ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⴰⵎⵛⵉⵡⴻⵕ ⵖⴻⴼ ⵓⵃⴱⴰⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵡⵉⴷ ⵢⴻⵃⵡⴰⴵⴻⵏ « ⵓⵔ ⵢⴻⴷⴷⵉ ⴰⵔⴰ ⵖⴻⵔ ⵙⴷⴰⵜ »

ⴳⴻⵏⴻⵠⴻ – ⵍⴻⵎⵛⴰⵡⵕⴰⵜ ⴰⵢ ⴷ-ⵢⴻⴱⴷⴰⵏ ⴷⴻⴳ ⴳⴻⵏⴻⵠⴻ ⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵡⵉⴷ ⵢⴻⵃⵡⴰⴵⴻⵏ « ⵓⵔ ⴷⴷⵉⵏ ⴰⵔⴰ ⴰⴽⴽ ⵖⴻⵔ ⵙⴷⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵏⴻⵖⵍⴰⴼ ⴰⵢⴰⵎⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵢⴰⵙⵙⵉⵏⴻ ⴰⴱⴷⴰⵍⵍⴰⵀ.

« ⵓⵍⴰⵛ ⴰⴽⴽ ⴷ ⴰⵛⵓ ⴰⵢ ⵢⴻⴷⴷⴰⵏ ⵖⴻⵔ ⵙⴷⴰⵜ ⴰⵙⵙ-ⴰ. ⵜⴰⵎⴰⴳⵍⴰ ⵜⴰⵃⵓⵜⵉⵜ ⵓⵔ ⴷ-ⵜⵓⵙⵉ ⴰⵔⴰ » ⴰⴽⴽⴻⵏ ⴰⴷ ⵜⴻⵃⴷⴻⵕ ⴷⴻⴳ ⴰⵙⵙ ⵡⵉⵙ ⵙⵉⵏ ⵏ ⵓⵎⵛⵉⵡⴻⵕ ⴰⵢ ⴷ-ⵢⴻⴱⴷⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⵜⵖⴻⵎⵙⴰ.

ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⴰⵎⴰⵏ, ⵉⵙⵎⴰⵉⵍ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ, ⵡⴻⵔⵄⴰⴷ ⵓⵔ ⵢⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵢⴻⵙⵙⴻⵎⵍⵉⵍ ⴷⴻⴳ ⵢⵉⵡⴻⵜ ⵏ ⵜⵣⴻⵖⵖⴰ ⵜⵉⵎⴰⴳⵏⵉⵡⵉⵏ ⵏ ⵓⵏⴰⴱⴰⴹ ⵏ ⵓⵙⴻⵍⵡⴰⵢ ⵓⵣⵔⵉⴼ ⴰⴱⴻⴷ-ⵔⴰⴱⴱⵧⵓ ⵎⴰⵏⵙⵧⵓⵔ ⵀⴰⴷⵉ ⴷ ⵢⵉⵖⴻⵡⵡⴰⵖⴻⵏ (ⵡⵉⴷ ⴰⵢ ⵉⴳⴰⵏ ⵜⴰⵏⴻⴽⵔⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵎⵉ ⵜ-ⵜⵜⵔⴻⵏ ⵎⴰ ⵢⴻⵍⵍⴰ ⵜⴰⵎⴰⴳⵍⴰ ⵏ ⵓⵏⴰⴱⴰⴹ ⴰⵢⴰⵎⴰⵏⵉ ⴰⴷ ⵜⴽⴻⵎⵎⴻⵍ ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ, ⴰⵏⴻⵖⵍⴰⴼ ⴰⵢⴰⵎⴰⵢⵏⵓ ⵢⴻⵏⵏⴰ-ⴷ ⴽⴰⵏ ⴷ ⴰⴽⴽⴻⵏ ⵜⵓⵣⵣⵢⴰ-ⴰ ⵏ ⵍⴻⵎⵛⴰⵡⵕⴰⵜ ⵎⴰⵣⴰⵍ ⵜⴻⵜⵜⴽⴻⵎⵎⵉⵍ ⵢⴻⵔⵏⴰ ⴰ ⵡⵉⵏ ⵢⵓⴼⴰⵏ ⴰⴷ ⵜⴻⴹⴹⴻⴼ 48 ⵏ ⵜⵙⴰⵄⵜⵉⵏ.

