Asebter amenzawi

Lebni n tdamsa n lɣella yeḥwaǧ « akud d ṣṣber » (Sellal)

MƐESKEṚ - Aneɣlaf amenzu, Abdelmalek Sellal, yenna-d ass n laṛebɛa deg Mɛeskeṛ, dakken aɛeddi seg tdamsa n ussekfel n yiserɣa ɣer tdamsa n ufares n lɣella d ayen ara yeḥwiǧen « akud d ṣṣber ».

« Yessefk ad nẓer dakken aɛeddi seg tdamsa n uɣellet (n yiserɣa) ɣer tdamsa n ufares d ayen ara yeḍḍfen aṭas n wakud, yerna assewjed i tallit n wasmi ara ixaṣṣ upitṛul ad yiɣzif. Ass-a, yessefk ad d-nessiwel ɣef ufares d unnummed deg leswaq ibeṛṛaniyen, yerna aya yeḥwaǧ aṭas n wakud. Yessefk ad nili d iṣebbaren yerna ad neddu ɣer sdat », ɣef wakken ay d-yenna.

Deg wayen yerzan tirzi-nnes ɣef twilayt n Mɛeskeṛ, aneɣlaf amenzu yessefhem-d dakken « iga-tt akken ad yessebɣes isenfaren, ladɣa deg yinurar n tfellaḥt, iserɣa d temguri, yerna aya yedda swaswa deg ubrid n unabaḍ ».

Deg wayen yerzan ayyur n Remḍan, Mass Sellal yenna-d dakken ulac uguren deg wayen yerzan ifarisen n ussuder yerna ala deg 3 wussan imezwura n wayyur-a ara d-yegget lɣaci ɣef leswaq imi aya yudef deg leɛwayed n medden deg Remḍan.