰⵏⴻⵏ, ⴷ ⵏⴻⵜⵜⴰ ⴰⵢ ⴷ ⵜⴰⴳⵔⴰⵡⵜ ⵜⴰⵎⴳⵓⵔⴰⵏⵜ ⵜⴰⵎⴻⵇⵔⴰⵏⵜ ⴰⴽⴽ ⴷⴻⴳ ⵜⴻⴼⵔⵉⵇⵜ ⴷⴻⴳ ⵓⵃⵔⵉⵛ ⵏ ⵡⵓⵣⵣⴰⵍ ⴷ ⵓⵏⴼⴻⴷ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵙⵙⴻⴼⵜⵉⵢⴻⵏ-ⴰ ⵍⵍⴰⵏ-ⴷ ⵉ ⵜⵏⴻⴼⵍⵉⵜ ⵏ ⵜⴻⵎⴳⵓⵔⵉ ⴷⴻⴳ ⵍⴷⵣⴰⵢⴻⵔ.