ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⵔⴰⵏ-ⴰⵙⴻⵏ-ⴷ ⵉ 10 ⵏ ⵢⵉⵅⴻⴷⴷⴰⵎⴻⵏ ⵢⴻⵜⵜⵡⴰⵅⴻⵟⴼⴻⵏ ⵙⴻⴳ ⵜⵇⴻⵏⵚⵓⵍⵉⵜ ⵜⴰⵜⵓⵏⵙⵉⵜ ⴷⴻⴳ ⵍⵉⴱⵢⴰ

ⵜⵓⵏⴻⵙ –ⵎⵔⴰⵡ-ⵏⵏⵉ (10) ⵏ ⵢⵉⵅⴻⴷⴷⴰⵎⴻⵏ ⵏ ⵜⵇⴻⵏⵚⵓⵍⵉⵜ ⵜⴰⵜⵓⵏⵙⵉⵜ ⵏ ⵟⵔⴰⴱⵍⴻⵙ, ⴰⵢ ⵜⴻⵟⵟⴻⴼ ⵢⵉⵡⴻⵜ ⵏ ⵜⴻⵎⵍⵉⵛⵜ ⵜⵉⵎⵙⴻⵍⵍⴻⵃⵜ ⵜⴰⵍⵉⴱⵉⵜ ⴷⴻⴳ 12 ⵢⵓⵏⵢⵓ, ⴱⵔⴰⵏ-ⴰⵙⴻⵏ-ⴷ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵜⵓⵏⵙⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵜⴰⵉⴻⴱ ⴱⴰⵛⵛⵧⵓⵛⵀⴻ.

« ⴱⵔⴰⵏ-ⴰⵙⴻⵏ-ⴷ ⴰⴽⴽⴻⵏ ⵎⴰ ⵍⵍⴰⵏ ⵢⴻⵔⵏⴰ ⴰⵙⵙ-ⴰ ⴰⵔⴰ ⴷ-ⴰⵡⴹⴻⵏ » ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵊⴻⵎⵄⴰ ⵓⵏⴻⵖⵍⴰⴼ ⴷⴻⴳ ⵕⵕⴰⴷⵢⵓ ⵏ ⵎⵧⵙⴰⵉⵇⵓⴻ ⴼⵎ. ⴰⵙⵙ ⵏ ⵍⵊⴻⵎⵄⴰ-ⴰ ⴱⵔⴰⵏ-ⴷ ⵉ 7 ⵏ ⵢⵉⵜⵓⵏⵙⵉⵢⴻⵏ, ⵎⴰ ⴷ 3 ⵏⵉⴹⴻⵏ ⴱⵔⴰⵏ-ⴰⵙⴻⵏ-ⴷ ⵢⴰⴳⵉ ⴰⵙⵙ ⵏ ⵍⴰⵕⴻⴱⵄⴰ.

Ɣⴻⴼ ⵍⴻⵃⵙⴰⴱ ⵏ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷ ⵢⵉⵎⴹⴻⴱⴱⵔⴻⵏ ⵉⵜⵓⵏⵙⵉⵢⴻⵏ, ⵎⵔⴰⵡ-ⴰ (10) ⵏ ⵢⵉⵅⴻⴷⴷⴰⵎⴻⵏ ⵜⴻⵅⴹⴻⴼ-ⵉⵜⴻⵏ ⵢⵉⵡⴻⵜ ⵏ ⵜⴻⵎⵍⵉⵛⵜ ⵜⵉⵎⵙⴻⵍⵍⴻⵃⵜ ⵢⴻⵇⵇⵏⴻⵏ ⵖⴻⵔ ⴼⴰⵊⵔ ⵍⵉⴱⵢⴰ ⵢⴻⵍⵍⴰⵏ ⴷ ⵜⴰⴳⵔⴰⵡⵜ ⵏ ⵜⴻⵎⵍⵉⵛⵉⵏ ⵢⴻⴹⴹⴼⴻⵏ ⵜⴰⵎⴰⵏⴻⵖⵜ ⵟⵔⴰⴱⵍⴻⵙ, ⵢⴻⵔⵏⴰ ⵜⴰⵎⵍⵉⵛⵜ-ⴰ ⵜⴻⵙⵙⵓⵜⴻⵔ-ⴷ ⴰⴷ ⴷ-ⴱⵔⵓⵏ ⵉ ⵢⵉⵡⴻⵏ ⵙⴻⴳ ⵢⵉⵎⴹⴻⴱⴱⵔⴻⵏ-ⵏⵏⴻⵙ, ⵡⴰⵍⵉⴷ ⴽⵍⵉⴱ, ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⵜⵓⵏⴻⵙ.

ⵛⵛⵕⴻⵄ ⴰⵜⵓⵏⵙⵉ ⵢⴻⴷⴷⴻⵎ ⵕⵕⴰⵢ, ⴰⵙⵙ ⵏ ⵍⴰⵕⴻⴱⵄⴰ, ⴰⴷ ⵢⴻⵥⵥⴻⵄ ⴽⵍⵉⴱ ⵖⴻⵔ ⵍⵉⴱⵢⴰ, ⵢⴻⵔⵏⴰ ⴰⵏⴻⴳⴳⴰⵔⵓ-ⴰ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵜⵜⵡⴰⵣⴻⵏ ⵖⴻⵔ ⵟⵔⴰⴱⵍⴻⵙ.

