Asebter amenzawi

Takurt tamafagt: d Kenya ay yernan Lezzayer (3 ɣer 0)

NAIROBI – D Kenya ay irebḥen talɣuɣa n Tefriqt n tkurt tamafagt n tlawin, mi terna Lezzayer s ugmuḍ n 3 n yiḥricen ɣer 0 (25-17, 25-21 d 25-20) deg tneggarut ay urarent ass n ssebt deg Nairobi (Kenya).

D tikkelt tis snat deg ara tessuddes Kenya talɣuɣa-a deg wakal-nnes. Daɣ, ta d tikkelt tis 9 deg ara terbeḥ talɣuɣa-a, yerna d tikkelt tis 3 ɣef usref. S waya, Kenya terbeḥ talɣuɣa n tkurt tamafagt deg 1991, 1993, 1995, 1997, 2005, 2007, 2011, 2013 d 2015.

D acu kan, ula ma Lezzayer texṣer, teḍmen attekki-nnes (ɣer yidis n Kenya) deg telɣuɣa n umaḍal ara d-yilin deg Japun seg 22 Ɣuct ɣer 6 Ctembeṛ 2015. I usmekti, Lezzayer terbeḥ tikkelt kan, deg 2009, asmi ay tettwassuddes telɣuɣa-a deg Leblida (Lezzayer).

Amkan wis 3 deg telɣuɣa-a d win ay d-iṣaḥen Kamrun mi terna Sinigal s 3 n yiḥricen ɣer 2 (25-19, 23-25, 14-25, 25-13, 17-25) deg temlilit n usettef ay d-yellan uqbel temlilit taneggarut.

Ṭamet (8) n tmura tifriqiyin ay yettekkan deg temsizwert-a.