ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴰⵍⴻⵙⵟⵉⵏ: ⴰⵀⴻⵢⵢⵉ ⵏ ⵍⵃⵓⴽⵓⵎⴰ ⵜⴰⵎⴰⵢⵏⵓⵜ, ⴰⵎⵙⴻⴼⵀⴰⵎ ⴳⴰⵔ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵓⵇⴰⴱⴻⵍ ⵏ ⵜⵓⵟⵟⴼⴰ ⵜⵉⵙⵕⴰⵢⵉⵍⵉⵜ

ⵔⴰⵎⴰⵍⵍⴰⵀ –ⴰⵙⴻⵍⵡⴰⵢ ⴰⴼⴰⵍⴻⵙⵟⵉⵏⵉ, ⵎⴰⵀⵎⵧⵓⴷ ⴰⴱⴱⴰⵙ, ⵉⵡⴻⴽⴽⴻⵍ ⴰⵙⵙ ⵏ ⵍⴰⵕⴻⴱⵄⴰ ⴰⵏⴻⵖⵍⴰⴼ ⴰⵎⴻⵏⵣⵓ ⵔⴰⵎⵉ ⵀⴰⵎⴷⴰⵍⵍⴰⵀ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴱⴷⴻⴷ ⴰⵙⵍⴻⴽⵎⴰⵏ ⴰⵎⴰⵢⵏⵓ, ⵙⴷⴻⴼⴼⵉⵔ ⵎⴰ ⵢⴻⵜⵜⴰⵅⴻⵔ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵉⵎⵉ ⵓⵔ ⵎⵙⴻⴼⵀⴰⵎⴻⵏ ⴰⵔⴰ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ-ⵙ.

ⴰⵏⴰⴱⴰⴹ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵡⵉⵏ ⴰⵔⴰ ⵉⵅⴻⴷⵎⴻⵏ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⴰⵢⵖⴻⴼ ⵓⵔ ⵎⵙⴻⴼⵀⴰⵎⴻⵏ ⴰⵔⴰ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵓⵙⴷⵓⴽⴽⴻⵍ ⵏ ⵜⵙⵓⴷⴰ ⵏ ⵓⵡⴰⵏⴰⴽ (ⴷⴷⵓⵍⴰ) ⵢⴻⵔⵏⴰ ⴰⴷ ⵇⴰⴱⵍⴻⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ.

ⵎⴰⵙⵙ ⵀⴰⵎⴷⴰⵍⵍⴰⵀ ⵢⴻⴼⴽⴰ-ⴷ ⵜⴰⴱⵕⴰⵜ-ⵏⵏⴻⵙ ⵏ ⵓⵜⵜⵉⵅⴻⵔ ⵉ ⵓⵙⴻⵍⵡⴰⵢ ⴰⴱⴱⴰⵙ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷⴻⴳ ⵓⵅⵅⴰⵎ ⵏ ⵜⵙⴻⵍⵡⵉⵜ ⴷⴻⴳ ⵔⴰⵎⴰⵍⵍⴰⵀ. ⵎⴰⵙⵙ ⴰⴱⴱⴰⵙ ⵢⴻⵇⴱⴻⵍ ⴰⵜⵜⵉⵅⴻⵔ-ⴰ, ⵢⴻⵔⵏⴰ ⵉⵡⴻⴽⴽⴻⵍ ⵎⴰⵙⵙ ⵀⴰⵎⴷⴰⵍⵍⴰⵀ ⴰⴷ ⴷ-ⵏⴻⵙⵙⴻⴱⴷⴻⴷ ⴰⵏⴰⴱⴰⴹ ⴰⵎⴰⵢⵏⵓ.

ⵙⵉⵏ-ⴰ ⵏ ⵢⵉⵎⴹⴻⴱⴱⵔⴻⵏ ⵎⵙⴻⴼⵀⴰⵎⴻⵏ ⴷⴰⵖ ⴰⴽⴽⴻⵏ ⴰⴷ ⵎⵍⵉⵍⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⵓⴷⴷⵙⴰ ⵏ ⵓⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ ⴰⴽⴽⴻⵏ ⴰⴷ ⵙⵙⵉⵡⵍⴻⵏ ⵖⴻⴼ ⵡⴰⵎⴻⴽ ⴰⵔⴰ ⴷ-ⵙⴱⴻⴷⴷⴻⵏ ⴰⵏⴰⴱⴰⴹ ⴰⵎⴰⵢⵏⵓ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.

ⵎⴰⵙⵙ ⵀⴰⵎⴷⴰⵍⵍⴰⵀ ⵢⴻⵙⵙⴻⴼⴽ ⴰⴷ ⴷ-ⵢⴻⴱⴷⵓ ⴰⵎⵛⵉⵡⴻⵕ ⵡⴰⵔ ⵍⴻⵄⴹⵉⵍ ⴷ ⵡⴰⴽⴽ ⵉⵎⵓⵙⵙⴰ ⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ ⵓⵍⴰ ⴷ ⵃⴰⵎⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵏⵉⵎⵔ ⵀⴰⵎⴰⴷ, ⴰⵏⴻⵚⵚⴰⵃ ⴰⵙⴻⵔⵜⵉ ⵏ ⵓⵙⴻⵍⵡⴰⵢ ⴰⴱⴱⴰⵙ.

ⴰⵜⵜⵉⵅⴻⵔ ⵏ ⵓⵏⴰⴱⴰⴹ-ⴰ ⵜⴻⵍⵍⴰ-ⴷ ⵉⵎⵉ « ⵓⵔ ⵢⴻⵙⵙⴰⵡⴻⴹ ⴰⵔⴰ ⴰⴷ ⵢⴻⵅⴷⴻⵎ ⵛⵛⵖⴻⵍ-ⵏⵏⴻⵙ ⵙ ⵢⵉⵙⴻⵎ-ⵏⵏⴻⵙ ⴷ ⴰⵏⴰⴱⴰⴹ ⵏ ⵜⴷⵓⴽⵍⵉ ». ⴰⵏⴰⴱⴰⴹ-ⴰ ⵙⴱⴻⴷⴷⴻⵏ-ⵜ-ⵉⴷ ⴷⴻⴳ 2014 ⴰⴽⴽⴻⵏ ⴰⴷ ⵉⴼⴰⴽ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵏ ⴱⴻⴹⴹⵓ ⴳⴰⵔ ⵙⵏⴰⵜ ⵏ ⵜⴻⴳⵔⴰⵡⵉⵏ ⵜⵉⵎⴻⵇⵔⴰⵏⵉⵏ ⵏ ⴼⴰⵍⴻⵙⵟⵉⵏ, ⴼⴰⵜⴰⵃ ⵏ ⵎⴰⵙⵙ ⴰⴱⴱⴰⵙ ⴷ ⵓⵎⵓⵙⵙⵓ ⵏ ⵓⵣⴱⵓ ⵏ ⵃⴰⵎⴰⵙ.

ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴱⴰⴹ ⴰⵙⴻⵔⵜⵉ

ⵎⴰ ⴷ ⵃⴰⵎⴰⵙ, ⴰⵢ ⵉⵃⴻⴽⵎⴻⵏ ⵜⴰⵙⴼⵉⴼⵜ ⵏ Ɣⴻⵣⵣⴰ, ⵜⵓⴳⵉ ⴰⴷ ⵢⴻⵜⵜⵡⴰⴼⵙⴻⵅ ⵓⵏⴰⴱⴰⴹ-ⴰ ⴰⵜⵉⴽⵏⵓⵇⵔⴰⵟⵉ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ « ⵙⴻⴳ ⵢⵉⵡⴻⵏ ⴽⴰⵏ ⵏ ⵢⵉⴷⵉⵙ », ⵢⴻⵔⵏⴰ ⵜⴳⴻⵔ-ⴷ ⵜⵉⵖⵔⵉ ⵉ ⵓⵙⴻⵍⵡⴰⵢ ⴰⴱⴱⴰⵙ ⴰⴽⴽⴻⵏ ⴰⴷ ⴷ-ⵢⴻⵔⵔ ⴷⴻⴳ ⵓⵎⴽⴰⵏ ⵏ ⵓⵏⴰⴱⴰⴹ-ⴰ, ⴰⵏⴰⴱⴰⴹ ⴰⵎⴰⵢⵏⵓ ⴰⵔⴰ ⵢⵉⵍⵉⵏ ⴷ ⴰⵙⴻⵔⵜⵉ ⵓⴳⴰⵔ.

ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴱⴰⴹ « ⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⵎⵓⵙⵙⴰ ⵉⵖⴻⵍⵏⴰⵡⴻⵏ ⴷ ⵢⵉⵙⵍⴰⵎⴰⵏⴻⵏ ⴰⴽⴽⴻⵏ ⴰⴷ ⵏⵇⴰⴱⴻⵍ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ ⵓⵏⵏⵉⴳ ⵏ ⵃⴰⵎⴰⵙ, ⵣⵉⴰⴷ ⴰⵍ-ⵣⴰⵣⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵃⴰⵎⴰⵙ ⵜⴻⵡⵊⴻⴷ ⵉ ⵡⴰⵢⴰ.

ⵎⴰ ⴷ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵜⵓⴷⴷⵙⴰ ⵏ ⵓⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵎⵛⴰⵡⵕⴰⵜ ⵜⵉⴳⴻⵏⵙⵉⵢⵉⵏ (ⵏ ⴷⴰⵅⴻⵍ) ⴳⴰⵔ ⵢⵉⴼⴰⵍⴻⵙⵟⵉⵏⵉⵢⴻⵏ ⵙⵙⴻⴽⵏⴻⵏⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵏⴰⴱⴰⴹ ⴰⵎ ⵡⴰ.

« ⵛⵉⴽⴽⴻⵖ ⴰⵇⵍ-ⴰⵖ ⵍⴰ ⵏⴻⵜⵜⴻⴷⴷⵓ ⴰⴽⴽⴻⵏ ⴰⴷ ⴷ-ⵏⴻⴳ ⴰⵏⴰⴱⴰⴹ ⵏ ⵢⵉⴻⵔⴳⴰⵣⴻⵏ ⵉⵙⴻⵔⵜⵉⵢⴻⵏ, ⵎⴰⵛⵉ ⴷ ⴰⵏⴰⴱⴰⴹ ⵏ ⵢⵉⵜⵉⴽⵏⵓⵇⵔⴰⵟⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵃⴱⴰⵙ ⵏ ⵢⵉⵎⴻⵏⵖⵉ ⴰⵔⴰ ⵉⵖⵣⵉⴼⴻⵏ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ?

ⴰⵎⵓⵙⵙⵓ ⵏ ⵃⴰⵎⴰⵙ ⴷ ⵢⵉⴷⵓⴱⴰ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴳⴰⵏ ⵉⵏⴻⵔⵎⵉⵙⴻⵏ ⴷ ⵉⵔⵓⵙⵔⵉⴷⴻⵏ ⴰⴽⴽⴻⵏ « ⴰⴷ ⵎⴱⴰⴷⴷⴰⵍⴻⵏ ⵜⵉⴽⵜⴰ » ⵖⴻⴼ ⵢⵉⵡⴻⵏ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⵖⴻⵣⵣⵉⴼⴻⵏ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ, ⵖⴻⴼ ⵍⴻⵃⵙⴰⴱ ⵏ ⴽⵔⴰ ⵏ ⵜⴻⵖⴱⵓⵍⴰ ⵏ ⵃⴰⵎⴰⵙ.