ⵎⴰⵙⵙ ⴱⴰⵛⵛⵧⵓⵛⵀⴻ ⵢⴻⵏⴽⴻⵕ ⴷ ⴰⴽⴽⴻⵏ ⵉⵅⴻⴷⴷⴰⵎⴻⵏ-ⴰ ⵏ ⵜⵇⴻⵏⵚⵓⵍⵉⵜ ⴱⵔⴰⵏ-ⴰⵙⴻⵏ-ⴷ ⵙ ⵓⵎⵙⴻⴼⵀⴰⵎ ⵖⴻⴼ ⵓⵎⴱⴰⴷⴷⴻⵍ.

« ⵓⵔ ⴷ-ⵢⴻⵍⵍⵉ ⴰⵔⴰ ⵓⵎⴱⴰⴷⴷⴻⵍ. ⵜⴰⵎⵙⴰⵍ (ⵏ ⵎⴰⵙⵙ ⴽⵍⵉⴱ) ⴰⵜⵜⴰⵏ ⴳⴰⵔ ⵢⵉⴼⴰⵙⵙⴻⵏ ⵏ ⵜⴻⵖⴷⴻⵎⵜ ⵢⴻⵔⵏⴰ ⵓⵔ ⵏⴻⵙⵄⵉ ⴰⵔⴰ ⴰⵙⵙⴰⵖ ⵢⵉⴷ-ⵙ », ⴰⵢ ⴷ-ⵢⴻⵏⵏⴰ.

ⵎⴰⵙⵙ ⴽⵍⵉⴱ ⵢⴻⵜⵜⵡⴰⴹⴹⴻⴼ ⵎⵉ ⵢⵓⵡⴻⴹ ⵖⴻⵔ ⵜⵓⵏⴻⵙ ⴷⴻⴳ ⵡⴰⵢⵢⵓⵔ ⵏ ⵎⴰⵢⵓ, ⵢⴻⵔⵏⴰ ⵜⴰⵖⴷⴻⵎⵜ ⵜⴰⵜⵓⵏⵙⵉⵜ ⵜⵛⵉⴽⴽ ⴷⴻⴳ-ⵙ ⵢⴻⵜⵜⴻⴽⴽⴰ « ⴷⴻⴳ ⵜⴻⵎⵙⴰⵍ ⵏ ⵔⵔⴻⴱⵔⴰⴱ ». ⴷ ⴰⵛⵓ ⴽⴰⵏ, ⴰⵙⵙ ⵏ ⵍⴰⵕⴻⴱⵄⴰ, ⵢⴻⵖⵜⴻⵙ ⵛⵛⵕⴻⵄ ⵏ ⵜⵔⵓⵥⵉ ⴰⴽⴽⴻⵏ ⴰⴷ ⵜ-ⵢⴻⵥⵥⴻⵄ ⵙⴻⴳ ⵜⵓⵏⴻⵙ, ⵎⴰⵛⴰ ⵎⴰⵣⴰⵍ ⵢⴻⵣⵎⴻⵔ ⴰⴷ ⴰⵙ-ⴷ-ⵉⵖⴻⵔ ⴰⴽⴽⴻⵏ ⴰⴷ ⵢⴻⵜⵜⵡⴰⵛⴰⵕⴻⵄ ⵎⴰ ⵜⴻⵔⵔⴰ ⵜⵎⴰⵔⴰ.

ⵙⴷⴻⴼⴼⵉⵔ ⵎⴰ ⵢⴻⵜⵜⵡⴰⴹⴹⴻⴼ ⵎⴰⵙⵙ ⴽⵍⵉⴱ ⴷⴻⴳ ⵎⴰⵢⵓ, ⵉⵎⵙⴻⵍⵍⵃⴻⵏ ⵢⴻⴷⴷⴰⵏ ⵢⵉⴷ-ⵙ ⵅⴻⴹⴼⴻⵏ 254 ⵏ ⵢⵉⵜⵓⵏⵙⵉⵢⴻⵏ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⵎⵙⴻⵡⵡⴰⵇⴻⵏ ⴷ ⵓⵏⴰⴱⴰⴹ ⴰⵜⵓⵏⵙⵉ ⴰⴽⴽⴻⵏ ⴰⴷ ⴰⵙ-ⴷ-ⵢⴻⴱⵔⵓ. ⴰⴽⴽ ⵉⵜⵓⵏⵙⵉⵢⴻⵏ-ⴰ ⴱⵔⴰⵏ-ⴰⵙⴻⵏ-ⴷ ⵡⴰⵔ ⵎⴰ ⵢⵓⵖ-ⵉⵜⴻⵏ ⵡⴰⵛⴻⵎⵎⴰ 10 ⵏ ⵡⵓⵙⵙⴰⵏ ⵙⴰⴽⴽⵉⵏ, ⵎⴰⵛⴰ ⴽⵍⵉⴱ ⵓⵔ ⴰⵙ-ⴷ-ⴱⵔⵉⵏ ⴰⵔⴰ.