« ⴷⴻⴳ ⵜⴻⴳⵏⵉⵜ ⴰⵎ ⵜⴰ, ⵢⴻⵙⵙⴻⴼⴽ ⵉⵢⴰⵎⴰⵏⵉⵢⴻⵏ ⴰⴷ ⵙⵙⵉⵡⵍⴻⵏ ⴳⴰⵔ-ⴰⵙⴻⵏ, ⵎⴰⵛⵉ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴱⴷⴰⵎⵎⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⴰⵙⵙⴻⵎⵍⵉⵍⵉ ⵏ ⵙⵏⴰⵜ-ⴰ ⵏ ⵜⵎⴰⴳⵍⵉⵡⵉⵏ ⴷ ⵏⴻⵜⵜⴰ ⴰⵢ ⴷ ⵛⵛⵖⴻⵍ ⵢⴻⵣⵡⴰⵔⴻⵏ ».

ⵜⴰⵎⴰⴳⵍⴰ ⵏ ⵓⵏⴰⴱⴰⴹ ⴰⵢⴰⵎⴰⵏⵉ ⵜⴻⵎⵍⴰⵍ ⴰⵙⵙ ⵏ ⵍⴰⵕⴻⴱⵄⴰ ⵜⴰⵚⴻⴱⵃⵉⵜ ⴷ ⵜⴻⴳⵔⴰⵡⵜ ⵏ 16 ⵏ ⵢⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⵜⵉⵏⴻⵣⵎⴰⵔⵉⵏ ⵜⵉⵎⴻⵇⵔⴰⵏⵉⵏ, ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵓⵙⴻⵇⵇⴰⵎⵓ ⵏ ⵓⵎⵢⴰⵍⴻⵍ ⵏ ⵍⵅⴰⵍⵉⴵ ⴰⵢ ⵍⴰ ⵢⴻⵜⵜⴹⴰⴼⴰⵔⴻⵏ ⵍⴻⵎⵛⴰⵡⵕⴰⵜ-ⴰ.

ⴷⴻⴳ ⵓⵏⵔⴰⵔ, ⵎⴰ ⵓⵍⴰⵛ, 31 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⴷ ⵜⵉⵎⴻⵔⵡⵉⵏ ⵏⵉⴹⴻⵏ ⴰⵢ ⵉⵊⴻⵔⵃⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵚⴻⵏⵄⴰ ⴷⴻⴳ 5 ⵏ ⵜⴻⵏⵟⴰⴳⵉⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴻⵙⵡⵉⵄⵜ ⵎⴳⴰⵍ ⵢⵉⵖⴰⵍⵍⴻⵏ ⵏ ⵜⵏⴻⴽⵔⴰ ⴰⵢ ⵢⴻⴹⴹⴼⴻⵏ ⵜⴰⵎⴰⵏⴻⵖⵜ ⵜⴰⵢⴰⵎⴰⵏⵉⵜ. ⵜⵉⵏⵟⴰⴳⵉⵏ-ⴰ ⴷ ⵜⴰⴳⵔⴰⵡⵜ ⵏ « ⵓⵡⴰⵏⴰⴽ ⵉⵙⵍⴰⵎⴰⵏ » ⴰⵢ ⴷ-ⵢⴻⵏⵏⴰⵏ ⵜⴳⴰ-ⵜⴻⵏⵜ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ.

