ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⵓⵔⵜ ⵜⴰⵎⴰⴼⴰⴳⵜ: ⴷ ⴽⴻⵏⵢⴰ ⴰⵢ ⵢⴻⵔⵏⴰⵏ ⵍⴻⵣⵣⴰⵢⴻⵔ (3 ⵖⴻⵔ 0)

ⵏⴰⵉⵔⵧⴱⵉ – ⴷ ⴽⴻⵏⵢⴰ ⴰⵢ ⵉⵔⴻⴱⵃⴻⵏ ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ, ⵎⵉ ⵜⴻⵔⵏⴰ ⵍⴻⵣⵣⴰⵢⴻⵔ ⵙ ⵓⴳⵎⵓⴹ ⵏ 3 ⵏ ⵢⵉⵃⵔⵉⵛⴻⵏ ⵖⴻⵔ 0 (25-17, 25-21 ⴷ 25-20) ⴷⴻⴳ ⵜⵏⴻⴳⴳⴰⵔⵓⵜ ⴰⵢ ⵓⵔⴰⵔⴻⵏⵜ ⴰⵙⵙ ⵏ ⵙⵙⴻⴱⵜ ⴷⴻⴳ ⵏⴰⵉⵔⵧⴱⵉ (ⴽⴻⵏⵢⴰ).

ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴷⴻⴳ ⴰⵔⴰ ⵜⴻⵙⵙⵓⴷⴷⴻⵙ ⴽⴻⵏⵢⴰ ⵜⴰⵍⵖⵓⵖⴰ-ⴰ ⴷⴻⴳ ⵡⴰⴽⴰⵍ-ⵏⵏⴻⵙ. ⴷⴰⵖ, ⵜⴰ ⴷ ⵜⵉⴽⴽⴻⵍⵜ ⵜⵉⵙ 9 ⴷⴻⴳ ⴰⵔⴰ ⵜⴻⵔⴱⴻⵃ ⵜⴰⵍⵖⵓⵖⴰ-ⴰ, ⵢⴻⵔⵏⴰ ⴷ ⵜⵉⴽⴽⴻⵍⵜ ⵜⵉⵙ 3 ⵖⴻⴼ ⵓⵙⵔⴻⴼ. ⵙ ⵡⴰⵢⴰ, ⴽⴻⵏⵢⴰ ⵜⴻⵔⴱⴻⵃ ⵜⴰⵍⵖⵓⵖⴰ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⴷⴻⴳ 1991, 1993, 1995, 1997, 2005, 2007, 2011, 2013 ⴷ 2015.

ⴷ ⴰⵛⵓ ⴽⴰⵏ, ⵓⵍⴰ ⵎⴰ ⵍⴻⵣⵣⴰⵢⴻⵔ ⵜⴻⵅⵚⴻⵔ, ⵜⴻⴹⵎⴻⵏ ⴰⵜⵜⴻⴽⴽⵉ-ⵏⵏⴻⵙ (ⵖⴻⵔ ⵢⵉⴷⵉⵙ ⵏ ⴽⴻⵏⵢⴰ) ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⴰⵔⴰ ⴷ-ⵢⵉⵍⵉⵏ ⴷⴻⴳ ⵊⴰⵒⵓⵏ ⵙⴻⴳ 22 Ɣⵓⵛⵜ ⵖⴻⵔ 6 ⵛⵜⴻⵎⴱⴻⵕ 2015. ⵉ ⵓⵙⵎⴻⴽⵜⵉ, ⵍⴻⵣⵣⴰⵢⴻⵔ ⵜⴻⵔⴱⴻⵃ ⵜⵉⴽⴽⴻⵍⵜ ⴽⴰⵏ, ⴷⴻⴳ 2009, ⴰⵙⵎⵉ ⴰⵢ ⵜⴻⵜⵜⵡⴰⵙⵙⵓⴷⴷⴻⵙ ⵜⴻⵍⵖⵓⵖⴰ-ⴰ ⴷⴻⴳ ⵍⴻⴱⵍⵉⴷⴰ (ⵍⴻⵣⵣⴰⵢⴻⵔ).

ⴰⵎⴽⴰⵏ ⵡⵉⵙ 3 ⴷⴻⴳ ⵜⴻⵍⵖⵓⵖⴰ-ⴰ ⴷ ⵡⵉⵏ ⴰⵢ ⴷ-ⵉⵚⴰⵃⴻⵏ ⴽⴰⵎⵔⵓⵏ ⵎⵉ ⵜⴻⵔⵏⴰ ⵙⵉⵏⵉⴳⴰⵍ ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 2 (25-19, 23-25, 14-25, 25-13, 17-25) ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵜⵜⴻⴼ ⴰⵢ ⴷ-ⵢⴻⵍⵍⴰⵏ ⵓⵇⴱⴻⵍ ⵜⴻⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ.

ⵟⴰⵎⴻⵜ (8) ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⵉⵣⵡⴻⵔⵜ-ⴰ.