ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵃⴱⴻⵙ ⵏ ⵡⵉⵙ ⵙⴻⴱⵄⴰ ⵏ ⵉⵎⵓⵀⴰⵊⵔⴻⵏ ⴷ ⵉⴼⵔⵉⵇⴻⵢⴻⵏ ⵅⴰⵍⴼⴻⵏ ⵍⴻⵇⵡⴰⵏⴻⵏ ⴷ ⵓⵣⵉⵣⵉ ⵏ ⵡⵉⵙ 7000 ⵏ ⵍⵜⵔ ⴷ ⵓⵚⴻⵕⵖⵓ ⴷⴻⴳ ⵓⵎⴰⵍⵓ ⴷ ⵡⴻⵏⵣⵓⵍ ⵏ ⵜⵎⵓⵔⵜ

ⴷⵣⴰⵢⴻⵔ – ⵙⵔⴰⴱⴻⵙ ⵏ ⵉⵖⴰⵍⵍⴻⵏ ⵉⵙⴻⵔⴷⴰⵙⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⵙⵙⴻⵏⵏⴰⵟⵉ ⵜⵜⵍⴰⵜⵉ, ⴷⴻⴳ ⵓⵎⴰⵍⵓ ⴷ ⵡⴻⵏⵣⵓⵍ ⵏ ⵜⵎⵓⵔⵜ ⵇⴻⴷⴷⴻⵏ, ⴰⴷ ⵙⵙⴻⵃⴱⵙⴻⵏ ⵡⵉⵙ ⵙⴻⴱⵄⴰ ⵏ ⵉⵎⵓⵀⴰⵊⵔⴻⵏ ⵅⴰⵍⴼⴻⵏ ⵍⴻⵇⵡⴰⵏⴻⵏ, ⵙⴻⴳ ⵜⵏⴻⵚⵍⵢⵉⵏ ⵏ ⵜⴻⴼⵔⵉⵇⵜ ⵢⴻⵎⵅⴰⵍⴰⴼⴻⵏ. ⴰⵔⵏⵉ ⵣⵉⵣⴰⵏ ⴰⵣⴰⵍ ⵏ ⵡⵉⵙ 7000 ⵍⵜⵔ ⴷ ⴰⵚⴻⵕⵖⵓ ⵓⵊⴷⴻⵏⵜ ⵉ ⵓⵙⴻⵔⵡⴻⵍ, ⵖⴻⴼ ⵍⴻⵃⵙⴰⴱ ⵏ ⵎⴰⵜⵜⴰ ⵉ ⴷ-ⵀⴻⵏⵏⴰ ⵜⴰⵏⴻⵖⵍⴰⴼⵜ ⵏ ⵜⴻⵎⵃⴰⴷⴷⵉⵜ , ⴰⵙⵙ-ⴰ ⵍⵍⵉⵔⴻⴱⵄⴰ ⴷⴻⴳ ⵡⴰⵍⵖⵓ-ⵏⵏⴻⵙ.

