ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵓⵛⵔⵉⴽ ⴰⵙⵓⴷⴷⵙⴰⵏ ⵖⴻⴼ ⵓⴳⴰⴼⴰ ⵏ ⵎⴰⵍⵉ ⴷⴻⴳ ⴱⴰⵎⴰⴽⵧ

ⴱⴰⵎⴰⴽⵧ – ⵜⵉⵖⵉⵎⵉⵜ ⵜⵉⵙ 9 ⵏ ⵓⵙⴻⵇⵇⴰⵎⵓ ⵓⵛⵔⵉⴽ ⴰⵙⵓⴷⴷⵙⴰⵏ ⵖⴻⴼ ⵓⴳⴰⴼⴰ ⵏ ⵎⴰⵍⵉ ⵜⴻⴱⴷⴰ ⵉⴹⴻⵍⵍⵉ ⵙⵙⴻⴱⵜ ⴷⴻⴳ ⴱⴰⵎⴰⴽⵧ, ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷ ⵓⵎⵜⵉⵍ-ⵏⵏⴻⵙ ⴰⵎⴰⵍⵉ, ⴰⴱⵧⵓⵍⴰⵢⴻ ⴷⵉⵧⵒ.

ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵜⴻⵣⵡⴰⵔⴰ ⵏ ⵜⵖⵉⵎⵉⵜ-ⴰ, ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⵇⵇⴰⵎⵓ ⴰⵙⵓⴷⴷⵙⴰⵏ ⵓⵛⵔⵉⴽ « ⴰⵢ ⴷ-ⵙⴱⴻⴷⴷⴻⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵜⴰⵍⵡⵉⵜ ⴷ ⴰⵍⵍⴰⵍ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴻⵣⴷⴻⴳ ⵏ ⵏⵏⴻⵢⵢⴰ, ⵍⴵⴻⵀⴷ ⴷ ⵓⴼⴰⵣⵉ » ⵢⴻⵍⵍⴰⵏ ⴷⴻⴳ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵍⵉ.

« ⴰⵢⴰ ⴷⴰⵖ ⴷ ⴰⵍⵍⴰⵍ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵍⴻⴱⵖⵉ ⵏ ⵜⵎⵓⵔⴰ-ⵏⵏⴻⵖ ⴷⴻⴳ ⵙⵏⴰⵜ ⴰⴽⴽⴻⵏ ⴰⴷ ⵅⴻⴷⵎⴻⵏⵜ ⵍⵡⴰⵃⵉⴷ, ⴰⴷ ⵛⴻⵔⴽⴻⵏⵜ ⵜⴰⵖⴻⵍⵍⵉⵙⵜ (ⵍⴰⵎⴰⵏ) ⴷ ⵍⴻⵀⵏⴰ ⵉ ⵍⴼⴰⵢⴷⴰ ⵏ ⵢⵉⵖⴻⵔⴼⴰⵏ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⴰⵙⴻⵇⵇⴰⵎⵓ-ⴰ ⵢⴻⵙⵙⴰⵡⴻⴹ ⵉⴳⴰ ⴰⵙⵓⵔⵉⴼ-ⵏⵏⴻⵙ ⴰⵎⴻⵣⵡⴰⵔⵓ « ⴰⴽⴽⴻⵏ ⵉⴼⴰⵣ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴹⴼⴰⵔ ⴷ ⵓⵙⴷⵓⵇⵇⴻⵙ ⵏ ⵓⴽⴰⵍⴰ ⵏ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵎⴰⵍⵉⵢⴻⵏ.

