Asebter amenzawi
Lqanun n usmad n tedrimt n 2015 d win ara iɛawnen sselɛa taɣelnawt yerna ad tt-inewweɛ (Sellal)
MƐESKEṚ - Aneɣlaf amenzu, Abelmalek Sellal, yenna-d ass n laṛebɛa deg Mɛeskeṛ d akken iswi n lqanun n usmad n tedrimt n 2015 netta d aɛawen d unewweɛ n ufares aɣelnaw.
Iswi n lqanun n usmad n tedrimt n 2015 netta d aɛawen d unewweɛ n ufares aɣelnaw, ɣef wakken ay dyenna Mass Sellal deg yiwet n tseɣrut i tɣemsa deg yijifeṛ n terzi n umahil (axeddim) ay iga ɣef twilayt n Mɛeskeṛ, am wakken ay d-yenna d akken lɛula n yidrimen ibeṛṛaniyin n Lezzayer la tettwaṣerraf s « lmizan ».
Iswi n uheyyi n lqanun n usmad n tedrimt, ɣef leḥsab n Mass Sellal netta d « aqabel n wuguren n uɣelluy n ssuma n upitṛul ».
Anabaḍ, ɣef wakken ay d-yenna, yessefk ad ixemmem, s lqanun n usmad n tedrimt, ɣef wamek ara yessenqes kra n leɣramat am leɣrama n urmud amsadur (TAP) d leɣrama n lfayda n tkebbaniyin (IBS), am wakken ay d-yenna d akken ssuma n yiserɣa ur trennu ara.
« Ɣef leḥsab n yimazzayen, ssuma n upitṛul deg 2016 ad tili gar 50 d 70 n yidulaṛen i tbettit, yerna ma yella rekdent ssumat, ur nseɛɛu ara uguren », ɣef wakken ay d-yenna Mass Sellal.
Seg yidis niḍen, aneɣlaf amenzu iwekked-d d akken ifarisen n ussuder umi d-yessenqes unabaḍ deg ssuma ur trennu ara ssuma-nsen deg wayyur n Remḍan.
« Anabaḍ ur la yettnadi ara ad d-yaɣ lehna n tmetti », ɣef wakken ay d-yenna, am wakken ay d-yerna d akken awanak (ddula) adzayri « yebna ɣef tsertit tanmettit-tamegdayt yerna d ta, daɣ, ay d tamuɣli n uselway n tegduda, Abdelaziz Bouteflika ».