ⵉⵏⴻⵔⵎⵉⵙⴻⵏ-ⴰ ⵍⵍⴰⵏ-ⴷ ⵙ ⴽⵔⴰ ⵏ ⵢⵉⴱⴷⴰⵎⵎⴰⵙⴻⵏ ⴰⵄⵕⴰⴱⴻⵏ ⴷ ⵡⵓⵕⵓⴼⵉⵢⴻⵏ ⴰⴽⴽⴻⵏ ⴰⴷ ⵙⴵⴻⵀⴷⴻⵏ ⴰⵃⴱⴰⵙ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⴷⴻⴳ Ɣⵓⵛⵜ ⵢⴻⵣⵔⵉⵏ ⵙⴷⴻⴼⴼⵉⵔ ⵜⵓⵎⵎⵖⴰ-ⵏⵏⵉ ⵏ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⵖⴻⴼ ⵜⴻⵙⴼⵉⴼⵜ ⵏ Ɣⴻⵣⵣⴰ ⴰⵢ ⵢⴻⴹⴹⴼⴻⵏ 50 ⵏ ⵡⵓⵙⵙⴰⵏ. ⴰⵣⴰⵍ ⵏ 2.200 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴷ ⵉⵖⴰⵔⵉⵎⴻⵏ, ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⵓⵎⵎⵖⴰ-ⵏⵏⵉ ⵖⴻⴼ ⵍⴻⵃⵙⴰⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⴰⵃⴱⴰⵙ-ⴰ ⵏ ⵢⵉⵎⴻⵏⵖⵉ ⵏ ⵓⵙⴻⴳⴳⴰⵙ ⵢⴻⵣⵔⵉⵏ ⵢⴻⵍⵍⴰ-ⴷ ⵙ ⵜⴻⴱⴷⴰⵎⵎⴰⵙⵜ ⵜⴰⵎⴰⵚⵔⵉⵜ ⵢⴻⵔⵏⴰ ⵢⴻⴱⴷⴰ-ⴷ ⴰⵙⵙ ⵏ 26 Ɣⵓⵛⵜ. ⴷⴻⴳ ⵍⴻⵎⵛⴰⵡⵕⴰⵜ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵃⴱⴰⵙ-ⵏⵏⵉ, ⵙⵙⴻⴼⵔⴰⵏ ⴰⴷ ⵄⴰⵡⴷⴻⵏ ⴰⴷ ⵇⵇⵍⴻⵏ ⵖⴻⵔ ⵡⴰⵡⴰⵍ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵓⵃⴱⴰⵙ ⵏ ⵢⵉⵎⴻⵏⵖⵉ ⴰⵔⴰ ⵉⴷⵓⵎⴻⵏ ⵓⴳⴰⵔ ⵢⴻⵔⵏⴰ ⴰⴷ ⴼⵔⵓⵏ ⵜⵉⵎⵙⴰⵍ ⵜⵉⴳⴻⵊⴷⴰⵏⵉⵏ ⴰⵢ ⵢⴻⵇⵇⵉⵎⴻⵏ ⵄⴻⵍⵍⵇⴻⵏⵜ. ⵎⴰⵛⴰ ⵓⵔ ⴷ-ⵍⵍⵉⵏⵜ ⴰⵔⴰ ⵍⴻⵎⵛⴰⵡⵕⴰⵜ-ⵏⵏⵉ.

« ⴰⵇⵍ-ⴰⵖ ⵏⴻⵡⵊⴻⴷ ⴰⴽⴽⴻⵏ ⴰⴷ ⵏⴻⴳ ⴰⵎⵜⴰⵡⴰ. ⵃⴰⵎⴰⵙ ⵜⴻⴱⵖⴰ ⴰⴷ ⵜⴻⴼⵔⵓ ⵓⴳⵓⵔⴻⵏ ⵏ Ɣⴻⵣⵣⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ. ⴷ ⴰⵛⵓ ⴽⴰⵏ, ⴰⵎⵛⵉⵡⴻⵕ ⵉ ⵓⵙⵙⴻⴱⴷⴻⴷ ⵏ ⵜⴻⵖⵍⴰⵎⵜ ⵉ ⵓⵏⴰⴱⴰⴹ ⴰⵎⴰⵢⵏⵓ ⵡⴻⵔⵄⴰⴷ ⵓⵔ ⴷ-ⵢⴻⴱⴷⵉ ⴰⵔⴰ ⵙ ⵜⵉⴷⴻⵜ.

« ⵏⴻⵎⵎⵓⴳⴻⵔ ⴰⵟⴰⵙ ⵏ ⵢⵉⵎⴰⵣⵓⵏⴻⵏ, ⵎⴰⵛⴰ ⵢⴻⵍⵍⴰ-ⴷ ⴽⴰⵏ ⵢⵉⴷ-ⵙⴻⵏ ⵓⴷⵉⵡⴻⵏⵏⵉ ⵓⵏⵚⵉⴱ ⵢⴻⵔⵏⴰ ⵏⴻⵙⵙⴰⵡⴻⵍ ⴽⴰⵏ ⵖⴻⴼ ⵜⴻⴽⵜⴰ ⵜⵉⵔⵓⵙⵔⵉⴷⵉⵏ ⴷ ⵜⴻⵖⵡⴰⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵃⴰⵎⴰⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵅⴻⴱⴱⴻⵔ ⴷ ⴰⴽⴽⴻⵏ ⵜⵜⴻⴽⴽⴰⵏ ⴷⴻⴳ ⵡⴰⵢⴰ ⵢⵉⵎⴹⴻⴱⴱⵔⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵓⵎⵏⵉ ⵓⵕⵓⴼⵉ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⵏ ⴷⴷⵓⵕ ⵏ ⵜⴻⴱⴷⴰⵎⵎⴰⵙⵜ ⴳⴰⵔ ⵓⵎⵓⵙⵙⵓ ⴰⴼⴰⵍⴻⵙⵟⵉⵏⵉ ⵏ ⵃⴰⵎⴰⵙ ⴷ ⵢⵉⴷⵓⴱⴰ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ.

ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵃⴰⵎⴰⵙ ⵎⵍⴰⵍⴻⵏ ⴷⴰⵖ, ⴷⴻⴳ ⴷⴷⵓⵃⴰ, ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵉⵇⴰⵟⴰⵔⵉⵢⴻⵏ.

ⴰⴷⵉⵡⴻⵏⵏⵉ-ⵏⵙⴻⵏ ⵢⴻⵍⵍⴰ-ⴷ ⵖⴻⴼ ⵓⵎⵜⴰⵡⴰ ⴰⵔⴰ ⵢⴻⴹⴹⴼⴻⵏ ⴳⴰⵔ 5 ⴷ 10 ⵏ ⵢⵉⵙⴻⴳⴳⴰⵙⴻⵏ ⴷ ⵛⵛⴻⵔⴹ ⵏ ⵃⴰⵎⴰⵙ ⴰⴽⴽⴻⵏ ⴰⴷ ⵜⴻⵜⵜⵡⴰⴽⴽⴻⵙ ⵜⴻⵔⴳⵓⵍⵜ ⵜⵉⵙⵕⴰⵢⵉⵍⵉⵜ ⵖⴻⴼ ⵜⴻⵙⴼⵉⴼⵜ ⵏ Ɣⴻⵣⵣⴰ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵡⴰⵔⴻⵥⵎⴻⵏ ⵢⵉⴱⵔⵉⴷⴻⵏ ⵏ ⵍⴻⴱⵃⴻⵕ ⴳⴰⵔ Ɣⴻⵣⵣⴰ ⴷ ⵓⵎⴰⴹⴰⵍ.

ⵙⵖⵓⵔ ⵔⴰⵎⴷⴰⵏⴻ ⵜⴰⵎⴰⵏⵉ