ⵜⵉⵏⵟⴰⴳⵉⵏ ⵏ ⵡⴰⵙⵙ ⵏ ⵍⴰⵕⴻⴱⵄⴰ ⵍⵍⴰⵏⵜ-ⴷ ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵢⴻⴼⴼⴻⵖ-ⴷ ⵢⵉⵙⴰⵍⵉ ⴷ ⴰⴽⴽⴻⵏ ⵢⴻⵎⵎⵓⵜ ⵢⵉⵎⴹⴻⴱⴱⴻⵔ ⵏ ⵍⵇⴰⵄⵉⴷⴰ ⴷⴻⴳ ⵜⵣⵓⵏⴻⴳⵣⵉⵔⵜ ⵜⴰⵄⵕⴰⴱⵜ, ⵏⴰⵙⵙⴻⵔ ⴰⵍ-ⵡⴰⵀⵉⵙⵀⵉ, ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵢⵉⵡⴻⵜ ⵏ ⵜⵓⵎⵎⵖⴰ ⵜⴰⵎⴰⵔⵉⴽⴰⵏⵉⵜ ⵙ ⵓⴷⵕⵓⵏ ⴷⴻⴳ ⵢⴰⵎⴰⵏ.

ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ ⴱⴷⴰⵏ-ⵜⴻⵏⵜ-ⵉⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ, ⴰⴷ ⵃⴻⴱⵙⴻⵏ ⵉⵎⴻⵏⵖⵉ ⵢⴻⵔⵏⴰ ⴰⴷ ⵃⴻⵔⵣⴻⵏ ⵜⴰⴷⵓⴽⵍⵉ ⴷ ⵜⵏⴰⵢⴰ ⵏ ⵢⴰⵎⴰⵏ.

ⵜⵉⵎⵓⵔⴰ ⵏ ⵍⵅⴰⵍⵉⴵ ⵄⴰⵡⴷⴻⵏⵜ ⵡⴻⴽⴽⴷⴻⵏⵜ-ⴷ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵜⵓⵛⵔⵉⴽⵜ, ⴷ ⴰⴽⴽⴻⵏ ⴱⴻⴷⴷⴻⵏⵜ ⵖⴻⵔ ⵢⵉⴷⵉⵙ ⵏ ⵍⵎⴻⴵⵀⵓⴷ ⵏ ⵓⵏⴰⴱⴰⴹ ⵓⵣⵔⵉⴼ ⵏ ⵢⴰⵎⴰⵏ ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⵖⴻⵔ ⵓⴽⴰⵍⴰ ⴰⵙⴻⵔⵜⵉ ⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴰⵍⵡⵉⵜ, ⵙ ⵓⵎⵛⵉⵡⴻⵕ ⴷ ⵓⵙⴻⵇⵇⴰⵎⵓ ⵏ ⵓⵎⵢⴰⵍⴻⵍ ⵏ ⵍⵅⴰⵍⵉⴵ, ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵎⵓⵔⴰ ⵜⵉⵎⴻⴷⴷⵓⴽⴰⵍ ⵏ ⵢⴰⵎⴰⵏ.

ⵉⴷⵉⵙⴰⵏ-ⴰ ⴰⴽⴽ ⴱⵖⴰⵏ ⴰⴷ ⴷ-ⵢⵉⵍⵉ ⵓⴱⴻⴷⴷⴻⵍ ⴰⵙⴻⵔⵜⵉ ⴷⴻⴳ ⵜⵎⵓⵔⵜ-ⴰ ⵙ ⵜⴰⵍⵡⵉⵜ, ⵙ ⵓⵇⴰⴷⴻⵔ ⵏ ⵕⵕⴰⵢ ⴰⵢ ⴷ-ⵇⴻⴷⴷⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ ⵜⵎⵓⵔⴰ ⵏ ⵓⵙⴻⵇⵇⴰⵎⵓ ⵏ ⵓⵎⵢⴰⵍⴻⵍ ⵏ ⵍⵅⴰⵍⵉⴵ.