ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ: ⴰⵡⵡⴰⴹ ⵏ « ⵢⵉⵎⵉⵏⵉⴳⴻⵏ » ⴰⴽⴽⴻⵏ ⴰⴷ ⴽⴽⴻⵏ ⴰⵢⵢⵓⵔ ⵏ ⵔⴻⵎⴹⴰⵏ « ⴷⴻⴳ ⵜⵎⵓⵔⵜ »
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵟⴰⵙ ⵏ ⵍⵖⴰⵛⵉ ⴰⵢ ⵢⴻⵍⵍⴰⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ: ⵡⵉ ⴷ ⵉⵎⵉⵏⵉⴳⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⴱⴷⴰⵏ ⵜⵜⴰⵡⴹⴻⵏ-ⴷ « ⵖⴻⵔ ⵜⵎⵓⵔⵜ ⴰⴽⴽⴻⵏ ⴰⴷ ⴽⴽⴻⵏ ⴰⵢⵢⵓⵔ ⵏ ⵔⴻⵎⴹⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵅⴻⴷⴷⴰⵎ ⵏ ⴰⵉⵔ ⴰⵍⴳⴻⵔⵉⴻ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⴽⵍⴰⵙ (ⴰⵙⴻⴵⴵⴻⵍ) ⵏ ⵢⵉⵎⵙⵉⴽⵍⴻⵏ. ⵎⵉ ⴷ-ⵡⵡⴹⴻⵏ ⵖⴻⵔ ⵜⵣⴻⵖⵖⴰ ⵏ ⵓⵏⴰⴼⴰⴳ, ⵎⵎⵓⴳⵔⴻⵏⵜ-ⵜⴻⵏ ⵜⵡⴰⵛⵓⵍⵉⵏ-ⵏⵙⴻⵏ ⴰⵢ ⵉⴼⴻⵕⵃⴻⵏ ⵉⵎⵉ ⴰⵢ ⴷ-ⵎⵍⴰⵍⴻⵏ ⴰⴽⴽ ⵉ ⵍⵎⴻⵏⴷ ⵏ ⵡⴰⵢⵢⵓⵔ-ⴰ ⵏ ⵔⴻⵎⴹⴰⵏ. ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵎⵉⵏⵉⴳⴻⵏ-ⴰ ⵓⵙⴰⵏ-ⴷ ⵙⴻⴳ ⵜⵎⵓⵔⴰ ⵏ ⵜⵓⵕⵓⴼⵜ, ⵎⴰⵛⴰ ⵍⵍⴰⵏ ⴷⴰⵖ ⵡⵉⴷ ⴰⵢ ⴷ-ⵢⵓⵙⴰⵏ ⵙⴻⴳ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⴰⵏⴰⴷⴰ. « ⵙⵉⵏ ⵏ ⵡⵓⵙⵙⴰⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⴹⴹⵉⵙⴻⵖ ⴰⵔⴰ ⵉⵎⵉ ⴰⵢ ⴷ-ⵓⵙⵉⵖ ⵙⴻⴳ ⴰⵜⵍⴰⵏⵜⴰ, ⵙⴻⴳ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⴱⴻⴷⴷⵍⴻⵖ ⴰⵙⴰⴼⴰⴳ ⴷⴻⴳ ⵒⴰⵔⵉⵙ ⴰⴽⴽⴻⵏ ⴰⴷ ⴷ-ⴽⴻⵎⵎⵍⴻⵖ ⴰⴱⵔⵉⴷ ⵜⴰⵚⴻⴱⵃⵉⵜ-ⴰ ⵖⴻⵔ ⵓⵏⴰⴼⴰⴳ ⵏ ⵍⴻⵣⵣⴰⵢⴻⵔ », ⴰⵢ ⴷ-ⵢⴻⵏⵏⴰ ⵙⴰⵎⵉⵔ ⴰⵢ ⴷ-ⵢⵓⵙⴰⵏ ⴰⴷ ⵢⴻⴽⴽ ⵜⴻⵎⴹⴰⵏ ⴷⴻⴳ ⵓⴳⵎⴰⵏ-ⵏⵏⴻⵙ ⴷⴻⴳ ⴱⵓⵣⴻⵔⵔⵉⵄⴰ, ⴷⴻⴳ ⵓⵃⵔⵉⵛ ⵓⵏⵏⵉⴳ ⵏ ⵜⵎⴰⵏⴻⵖⵜ. ⴰⵟⴰⵙ ⵙⴻⴳ-ⵙⴻⵏ ⴰⵢ ⴷ-ⵉⵇⴻⵍⵄⴻⵏ ⴰⵙⴻⴳⴳⴰⵙ-ⴰ ⵙⴻⴳ ⵒⴰⵔⵉⵙ, ⵎⴰⵔⵙⴻⵉⵍⵍⴻ, ⴷⴷⵓⵃⴰ, ⵍⵧⵏⴷⵧⵏ, ⴱⴰⵔⵛⴻⵍⵧⵏⴰ, ⵍⵇⴰⵀⵉⵔⴰ ⴷ ⵢⵉⵎⵓⴽⴰⵏ ⵏⵉⴹⴻⵏ ⴰⴽⴽⴻⵏ ⴰⴷ ⴽⴽⴻⵏ ⵔⴻⵎⴹⴰⵏ ⴷ ⵜⵡⴰⵛⵓⵍⵉⵏ-ⵏⵙⴻⵏ ⴷⴻⴳ ⵍⴻⵣⵣⴰⵢⴻⵔ. ⵜⵉⵡⴰⵛⵓⵍⵉⵏ ⴰⵢ ⵍⴰ ⵢⴻⵜⵜⵕⴰⵊⵓⵏ ⵡⵉⴷ-ⵏⵙⴻⵏ, ⵇⵇⵉⵎⴻⵏⵜ ⵜⵜⵡⴰⵍⵉⵏⵜ ⵙ ⵛⵛⵓⵇ ⵜⵉⴼⴻⵍⵡⵉⵢⵉⵏ ⵏ ⵡⴰⵡⵡⴰⴹ ⵏ ⵢⵉⵙⴰⴼⴰⴳⴻⵏ ⴰⴽⴽⴻⵏ ⴰⴷ ⵥⵔⴻⵏ ⵎⴻⵍⵎⵉ ⴰⵔⴰ ⴷ-ⴰⵡⴹⴻⵏ. ⵉⵙⴰⴼⴰⴳⴻⵏ ⵍⴰ ⴷ-ⵜⵜⴰⵡⴹⴻⵏ ⵡⴰ ⴷⴻⴼⴼⵉⵔ ⵡⴰⵢⴻⴹ, ⵢⴻⵔⵏⴰ ⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⵡⵡⴹⴻⵏ ⵙⴻⴳ ⵍⴰⵍⵎⴰⵏ ⵅⴻⵍⴹⴻⵏ ⴷ ⵡⵉⴷ ⴰⵢ ⴷ-ⵢⴻⵡⵡⴹⴻⵏ ⵙⴻⴳ ⴼⵕⴰⵏⵙⴰ ⴷⴻⴳ ⵜⵣⴻⵖⵖⴰ ⵜⴰⵍⴻⵎⵎⴰⵙⵜ ⵏ ⵡⴰⵡⵡⴰⴹⴻⵏ ⴷⴻⴳ ⵓⵏⴰⴼⴰⴳ ⴷ ⵜⵏⴻⴷⴷⴰ ⴰⵏⴷⴰ ⴰⵢ ⵃⴻⴱⵙⴻⵏ ⵢⵉⵟⴰⴽⵙⵉⵢⴻⵏ. ⴰⴽⴽⴻⵏ ⵎⴰ ⵍⵍⴰⵏ ⵏⵏⴰⵏ-ⴷ ⴷ ⴰⴽⴽⴻⵏ ⵙⵎⴻⵏⵢⴰⴼⴻⵏ « ⴰⴷ ⴽⴽⴻⵏ ⵔⴻⵎⴹⴰⵏ ⴷⴻⴳ ⵍⴻⵣⵣⴰⵢⴻⵔ, ⴰⵎ ⵢⴰⵍ ⴰⵙⴻⴳⴳⴰⵙ ». ⵀⴰⴼⵉⴷ ⴰⵢ ⴷ-ⵢⵓⵙⴰⵏ ⵙⴻⴳ ⵒⴰⵔⵉⵙ, ⵢⴻⵡⵡⴻⴹ-ⴷ ⵙ ⵢⵉⵡⴻⵏ ⵏ ⵓⵛⴻⵔⵢⵓⵏ ⵢⴻⵞⵞⵓⵕⴻⵏ ⴷ ⵜⵉⴱⴰⵍⵉⵣⵉⵏ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴰⵀⴻⵍ ⵉⵎⵓⵔⴰⵙ-ⵏⵏⴻⵙ ⵏ ⵓⵙⴻⴳⴳⴰⵙ ⴰⴽⴽⴻⵏ ⴰⴷ ⴷ-ⵖⵍⵉⵏ ⴷⴻⴳ ⵔⴻⵎⴹⴰⵏ ⴰⴽⴽⴻⵏ ⴰⴷ ⵜⴻⵏ-ⵢⴻⴽⴽ ⴷ ⵜⵡⴰⵛⵓⵍⵜ-ⵏⵏⴻⵙ. ⵡⵉⴷ ⴰⵢ ⵏⴻⵜⵜⴻⵔ ⵏⵏⴰⵏ-ⴰⵖ-ⴷ ⴷⴰⵖ ⴷ ⴰⴽⴽⴻⵏ ⵓⵔ ⵣⵎⵉⵔⴻⵏ ⴰⵔⴰ ⴰⴽⴽ ⴰⴷ ⴱⴻⴷⴷⵍⴻⵏ ⵔⴻⵎⴹⴰⵏ ⴷⴻⴳ ⵜⵎⵓⵔⵜ ⵙ ⵔⴻⵎⴹⴰⵏ ⴷⴻⴳ ⵢⵉⵏⵉⴳ. « ⵉⴱⴰⵏ ⴷ ⴰⴽⴽⴻⵏ ⴷⴻⴳ ⵓⵣⵖⴰⵔ ⵍⵍⴰⵏ ⴰⵟⴰⵙ ⵏ ⵢⵉⵏⵙⴻⵍⵎⴻⵏ ⵡⵓⴽⵓⴷ ⵏⴻⵣⵎⴻⵔ ⴰⴷ ⵏⴻⴽⴽ ⴰⵢⵢⵓⵔ-ⴰ, ⵎⴰⵛⴰ ⴰⵛⴻⵎⵎⴰ ⵓⵔ ⵢⴻⵣⵎⵉⵔ ⴰⴷ ⵢⴰⵡⵉ ⴰⵎⴽⴰⵏ ⵏ ⵓⵎⵢⴰⴳⴻⵔ ⴰⵃⵎⴰⵢⴰⵏ ⴷ ⵡⴰⵢⵜ ⵜⵡⴰⵛⵓⵍⵜ ⴷⴻⴳ ⵙⵙⴻⵀⵕⴰⵜ ⵢⴻⵜⵜⵖⵉⵎⵉⵏ ⵙ ⵜⴻⵖⵣⴻⴼ ⵏ ⵢⵉⴹ », ⵖⴻⴼ ⵡⴰⴽⴻⵏ ⴰⵢ ⴷ-ⵢⴻⵏⵏⴰ ⵙⴰⵍⵉⵎ ⴰⵢ ⴷ-ⵢⴻⴷⴷⵓⴽⴽⵍⴻⵏ ⴷ ⵡⴰⴽⴽ ⴰⵢⵜ ⵓⵅⵅⴰⵎ-ⵏⵏⴻⵙ. ⵢⵉⵡⴻⵏ ⵏ ⵓⴷⵣⴰⵢⵔⵉ ⵏⵉⴹⴻⵏ ⴰⵢ ⵢⴻⴷⴷⵔⴻⵏ ⴰⵣⴰⵍ ⵏ 20 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵒⴰⵔⵉⵙ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵎⴰⵛⵉ ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⴰⵔⴰ ⴷ-ⵢⴰⵙ ⴰⴷ ⵢⴻⴽⴽ ⵔⴻⵎⴹⴰⵏ ⴷ ⵜⵡⴰⵛⵓⵍⵜ-ⵏⵏⴻⵙ ⴷⴻⴳ ⵜⴰⴷⴷⴰⵔⵜ-ⵏⵏⴻⵙ ⴷⴻⴳ ⵍⴻⵎⴷⴻⵢⵢⴰ. ⵙⴰⵉⴷ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵍⴰ ⵎⴰ ⵍⵍⴰⵏ ⴰⵟⴰⵙ ⵏ ⵢⵉⵏⵙⴻⵍⵎⴻⵏ ⴰⵏⴷⴰ ⴰⵢ ⵢⴻⵣⴷⴻⵖ ⴷⴻⴳ ⴼⵕⴰⵏⵙⴰ, ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵉⵅⴻⵎⵎⴻⵎ ⴰⴷ ⵢⵓⵥⴰⵎ ⴷⴻⴳ ⵜⵎⵓⵔⵜ ⵏⵉⴹⴻⵏ ⵎⴻⵏⵖⵉⵔ ⵜⴰⵎⵓⵔⵜ-ⵏⵏⴻⵙ. ⴰⴽⴽ ⵉⴷⵣⴰⵢⵔⵉⵢⴻⵏ ⵜⴻⵛⵔⴻⴽ-ⵉⵜⴻⵏ ⵢⵉⵡⴻⵜ ⵏ ⵜⵖⴰⵡⵙⴰ: ⵃⴻⵎⵎⵍⴻⵏ ⴰⴽⴽ ⴰⴷ ⵄⴻⵔⴹⴻⵏ ⵍⴱⴻⵏⵏⴰⵜ ⵜⵉⵡⵃⵉⴷⵉⵏ ⵏ ⵙⵙⴻⵀⵕⴰⵜ ⵏ ⵔⴻⵎⴹⴰⵏ, ⵢⴻⵔⵏⴰ ⵏⵏⴰⵏ-ⴷ ⴰⴽⴽ ⴷ ⴰⴽⴽⴻⵏ ⵓⵔ ⵣⵎⵉⵔⴻⵏ ⴰⵔⴰ ⴰⴷ ⴷ-ⴰⴼⴻⵏ ⵕⵕⵓⵃ ⵏ ⵜⵡⴰⵛⵓⵍⵜ ⴰⵎ ⵡⴰ ⴷⴻⴳ ⵓⵣⵖⴰⵔ, ⴰⵛⴽⵓ ⴰⵍⴰ ⴷⴻⴳ ⵍⴻⵣⵣⴰⵢⴻⵔ ⴰⵢ ⵣⴻⵎⵔⴻⵏ ⴰⴷ ⵃⵓⵍⴼⵓⵏ ⵉ ⵍⴱⴻⵏⵏⴰ-ⵏⵏⵉ ⵏ « ⵣⵉⴽ ». ⴰⵟⴰⵙ ⵙⴻⴳ-ⵙⴻⵏ ⴰⵢ ⵢⴻⵜⵜⵡⴰⵍⵉⵏ ⴷ ⴰⴽⴽⴻⵏ ⵙⵄⴰⵏ ⵣⵣⵀⴻⵕ ⵉⵎⵉ ⴰⵢ ⵜⴻⵏ-ⵉⴷ-ⵉⵚⴰⵃ ⴰⴷ ⴽⴽⴻⵏ ⵔⴻⵎⴹⴰⵏ ⴷ ⵜⵡⴰⵛⵓⵍⵉⵏ ⴷ ⵢⵉⵎⴻⴷⴷⵓⴽⴰⵍ-ⵏⵙⴻⵏ. ⵉⵎⵉⵏⵉⴳⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵓⵣⵖⴰⵔ ⵜⵜⵡⴰⵍⵉⵏ ⴷⴰⵖ ⴷ ⴰⴽⴽⴻⵏ ⵢⵓⴽⵍⴰⵍ ⵉⵎⵉ ⴰⵔⴰ ⴷ-ⴰⵙⴻⵏ ⴷⴻⴳ ⵔⴻⵎⴹⴰⵏ ⵖⴻⵔ ⵍⴻⵣⵣⴰⵢⴻⵔ ⵉⵎⵉ ⵜⴰⵍⵍⵉⵜ-ⴰ ⵜⴻⵖⵍⵉ-ⴷ ⴷⴰⵖ ⴷⴻⴳ ⵡⴰⴽⵓⴷ ⴷⴻⴳ ⵉⴳⴻⵔⴷⴰⵏ ⵡⵡⵉⵏ ⵉⵎⵓⵔ-ⴰⵙ ⵢⴻⵔⵏⴰ ⵜⴻⴱⴷⴰ-ⴷ ⵜⴰⵍⵍⵉⵜ ⵏ ⵓⵏⴻⴱⴷⵓ ⴷⴻⴳ ⵜⵎⵓⵔⵜ, ⴷ ⵜⵉⵏ ⵉⵡⴰⵜⴰⵏ ⵉ ⵜⴻⵔⵣⴰ ⵖⴻⴼ ⵜⵡⴰⵛⵓⵍⵜ. ⵍⵍⴰⵏ ⵓⵍⴰ ⴷ ⵉⵎⴰⵡⵍⴰⵏ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⴰⵔⵔⴰⵡ-ⵏⵙⴻⵏ ⴱⴻⴷⴷⵓⵏ ⵜⵜⵓⵥⴰⵎⴻⵏ ⵔⴻⵎⴹⴰⵏ ⴷⴻⴳ ⵜⵎⵓⵔⵜ ⵏ ⵍⴻⵊⴷⵓⴷ-ⵏⵙⴻⵏ, ⵢⴻⵔⵏⴰ ⴷ ⴰⵢⴰ ⴰⵢ ⴰⵙⴻⵏ-ⴷ-ⵢⴻⵜⵜⴰⴵⴵⴰⵏ ⵍⴱⴻⵏⵏⴰ ⴷ ⵜⴰⵡⵃⵉⴷⵜ ⴷⴻⴳ ⵜⵜⴻⵊⵕⵉⴱⴰ-ⴰ. ⵎⴰ ⴷ ⵡⵉⴷ ⵓⵔ ⴷ-ⵉⵚⴰⵃ ⴰⵔⴰ ⴰⴷ ⴽⴽⴻⵏ ⴰⵢⵢⵓⵔ ⵙ ⵍⴻⴽⵎⴰⵍ-ⵏⵏⴻⵙ, ⵣⴻⵎⵔⴻⵏ ⵎⴻⵇⵇⴰⵔ ⴰⴷ ⵇⵇⵉⵎⴻⵏ ⴽⵔⴰ ⵏ ⵡⵓⵙⵙⴰⵏ ⵙⴻⴳ ⵡⴰⵢⵢⵓⵔ-ⴰ ⴷ ⵜⵡⴰⵛⵓⵍⵉⵏ-ⵏⵙⴻⵏ, ⵢⴻⵔⵏⴰ ⵎⴰ ⵙⵄⴰⵏ ⵣⵣⵀⴻⵕ, ⴰⵀⴰⵜ, ⴰⴷ ⴽⴽⴻⵏ ⵢⵉⴷ-ⵙⴻⵏ ⵍⵄⵉⴷ ⴷⴻⴳ ⵍⴻⵣⵣⴰⵢⴻⵔ.