ⴰⵍⵖⵓ ⵉⵡⴻⴹⴹⵃ-ⴷ ⴱⴻⵍⵍⵉ « ⴷⴻⴳ ⵓⴱⵔⵉⴷ ⵏ ⵓⵙⴻⵔⵙⵉ ⵏ ⵍⴰⵎⴰⵏ ⴷⵉ ⵍⴰⵔⵙⴰⵎ ⴷ ⵜⴱⴻⴷⴷⵉⵜ ⴷⴻⴳ ⵡⵓⴷⴻⵎ ⵏ ⵜⵉⵏⵏⵖⵉ ⵜⵎⵙⴻⵜⵜⴻⴼⴻⵜ, ⵟⵟⴼⴻⵏ ⵙⵔⴰⴱⴻⵙ ⵏ ⵉⵙⴻⵔⴷⴰⵙⴻⵏ ⴰⵖⴻⵍⵏⴰⵡ ⵉⴹⴻⴼⴼⵕⴻⵏ ⴰⵃⵔⵉⵛ ⵏ ⵜⵎⴰⵀⵉⵍⵉⵏ ⵏ ⴱⵓⵔⵊ ⴱⴰⵊⵉ ⵎⵓⵅⵜⴰⵔ ⴷⵉ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵡⵉⵙ ⵙⴻⵜⵜⴰ, ⴰⵙⵙ ⵏ 16 ⵢⵓⵏⵢⵓ 2015. ⵏⴻⵣⵣⴻⵀ ⵙⴻⴳ ⴰⵍⵎⴰⵡⴰⴷ ⵢⴻⵜⵜⵡⴰⵞⵞⴰⵢⴻⵏ ⴰⵣⴰⵍ-ⵏⵏⵙⴻⵏⵜ 76.9 ⵟⵓⵏ ⴰⵔⵏⵉ ⵡⵉⵙ 800 ⵍⵜⵔ ⴷ ⴰⵚⴻⵕⵖⵓ.

ⴷ ⵡⵉⵙ 4 ⵜⵎⴰⵛⵉⵏⵉⵏ ⵏ ⵡⴻⵏⵄⵉⵍⵉ ⵖⴻⴼ ⵡⵓⵣⵣⵍⴰⵏ ⴷ ⵡⵉⵙ 45 ⴷ ⵍⴰⵖⴹⴰⵡⴰⵜ ⴷ ⵡⵉⵙ 8 ⴷ ⵜⵉⵍⵉⴼⵓⵏⴰⵜ ⵉⵎⴻⵔⴼⴰⴷⴻⵏ ». ⵓ ⴷⴻⴳ ⵢⵉⵛⵜ ⵏ ⵢⵉⵙⵡⵉ « ⴷⴻⴳ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵡⵉⵙ ⵕⴰⴱⵄⴰ ⵉⴹⴻⴼⴼⵕⴻⵏ ⴰⵃⵔⵉⵛ ⵏ ⵜⵎⴰⵀⵉⵍⵉⵏ ⵏ ⵊⴰⵏⴰⵜⵜ « ⵙⵙⴻⵃⴱⵙⴻⵏ ⵡⵉⵙ ⵙⴻⴱⵄⴰ ⵏ ⵉⵎⵓⵀⴰⵊⵔⴻⵏ ⵅⴰⵍⴼⴻⵏ ⵍⴻⵇⵡⴰⵏⴻⵏ, ⵙⴻⴳ ⵜⵏⴻⵚⵍⵢⵉⵏ ⵏ ⵜⴻⴼⵔⵉⵇⵜ ⵢⴻⵎⵅⴰⵍⴰⴼⴻⵏ ⵉⴷⵙⴻⵏ ⵜⴰⵡⵉⵜⵉⵔⵜ ⵜⵏⴻⴳⴳⴻⵔ ⵙ ⵕⴻⴱⵄⴰ ».

ⵎⴰ ⵢⴻⵍⵍⴰ ⴷ ⵜⴰⵔⴱⴰⵄⵜ ⵏ ⵓⵄⵓⵙⵙⵉ ⵏ ⵍⴰⵔⵙⴰⵎ ⴷⵉ ⴱⴰⴱ ⴰⵍⵄⴻⵙⵙⴰ ⴷⴻⴳ ⵡⴻⵃⵔⵉⵛ ⵏ ⵜⵎⴰⵀⵉⵍⵉⵏ ⵏ ⵜⵍⴻⵎⵙⴰⵏ ⴷⴻⴳ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵜⵉⵙⵙⴻⵏⵜ ⵜⴻⵟⵟⴻⴼ ⵡⵉⵙ 6330 ⵍⵜⵔ ⵏ ⵓⵚⴻⵕⵖⵓ ⵜⴻⵍⵍⴰ ⵄⴰⴷⵍⴻⵏⵜ ⵉ ⵓⵙⴻⵔⵡⴻⵍ ».