ⵙⴰⴽⴽⵉⵏ, ⴷⴻⴳ ⵡⴰⵙⵙ ⵏ 12 ⵢⵓⵏⵢⵓ, ⵜⵓⵙⴰ-ⴷ ⵢⵉⵡⴻⵜ ⵏ ⵜⴻⵎⵍⵉⵛⵜ ⵜⵉⵎⵙⴻⵍⵍⴻⵃⵜ ⵖⴻⵔ ⵜⵇⴻⵏⵚⵓⵍⵉⵜ ⵜⴰⵜⵓⵏⵙⵉⵜ ⵢⴻⵔⵏⴰ ⵜⴻⵅⴹⴻⴼ 10 ⵏ ⵢⵉⵅⴻⴷⴷⴰⵎⴻⵏ.

ⵉⵜⵓⵏⵙⵉⵢⴻⵏ ⴷ ⵡⴰⵢⵍⴰ-ⵏⵙⴻⵏ ⵣⴳⴰⵏ ⵜⵜⴻⵎⵎⵖⴻⵏⵜ ⴼⴻⵍⵍ-ⴰⵙⴻⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴷⴻⴳ ⵍⵉⴱⵢⴰ, ⴰⴽⴽⴻⵏ ⴰⵢ ⵜⵜⴻⵎⵎⵖⴻⵏⵜ ⵖⴻⴼ ⵜⴳⴻⵏⵙⴰⵙ ⵜⵉⴷⵉⵒⵍⵓⵎⴰⵜⵉⵢⵉⵏ ⵏ ⵜⵎⵓⵔⴰ ⵏⵉⴹⴻⵏ. ⴷⴻⴳ 2014, ⵢⴻⵜⵜⵡⴰⵅⴹⴻⴼ ⵢⴰⴳⵉ ⴷⴻⴳ ⵟⵔⴰⴱⵍⴻⵙ ⵢⵉⵡⴻⵏ ⵏ ⵓⴷⵉⵒⵍⵓⵎⴰⵜⵉ ⴷ ⵢⵉⵡⴻⵏ ⵏ ⵓⵅⴻⴷⴷⴰⵎ ⵏ ⵜⵎⴰⵀⴻⵍⵜ ⵏ ⵜⵓⵏⴻⵙ, ⵙⴰⴽⴽⵉⵏ ⴱⵔⴰⵏ-ⴰⵙⴻⵏ-ⴷ.

ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵓⵏⵀⵉⵍ ⵏ ⵎⵧⵓⴰⵎⵎⴰⵔ ⴻⵍ-ⴳⵓⴻⴷⴷⴰⴼⵉ ⴷⴻⴳ 2011, ⵍⵉⴱⵢⴰ ⵜⴻⵣⴷⴻⵔ ⴷⴻⴳ ⵢⵉⵎⴻⵏⵖⵉ ⴳⴰⵔ ⵜⴻⵎⵍⵉⵛⵉⵏ ⵜⵉⵎⵙⴻⵍⵍⵃⵉⵏ. ⵙⵉⵏ ⵏ ⵢⵉⵏⴰⴱⴰⴹⴻⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⴰⴽⴽⴻⵏ ⴰⴷ ⵃⴻⴽⵎⴻⵏ ⵜⴰⵎⵓⵔⵜ-ⴰ: ⵢⵉⵡⴻⵏ ⵢⴻⵙⵜⴻⵄⵕⴻⴼ ⵢⴻⵙ-ⵙ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵔⵏⴰ ⵢⴻⴹⴹⴻⴼ ⵢⵉⵡⴻⵜ ⵏ ⵜⴻⵎⵏⴰⴹⵜ ⴷⴻⴳ ⵓⴳⵎⵓⴹ ⵏ ⵜⵎⵓⵔⵜ. ⵎⴰ ⴷ ⵡⴰⵢⴻⴹ ⵢⴻⴹⴹⴻⴼ ⵜⴰⵎⴰⵏⴻⵖⵜ ⵏ ⵟⵔⴰⴱⵍⴻⵙ ⵢⴻⵔⵏⴰ ⴰⵜⴰⵏ ⴷⴷⴰⵡ ⵜⴻⵛⴹⴰⴹⵜ ⵏ ⴼⴰⵊⵔ ⵍⵉⴱⵢⴰ.

ⵜⵓⵏⴻⵙ ⵓⵔ ⵜⴻⵙⵜⴻⵄⵕⴻⴼ ⴰⵔⴰ ⵙ ⵓⵏⴰⴱⴰⴹ ⵏ ⴼⴰⵊⵔ ⵍⵉⴱⵢⴰ, ⵎⴰⵛⴰ ⵜⴻⵙⵄⴰ ⵢⵉⴷ-ⵙ ⴰⵙⵙⴰⵖⴻⵏ ⵉⵎⵉ ⴰⵢ ⵜⴻⵙⵄⴰ ⵜⴰⵇⴻⵏⵚⵓⵍⵉⵜ ⴷⴻⴳ ⵟⵔⴰⴱⵍⴻⵙ.