ⴰⵙⴻⵇⵇⴰⵎⵓ ⴰⵙⵓⴷⴷⵙⴰⵏ ⵓⵛⵔⵉⴽ ⵢⴻⵙⵙⴻⴼⴽ ⴰⵙⵙ-ⴰ ⴰⴷ ⵢⴻⵇⵇⴻⵍ ⴷ « ⵉⵎⵙⴻⴷⴷⵓ ⵉⴵⴻⵀⴷⴻⵏ ⵏ ⵍⴻⴱⵖⵉ ⵏ ⵜⵎⵓⵔⴰ-ⵏⵏⴻⵖ ⴷⴻⴳ ⵙⵏⴰⵜ ⴰⴽⴽⴻⵏ ⴰⴷ ⴳⴻⵏⵜ ⴽⵓⵍⵍⴻⵛ ⵍⵡⴰⵃⵉⴷ ⴰⴽⴽⴻⵏ ⴰⴷ ⴹⴻⵎⵏⴻⵏⵜ ⵔⵔⴱⴻⵃ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⴷ ⵡⵉⵏ ⴰⵢ ⴷ-ⵢⴻⴽⴽⴰⵏ ⵙⴻⴳ ⵓⴽⴰⵍⴰ ⵏ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵍⴻⵣⵣⴰⵢⴻⵔ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵛⵛⵖⴻⵍ-ⵏⵏⴻⵖ ⵏⴻⵜⵜⴰ ⴷ ⴰⵜⵜⴻⴽⴽⵉ ⵓⵔⵎⵉⴷ ⴷⴻⴳ ⵓⵙⵙⴻⵎⵍⵉⵍⵉ ⵏ ⵜⴻⴳⵏⴰⵜⵉⵏ ⴰⵔⴰ ⵉⴹⴻⴱⵎⴻⵏ ⵔⵔⴱⴻⵃ ⵏ ⵓⵎⵜⴰⵡⴰ-ⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ, ⴰⵢ ⵉⵏⴻⵀⵕⴻⵏ ⵜⴰⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵎⴰⵍⵉⵢⴻⵏ « ⴰⴷ ⵜⴽⴻⵎⵎⴻⵍ » ⴷⴻⴳ ⵛⵛⵖⴻⵍ-ⵏⵏⴻⵙ ⵏ ⵜⵙⴻⵍⵡⴰⵢⵜ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵔⴰ ⴷ-ⵢⴻⵜⵜⵡⴰⵙⵏⴻⵚⴱⴻⵏ ⴰⵙⵙ-ⴰ ⴷⴻⴳ ⴱⴰⵎⴰⴽⵧ.

ⴰⵙⴻⵇⵇⴰⵎⵓ-ⴰ ⵏ ⵓⴹⴼⴰⵔ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ ⴰⴽⴽ ⵜⵉⵎⵓⵔⴰ ⴷ ⵜⵓⴷⴷⵙⵉⵡⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ, ⵉⴷⵉⵙⴰⵏ ⵉⵎⴰⵍⵉⵢⴻⵏ, ⴳⴰⵔ-ⴰⵙⴻⵏ ⴰⵏⴰⴱⴰⴹ ⴷ ⵢⵉⴷⵉⵙⴰⵏ ⴰⵢ ⵢⴻⵙⵜⴻⵏⵢⴰⵏ ⴰⵎⵜⴰⵡⴰ « ⴰⵢ ⵢⴻⵙⵙⴻⴼⴽⴻⵏ ⴰⴽⴽ ⴰⴷ ⵡⴰⵍⵉⵏ, ⵙⴻⴳ-ⴰ ⴷ ⴰⵙⴰⵡⴻⵏ, ⴷ ⴰⴽⴽⴻⵏ ⴰⵇⵍ-ⴰⵖ ⵏⴻⵙⵄⴰ ⵜⴰⵎⵓⵖⵍⵉ ⵏ ⵜⴻⵖⵍⴰⵎⵜ ⴰⵔⴰ ⵉⵔⴻⴱⵃⴻⵏ ⵉ ⵍⴼⴰⵢⴷⴰ ⵏ ⵎⴰⵍⵉ, ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴰⵎⴰ ⴷⴻⴳ ⵜⴻⵎⵏⴰⴹⵜ, ⴰⵎⴰ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⴰⵎⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵛⴽⴻⵕ-ⴷ « ⴰⵄⴻⵡⵡⴻⵍ ⵓⴷⵎⴰⵡⴰⵏ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ ⵓⵏⴰⴱⴰⴹ-ⵏⵏⴻⵙ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵎⴰⵍⵉ ».

« ⴰⵇⵍ-ⴰⵖ ⵏⵓⵎⴰⵔ (ⵏⴻⴼⵕⴻⵃ) ⵙ ⵢⵉⵙⵓⵔⵉⴼⴻⵏ ⴰⵢ ⴷ-ⵏⴳⴰ ⴰⴽⴽⴻⵏ ⴰⴷ ⵏⴻⵙⵙⴻⵎⵇⴰⵔⴰⴱ ⴳⴰⵔ ⵡⴰⵢⵜⵎⴰⵜⴻⵏ-ⵏⵏⴻⵖ ⵉⵎⴰⵍⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⴰⵇⵍ-ⴰⵖ ⵍⴰ ⵏⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵖ ⴰⴷ ⵏⴻⴳ ⴰⵙⵓⵔⵉⴼ ⵏⵉⴹⴻⵏ, ⴷ ⵡⵉⵏ ⴷⴻⴳ ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ) ⴰⴷ ⵜⴻⵔⵏⵓ ⵓⵍⴰ ⴷ ⵏⴻⵜⵜⴰⵜ ⴰⴷ ⵜⴻⵙⵜⴻⵏⵢⵉ ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⵏ ⵎⴰⵍⵉ ».

