ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⴷⴰⵏ ⵏ ⵓⵏⵥⵓⵍ: ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵙⵙⴰⵡⴰⴹⴻⵏ ⵍⴻⵎⵄⴰⵡⵏⴰ ⵙ ⵢⵉⴳⴻⵏⵏⵉ

ⵏⵢⵓ ⵢⵓⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵜⵉⵏⴻⴳⴳⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⴳⴰⵏⵜ-ⴷ ⵢⵉⵡⴻⵜ ⵏ ⵜⵇⴻⵏⵟⴻⵔⵜ ⵏ ⵢⵉⴳⴻⵏⵏⵉ (ⵉⵙⴰⴼⴰⴳⴻⵏ) ⴰⴽⴽⴻⵏ ⴰⴷ ⴼⴻⵔⵇⴻⵏⵜ ⵍⴻⵎⵄⴰⵡⵏⴰⵜ ⵏ ⵡⵓⵛⵛⵉ ⵉ ⵢⵉⵎⴷⴰⵏⴻⵏ ⴰⵢ ⴷ-ⵉⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ ⴷⴻⴳ ⵜⴻⵎⵏⴰⴹⵉⵏ ⵡⵓⵖⵓⵔ ⵓⵔ ⵣⵎⵉⵔⴻⵏⵜ ⴰⵔⴰ ⵜⴽⴻⵕⵕⵓⵙⵉⵏ ⴰⴷ ⴰⵡⴹⴻⵏⵜ ⴷⴻⴳ ⵓⵡⴰⵏⴰⴽ ⵏ ⵜⴷⵓⴽⵍⵉ, ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⴻⵞⵞⵉ ⴷ ⵜⴼⴻⵍⵍⴰⵃⵜ (ⴼⴰⵓ).

ⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵜⵎⵓⵔⵜ-ⴰ ⵉⵃⵓⵣⴰ 750.000 ⵏ ⵢⵉⵎⴷⴰⵏⴻⵏ ⴷⴻⴳ ⵓⵡⴰⵏⴰⴽ ⵏ ⵏⵉⵍ ⵓⵏⵏⵉⴳ, ⵢⴻⵔⵏⴰ ⵉⵃⴻⵜⵜⴻⵎ 150.000 ⵏ ⵢⵉⵎⴷⴰⵏⴻⵏ ⵏⵉⴹⴻⵏ ⴰⴷ ⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ ⴰⴽⴽⴻⵏ ⴰⴷ ⴼⴼⵔⴻⵏ ⴷⴻⴳ ⵢⵉⵎⵓⴽⴰⵏ ⵓⴱⵄⵉⴷⴻⵏ, ⵓⵄⵣⵉⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵞⵞⵉ ⴷ ⵜⴼⴻⵍⵍⴰⵃ. « ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴷ ⵜⵉⵡⴰⵛⵓⵍⵉⵏ ⵢⴻⴷⴷⵔⴻⵏ ⴷⴻⴳ ⵜⵎⵓⵔⵜ, ⵜⵜⵡⴰⵃⴻⵜⵜⵎⴻⵏⵜ ⴰⴷ ⴵⴵⴻⵏⵜ ⴰⴽⴰⵍ-ⵏⵙⴻⵏⵜ ⵓⵇⴱⴻⵍ ⵎⴰ ⵥⵥⴰⵏⵜ ⴰⵢⴻⵏ ⴰⵔⴰ ⵞⵞⴻⵏⵜ ⴰⵙⴻⴳⴳⴰⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ-ⴰ.

