ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵏ ⴱⵓⵔⵓⵏⴷⵉ: ⴰⴱⴷⵧⵓⵍⴰⵢⴻ ⴱⴰⵜⵀⵉⵍⵢ ⵏ ⵙⵉⵏⵉⴳⴰⵍ ⴷ ⴰⴱⴷⴰⵎⵎⴰⵙ ⴰⵎⴰⵢⵏⵓⵜ
ⴱⵓⵊⵓⵎⴱⵓⵔⴰ – ⴰⴱⴷⵧⵓⵍⴰⵢⴻ ⴱⴰⵜⵀⵉⵍⵉ, ⴰⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ, ⴷ ⵏⴻⵜⵜⴰ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴷ ⵉⵎⵙⵉⴼⵙⴻⵙ ⴰⵎⴰⵢⵏⵓⵜ ⴷⴻⴳ ⵍⴻⵎⵛⴰⵡⵕⴰⵜ « ⴷⴻⴳ ⵜⴰⵍⵓⴼⵜ ⵏ ⴱⵓⵔⵓⵏⴷⵉ ⴷⴻⴳ ⵓⵎⴽⴰⵏ ⵏ ⵙⴰⵉⴷ ⴷⵊⵉⵏⵏⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴱⵓⵔⵓⵏⴷⵉ, ⴰⵉⵎé-ⴰⵍⴰⵉⵏ ⵏⵢⴰⵎⵉⵜⵡⴻ. »
« ⴰⵎⴰⵔⵓ ⴰⵎⴰⵜⵓ ⵉⵙⴻⵎⵎⴰ-ⴷ ⴰⴱⴷⵧⵓⵍⴰⵢⴻ ⴱⴰⵜⵀⵉⵍⵉ ⴷ ⵉⵎⵙⵉⴼⵙⴻⵙ (ⴰⴱⴷⴰⵎⵎⴰⵙ) ⴰⵎⴰⵢⵏⵓ ⴷⴻⴳ ⵓⵎⴽⴰⵏ ⵏ ⴷⵊⵉⵏⵏⵉⵜ. ⵉⵙⴰⵍⵉ-ⴰ ⴼⴽⴰⵏ-ⵉⵢⵉ-ⵜ-ⵉⴷ ⵙ ⵓⴱⵔⵉⴷ ⵓⵏⵚⵉⴱ ⵉⴹⴻⵍⵍⵉ ⴷⴻⴳ ⵢⵉⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⴰⴼⵒ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⵏⴰ ⴷ ⴰⴽⴽⴻⵏ : « ⵣⴻⵎⵔⴻⵖ ⴰⴷ ⴰⵡⴻⵏ-ⴹⴻⵎⵏⴻⵖ ⴷ ⴰⴽⴽⴻⵏ ⴰⵏⴰⴱⴰⴹ ⴰⴱⵓⵔⵓⵏⴷⵉ ⵢⴻⴵⴵⴰ ⵜⴰⵡⵡⵓⵔⵜ ⵜⴻⵔⵥⴻⵎ ⵉ ⵓⵎⵛⵉⵡⴻⵕ ».
ⴰⵎⴰⵣⵓⵏ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴻⵎⵏⴰⴹⵜ ⵏ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ, ⵙⴰⵉⴷ ⴷⵊⵉⵏⵏⵉⵜ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⵢⴻⵜⵜⴰⵅⴻⵔ ⵙⴻⴳ ⴷⴷⵓⵕ-ⵏⵏⴻⵙ ⵏ ⵓⴱⴷⴰⵎⵎⴰⵙ ⴷⴻⴳ ⵓⵎⵛⵉⵡⴻⵕ ⵉ ⵓⵙⵙⵓⴼⴼⴻⵖ ⵏ ⴱⵓⵔⵓⵏⴷⵉ ⵙⴻⴳ ⵜⴰⵍⵓⴼⵜ ⵜⴰⵙⴻⵔⵜⵉⵜ ⴰⵢ ⵜⵜ-ⵉⵛⴻⵡⵡⵍⴻⵏ ⵙⴻⴳ ⵜⴳⴰⵔⴰ ⵏ ⵢⴻⴱⵔⵉⵔ.
ⴰⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵢⴻⵏⵏⴰ-ⴷ, ⴷⴷⵓⵕⵜ-ⴰ, ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵇⵇⴻⵍ ⵓⵎⵛⵉⵡⴻⵕ ⴰⵙⴻⵔⵜⵉ ⴰⵢ ⵉⵃⴻⴱⵙⴻⵏ ⵙⴷⴻⴼⴼⵉⵔ ⵎⴰ ⵢⴻⵜⵜⴰⵅⴻⵔ ⵎⴰⵙⵙ ⴷⵊⵉⵏⵏⵉⵜ.
« ⵎⴰ ⵢⴻⵍⵍⴰ-ⴷ ⵓⵄⴻⴹⴹⴻⵍ ⴷⴻⴳ ⵜⵓⵇⵇⵍⴰ ⵖⴻⵔ ⵓⵎⵛⵉⵡⴻⵕ, ⴰⵢⴰ ⵎⴰⵛⵉ ⴷ ⴰⵏⴰⴱⴰⴹ ⵏ ⴱⵓⵔⵓⵏⴷⵉ ⴰⵢ ⴷ ⵙⵙⴻⴱⴱⴰ-ⵏⵏⴻⵙ, ⵢⴻⵙⵙⴻⴼⴽ ⴰⴷ ⵏⵏⴰⴷⵉ ⴰⵏⴷⴰ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵢⴰⵎⵉⵜⵡⴻ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵇⵇⴰⵎⵓ ⵢⴻⵙⵙⵓⵜⴻⵔ ⴰⴷ ⴷ-ⵢⵉⵍⵉ ⵓⵎⵛⵉⵡⴻⵕ ⵖⴻⴼ ⵡⴰⴽⴽ ⵜⵉⵏⵇⵉⴹⵉⵏ ⴰⵢⵖⴻⴼ ⴷ-ⵢⴻⵍⵍⴰ ⵓⵎⴳⴻⵔⵔⴰⴷ ⴳⴰⵔ ⵢⵉⵅⵚⵉⵎⴻⵏ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵎⵙⴻⴼⵀⴰⵎⴻⵏ ⵢⵉⴷⵉⵙⴰⵏ-ⴰ ⵖⴻⴼ ⵜⴻⵙⵡⴰⵙⵜ ⵏ ⵜⴻⴼⵔⴰⵏⵉⵏ. ⵎⴰ ⴷ ⴰⵏⴰⴱⴰⴹ ⵏ ⴱⵓⵔⵓⵏⴷⵉ ⵉⵡⴻⵅⵅⴻⵔ ⵜⵉⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ ⵖⴻⵔ 29 ⵢⵓⵏⵢⵓ, ⵎⴰ ⴷ ⵜⵉⴷ ⵏ ⵜⵙⴻⵍⵡⵉⵜ ⵖⴻⵔ 15 ⵢⵓⵍⵢⵓ.
« ⵓⵔ ⵏⴻⵙⵄⵉ ⴰⵔⴰ ⵓⴳⵓⵔ ⴷ ⵡⴰⵢⴰ, ⵎⴰⵛⴰ ⴰⵢⴻⵏ ⴰⵢ ⴷ-ⵏⴻⵏⵏⴰ - ⵢⴻⵔⵏⴰ ⵓⵔ ⵏⴱⴻⴷⴷⴻⵍ ⴰⵔⴰ ⵕⵕⴰⵢ-ⵏⵏⴻⵖ ⴷⴻⴳ-ⵙ – ⵏⴻⵜⵜⴰ ⴷ ⴰⴽⴽⴻⵏ ⵜⴰⵙⵡⴰⵙⵜ ⵏ ⵜⴻⴼⵔⴰⵏⵉⵏ ⵓⵔ ⵜⴻⵜⵜⴱⴻⴷⴷⵉⵍ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴱⵓⵔⵓⵏⴷⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵕⵕⴰⵢ-ⴰ ⵢⴻⴽⴽⴰ-ⴷ ⵉⵎⵉ ⴰⵏⴰⴱⴰⴹ ⵢⴻⴱⵖⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ « ⵢⵉⵍⴻⵎ » ⵍⴻⵎⵎⴻⵔ ⴰⵎⵛⵉⵡⴻⵕ ⴰⴷ ⵉⵄⴻⴹⴹⴻⵍ.