« ⵉⴼⵓⴽ ⵢⵉⵡⴻⵏ ⵏ ⵓⵎⴻⵛⵡⴰⵕ, ⵢⴻⵔⵏⴰ ⵢⴻⴱⴷⴰ-ⴷ ⵡⴰⵢⴻⴹ, ⵢⴻⵡⵄⴻⵕ, ⵎⴰⵛⴰ ⵢⴻⵃⵔⴻⵣ-ⵉⵜ ⵓⵎⵜⴰⵡⴰ ⴰⵢ ⴷ-ⵢⴻⴽⴽⴰⵏ ⵙⴻⴳ ⵓⴽⴰⵍⴰ ⵏ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵙⴻⵇⵇⴰⵎⵓ ⴰⵙⵓⴷⴷⵙⴰⵏ ⴰⴷⵣⴰⵢⵔⵉ-ⴰⵎⴰⵍⵉ ⵖⴻⴼ ⵓⴳⴰⴼⴰ ⵏ ⵎⴰⵍⵉ ⵙⴱⴻⴷⴷⴻⵏ-ⵜ-ⵉⴷ ⵙ ⵓⵇⴰⴷⴻⵔ ⵏ ⵕⵕⴰⵢ ⴰⵢ ⴷⴷⵎⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ ⵓⵎⵜⵉⵍ-ⵏⵏⴻⵙ ⴰⵎⴰⵜⵉ, ⵉⴱⵔⴰⵀⵉⵎ ⴱⵧⵓⴱⴰⵛⴰⵔ ⴽⴻⵉⵜⴰ, ⵎⵉ ⴷ-ⵉⴳⴰ ⵜⵉⵔⵣⵉ ⵏ ⵜⴰⵎⵎⵉⴷⵡⴰ ⴷ ⵓⵎⴰⵀⵉⵍ (ⴰⵅⴻⴷⴷⵉⵎ) ⵖⴻⴼ ⵍⴻⵣⵣⴰⵢⴻⵔ ⴳⴰⵔ 18 ⴷ 19 ⵢⴻⵏⵏⴰⵢⴻⵔ 2014.

ⴰⵙⴻⵇⵇⴰⵎⵓ-ⴰ ⴷ ⵏⴻⵜⵜⴰ ⴰⵢ ⵢⴻⵙⵙⴻⴼⵄⴰⵍⴻⵏ ⵍⴻⴱⵖⵉ ⴰⵙⴻⵔⵜⵉ ⵏ ⵙⵉⵏ-ⴰ ⵏ ⵢⵉⵙⴻⵍⵡⴰⵢⴻⵏ ⴰⵢ ⵢⴻⴱⵖⴰⵏ ⴰⴷ ⴷ-ⴱⵏⵓⵏ ⴰⵙⵙⴰⵖ ⴷ ⵓⵣⵣⵉⴳ ⵖⴻⴼ ⵍⵍⵙⴰⵙ ⵏ ⵜⵉⵛⵛⵓⵔⴽⴰ ⵜⴰⵙⵓⴷⴷⵙⴰⵏⵜ, ⵢⴻⵔⵏⴰ ⴷ ⴰⵙⴻⵇⵇⴰⵎⵓ-ⴰ ⴰⵔⴰ ⵉⴹⴻⴼⵔⴻⵏ ⴰⵙⵙⴻⴼⵖⴻⵍ ⵏ ⵢⵉⵃⴻⵣⵣⵉⴱⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⴳⴰⴼⴰ ⵏ ⵎⴰⵍⵉ ⵙ ⵜⴰⵍⵡⵉⵜ.

ⴰⵙⴻⵇⵇⴰⵎⵓ-ⴰ ⵉⵅⴻⴷⴷⴻⵎ ⴷⴰⵖ ⵉ ⵍⵎⴻⵏⴷ ⵏ ⵓⴹⵎⴰⵏ ⵏ ⵜⴻⴳⵏⴰⵜⵉⵏ ⴰⵔⴰ ⵢⴻⵙⴵⴻⵀⴷⴻⵏ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ (ⵍⴰⵎⴰⵏ) ⴷ ⵓⵔⴽⴰⴷ ⴷⴻⴳ ⵡⴰⴽⴽ ⵜⴰⵎⵏⴰⴹⵜ ⵏ ⵙⵙⴰⵃⴻⵍ.