ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵏⵉ ⴰⵣⵣⴰⵢⵔⵉ ⵉⵄⴰⵡⴻⵏ ⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ
ⵜⵉⵏⴷⵓⴼ – ⵍⴻⵎⵄⴰⵡⵏⴰ ⵏ ⵓⵎⵏⵉ ⴰⵣⵣⴰⵢⵔⵉ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴱⴷⴰⵏ ⵙⵙⴰⵡⴰⴹⴻⵏ-ⵜⵜ ⵙ ⵢⵉⵙⴰⴼⴰⴳⴻⵏ ⵙⴻⴳ ⵡⴰⵙⵙ ⵏ ⵍⴰⵕⴻⴱⵄⴰ ⴷ ⴰⵙⴰⵡⴻⵏ ⵖⴻⵔ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵉ ⵍⵎⴻⵏⴷ ⵏ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ.
ⴰⵃⵔⵉⵛ ⴰⵎⴻⵣⵡⴰⵔⵓ ⵏ ⵍⴻⵎⵄⴰⵡⵏⴰ-ⴰ ⵜⴰⵍⵙⴰⵏⵜ ⵍⵍⴰⵏ ⴷⴻⴳ-ⵙ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⵏ ⵍⵍⵙⴰⵙ ⴷ ⵡⴰⵎⴰⵏ ⵏ ⵜⵇⴻⵔⵄⵓⵏⵜ, ⵢⴻⵔⵏⴰ ⵜⴻⵙⵙⴰⵡⴻⴹ-ⵉⵜⵜ-ⵉⴷ ⵜⵎⴰⴳⵍⴰ ⵜⵡⴰⵎⵏⵉⵜ, ⴰⵢ ⴷ-ⵢⴻⵡⵡⵉ ⵓⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴷⵊⴰⵎⴻⵍ ⴱⵧⵓⵔⴰⵙ, ⵢⴻⵔⵏⴰ ⴷⴷⴰⵏ-ⴷ ⴷⴰⵖ ⴷⴻⴳ-ⵙ ⵜⴰⵙⴻⵍⵡⴰⵢⵜ ⵏ ⵜⴻⴳⵔⴰⵡⵜ ⵏ ⵜⴰⵎⵎⵉⴷⵡⴰ ⴷ ⵜⴻⴳⵎⴰⵜ ⵜⴰⴷⵣⴰⵢⵔⵉⵜ-ⵜⴰⵚⴻⵃⵔⴰⵡⵉⵜ, ⵙⴰⵉⴷⴰ ⴱⵧⵓⵏⴰⴱ, ⴷ ⴽⵔⴰ ⵏ ⵢⵉⵡⴰⵎⵏⵉⵢⴻⵏ.
ⵍⴻⵎⵄⴰⵡⵏⴰ-ⴰ ⵢⴻⵎⵎⵓⴳⴻⵔ-ⵜⵜ-ⵉⴷ ⴷⴻⴳ ⵓⵏⴰⴼⴰⴳ ⵏ ⵓⵎⴻⵏⵣⴰⴹ ⴼⴰⵔⵔⴰⴷⵊ ⵏ ⵜⵉⵏⴷⵓⴼ ⵓⵙⴻⵍⵡⴰⵢ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⵚⴻⵃⵔⴰⵡⵉⵜ, ⵢⴰⵀⵉⴰ ⴱⵧⵓⵀⴱⵉⵏⵉ, ⵙ ⵓⵃⴷⴰⵕ ⵏ ⵓⵏⵎⴰⵀⴰⵍ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵉⴱⵔⴰⵀⵉⵎ ⴳⵀⴰⵍⵉ.
ⵍⴻⵎⵄⴰⵡⵏⴰ-ⴰ ⵙⵙⴰⵡⴹⴻⵏ-ⵜⵜ, ⵙⴰⴽⴽⵉⵏ, ⵖⴻⵔ ⵍⴻⵎⵅⴰⵣⴻⵏ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⵚⴻⵃⵔⴰⵡⵉⵜ ⴰⴽⴽⴻⵏ ⴰⴷ ⵜⴻⵜⵜⵡⴰⴼⵔⴻⵇ ⵖⴻⴼ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ. ⵉⵖⴻⴼ ⵏ ⵜⵎⴰⴳⵍⴰ ⵜⴰⵡⴰⵎⵏⵉⵜ ⵜⴰⴷⵣⴰⵢⵔⵉⵜ ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵜ ⵏ ⵜⴻⵏⵇⵉⴹⵜ ⵏ ⵜⵖⴻⵎⵙⴰ, ⴷ ⴰⴽⴽⴻⵏ ⵛⵛⵖⴻⵍ-ⴰ ⵏ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ ⵜⴰⵍⴻⵎⵎⴰⵙⵜ ⵏ ⵔⴻⵎⴹⴰⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵢⵉⵡⴻⵜ ⵏ « ⵜⴻⴳⵏⵉⵜ ⵜⴰⵡⴻⵄⵕⴰⵏⵜ ⴷⴻⴳ ⵜⴻⵏⵇⴻⵙ ⵍⴻⵎⵄⴰⵡⵏⴰ ⴰⵢ ⴷ-ⵜⵜⴰⴽⴼⴻⵏⵜ ⵜⵎⵓⵔⴰ ⵏⵉⴹⴻⵏ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ».
ⵎⴰⵙⵙ ⴱⵧⵓⵔⴰⵙ ⵉⴼⵓⵕⴻⵙ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵔⵏⵓⵏ ⵙⴻⴳ ⵍⴻⵎⵄⴰⵡⵏⴰ-ⵏⵙⴻⵏ ⴰⴽⴽⴻⵏ « ⵓⵔ ⵜⵅⴻⵚⵚⴻⵔ ⴰⵔⴰ ⵜⴻⴳⵏⵉⵜ ⵏ ⵜⵎⴻⴷⴷⵓⵔⵜ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ». ⵎⴰ ⴷ ⴰⵏⵎⴰⵀⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵍⴻⵣⵣⴰⵢⴻⵔ ⵢⴻⵛⴽⴻⵕ-ⴷ ⴰⴱⴷⴰⴷ ⴰⵢ ⵢⴻⴱⴷⴻⴷ ⵓⵎⵏⵉ ⴰⴷⵣⴰⵢⵔⵉ ⵖⴻⵔ ⵢⵉⴷⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵡⴰⵏⴰⴽ (ⴷⴷⵓⵍⴰ) ⴰⴷⵣⴰⵢⵔⵉ ⴷⵉⵎⴰ « ⵢⴻⵙⵙⴽⴻⵏ-ⴷ ⴰⴱⴷⴰⴷ-ⵏⵏⴻⵙ ⴷ ⵜⴻⵎⵙⴻⵜⵍⴻⵍⵜ-ⵏⵏⴻⵙ ⵢⴻⵜⵜⴽⴻⵎⵎⵉⵍⴻⵏ ⵡⴰⵔ ⵛⵛⴻⵔⴹ ⵉ ⵓⵄⴰⵡⴻⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ».