ⴰⴽⴽⴻⵏ ⴰⴷ ⵜⵜⵡⴰⵄⴰⵡⵏⴻⵏ ⵢⵉⵎⴷⴰⵏⴻⵏ ⴰⵢ ⵜⵃⵓⵣⴰ ⵜⴰⵍⵓⴼⵜ-ⴰ, ⵜⵓⴷⴷⵙⵉⵡⵉⵏ ⵢⴻⵜⵜⵄⴰⵡⴰⵏⴻⵏ ⵎⴻⴷⴷⴻⵏ ⵀⴻⵢⵢⴰⵏⵜ-ⴷ ⵜⵓⵏⵟⵉⵛⵉⵏ ⴷⴻⴳ ⵢⴻⵍⵍⴰ ⵜⵜⴰⵡⵉⵍ ⵏ ⵓⵄⴰⵡⴻⵏ ⴰⵎ ⵢⵉⵛⴻⴱⴱⴰⴽⴻⵏ ⴰⵢ ⵉⵃⴻⴱⴱⵙⴻⵏ ⵏⵏⴰⵎⵓⵙ, ⵣⵣⴻⵔⵔⵉⵄⴰ ⵏ ⵍⵅⴻⴹⵔⴰ ⴰⵢ ⴷ-ⵢⴻⵜⵜⴻⵡⵡⴰⵏ ⵣⵉⴽ, ⵜⵜⴰⵡⵉⵍⴰⵜ ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ, ⵜⵉⴱⵉⴷⵓⵏⵉⵏ ⵉ ⵓⵊⵎⴰⵄ ⵏ ⵡⴰⵎⴰⵏ, ⵜⵉⵄⴻⵇⵇⴰⵛⵉⵏ ⵉ ⵓⵙⵙⵉⵣⴷⴻⴳ ⵏ ⵡⴰⵎⴰⵏ, ⵍⵎⴻⵍⵃ ⴰⴽⴽⴻⵏ ⵓⵔ ⵜⴻⵜⵜⴽⴰⵡ ⴰⵔⴰ ⵜⴼⴻⴽⴽⴰ, ⵜⵉⴳⴰⵔⴳⵓⵛⵉⵏ ⵢⴻⵙⵙⴻⴵⵀⴰⴷⴻⵏ ⵉ ⵢⵉⴳⴻⵔⴷⴰⵏ ⴷ ⵜⵖⴰⵡⵙⵉⵡⵉⵏ ⵏ ⵓⵙⵙⴻⵡⵡⵉ ⴰⵎ ⵢⵉⴼⴻⵏⴵⴰⵍⴻⵏ, ⵜⵉⵖⴻⵏⵊⴰⵢⵉⵏ, ⵜⵉⵟⴰⵡⴰⵜⵉⵏ ⴷ ⵢⵉⴹⴻⴱⵙⵉⵢⴻⵏ.

ⴰⴼⵔⴰⵇ ⴰⵎⴻⵣⵡⴰⵔⵓ ⵏ ⵜⵓⵏⵟⵉⵛⵉⵏ-ⴰ ⵢⴻⵍⵍⴰ-ⴷ ⵙ ⵓⴽⵓⴱⵟⵉⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴼⴰⵧ, ⵢⴻⵔⵏⴰ ⵉⵃⵓⵣⴰ-ⴷ ⴰⵣⴰⵍ ⵏ 28.000 ⵏ ⵢⵉⵎⴷⴰⵏⴻⵏ ⵓⵎⵉ ⵜⵜⵓⵏⴻⴼⴽⴻⵏⵜ 4.500 ⵏ ⵜⵓⵏⵟⵉⵛⵉⵏ.

ⴼⴰⵓ ⴷ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵢⵉⵏⵉⴳ (ⵧⵉⵎ) ⵍⴰ ⵅⴻⴷⴷⵎⴻⵏⵜ ⵉⴷⵉⵙ ⵙ ⵉⴷⵉⵙ ⴰⴽⴽⴻⵏ ⴰⴷ ⵙⵙⴻⴷⴷⵓⵏⵜ ⴰⴼⵔⴰⵇ-ⴰ ⵙ ⵓⵄⴰⵡⴻⵏ ⵏ ⵜⵏⴰⵔⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ (ⵓⵛⵀⴰ).