« ⵢⴻⵙⵙⴻⴼⴽ ⴰⴷ ⵏⴻⵎⵎⵓⵇⵇⴻⵍ ⵖⴻⵔ ⵜⵖⴰⵡⵙⵉⵡⵉⵏ ⴰⴽⴽⴻⵏ ⵍⵍⴰⵏⵜ ⴷⴻⴳ ⵜⵉⴷⴻⵜ. ⵜⴻⵇⵇⵉⵎ-ⴷ ⴽⴰⵏ ⴷⴷⵓⵕⵜ ⵉ ⵜⴻⴼⵔⴰⵏⵉⵏ ⵜⵉⵎⴻⵣⵡⵓⵔⴰ, ⵢⴻⵔⵏⴰ ⵜⴰⵍⵍⵉⵜ ⵏ ⵓⵇⴻⴷⴷⴻⵎ ⵏ ⵜⵉⵎⵎⴰⵣⵡⴻⵔⵜ ⵜⵄⴻⴷⴷⴰ ⵢⴰⴳⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴰⵟⴰⵙ ⵙⴻⴳ ⵜⴻⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⴰⵢ ⵢⴻⵜⵜⵄⴰⵙⵙⴰⵏ ⵜⵉⴼⵔⴰⵏⵉⵏ ⴰⵢ ⵉⴱⴻⵟⵍⴻⵏ ⵛⵛⵖⴻⵍ-ⵏⵙⴻⵏⵜ ⴷⴻⴳ ⴱⵓⵔⵓⵏⴷⵉ ⵢⴻⵔⵏⴰ ⵏⵏⴰⵏⵜ-ⴷ ⴷ ⴰⴽⴽⴻⵏ ⵜⴰⵎⵓⵔⵜ-ⴰ ⵓⵔ ⵜⴻⴹⵎⵉⵏ ⴰⵔⴰ « ⵛⵛⵓⵔⵓⴹ ⵏ ⵍⵍⵙⴰⵙ » ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⴷⴻⴳ ⵢⴻⵍⵍⴰ ⵍⴰⵎⴰⵏ.
ⴰⵏⴰⴱⴰⴹ ⵏ ⴱⵓⵔⵓⵏⴷⵉ ⵢⵓⴳⵉ ⴷⴰⵖ ⴰⴷ ⵢⴻⵎⵛⵉⵡⴻⵕ ⵖⴻⴼ ⵜⴻⵎⵙⴰⵍⵜ ⵏ ⵜⵙⴻⵍⵡⵉⵜ ⵜⵉⵙ 3 ⵏ ⵓⵙⴻⵍⵡⴰⵢ ⵏ ⵏⴽⵓⵔⵓⵏⵣⵉⵣⴰ, ⵢⵉⵍⵉ ⴷ ⵜⴰ ⴰⵢ ⴷ ⵜⴰⵎⵙⴰⵍⵜ ⵢⴻⵍⵍⴰⵏ ⴷ ⵙⵙⴻⴱⴱⴰ ⵏ ⵜⴰⵍⵓⴼⵜ ⴰⵢ ⵉⵛⴻⵡⵡⵍⴻⵏ ⴱⵓⵔⵓⵏⴷⵉ.
