ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⵍⴰⵎⴰⵎⵔⴰ ⵢⴻⵔⵣⴰ ⵜⵉⵔⵣⵉ ⵏ ⵙⵉⵏ ⵡⵓⵙⵙⴰⵏ, ⵍⴵⴻⵎⵄⴰ ⴷ ⵙⵙⴻⴱⵜ ⵖⴻⵔ ⴱⴰⵎⴰⴽⵓ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ ⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⴷ ⵉⵔⵣⵓ ⵖⴻⵔ ⴱⴰⵎⴰⴽⵓ, ⴰⵙⵙ ⵏ 19 ⴷ 20 ⵢⵓⵏⵢⵓ 2015, ⵉ ⵍⵎⴻⵏⴷ ⵏ ⵓⵏⵛⴰⴷ ⵏ ⵓⵎⵜⵉⵍ-ⵉⵙ ⴰⵎⴰⵍⵉ, ⴰⴱⴷⵧⵓⵍⴰⵢⴻ ⴷⵉⵧⵒ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ.

ⵎⴰⵙⵙ ⵍⴰⵎⴰⵎⵔⴰ ⵢⴻⵙⵙⴻⴼⴽ ⴰⴷ ⵢⴻⵙⵎⴻⵍ ⵍⴻⵣⵣⴰⵢⴻⵔ, ⴷ ⵉⵅⴼ ⵏ ⵜⵏⴻⵍⵍⵉ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵓⵙⵜⵓⴳ (ⵓⵎⵛⵉⵡⴻⵔ) ⴰⴳⴻⵔ-ⵉⵎⴰⵍⵉⵢⴻⵏ, ⴷⴻⴳ ⵜⴼⵓⴳⵍⴰ ⵏ ⵓⵙⵜⴻⵏⵢⵉ ⵏ ⵓⵣⴰⵔⴰⵣ ⵏ ⵢⵉⵎⵓⵙⵙⵓⵜⴻⵏ ⵏ ⵓⵣⴰⵡⴰⴷ (ⵛⵎⴰ) ⵏ ⵓⵎⵜⴰⵡⴰ ⵏ ⵜⴻⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⵉ ⴷ-ⵢⴻⴼⵖⴻⵏ ⵙⴻⴳ ⵜⴻⵎⵍⵉⵍⵉⵢⵉⵏ ⵏ ⵍⴻⵣⵣⴰⵢⴻⵔ ⵉ ⵀⴻⴳⴳⴰⵏ ⴰⵙⵙ ⵏ 20 ⵢⵓⵏⵢⵓ 2015 ⴷⴻⴳ ⴱⴰⵎⴰⴽⵓ.

ⴷⴻⴳ ⵜⵉⵔⵣⵉ-ⵙ ⵖⴻⵔ ⵎⴰⵍⵉ, ⵎⴰⵙⵙ ⵍⴰⵎⴰⵎⵔⴰ ⵉ ⵢⴻⵙⵙⴻⵍⵡⵉⵏ ⴷⴰⵖⴻⵏ ⴷ ⵓⵖⴻⵍⵍⴰ ⵏ ⵜⴷⵉⵒⵍⵓⵎⴰⵙⵉⵜ ⵜⴰⵎⴰⵍⵉⵜ, ⵜⵉⵖⵉⵎⵉⵜ ⵜⵉⵙ 9 ⵏ ⵜⵙⴻⵇⵇⴰⵎⵓⵜ ⵜⵓⵛⵔⵉⴽⵜ ⵜⴰⵙⴻⵜⵔⴰⵜⵉⵊⵉⵜ ⵖⴻⴼ ⵓⴳⴰⴼⴰ ⵏ ⵎⴰⵍⵉ. ⴰⴷ ⵢⴻⵙⵄⵓ ⴷⴰⵖⴻⵏ, ⵜⵉⴷⵉⵡⴻⵏⵏⵉⵢⵉⵏ ⴷ ⵢⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⵏ ⵜⴻⴳⴷⵓⴷⴰ ⵏ ⵎⴰⵍⵉ.