Asebter amenzawi

Tamɣunt 2 n Mobilist 2015-2016: tukci n ttesriḥ i usɛeddi n temliliyin

LEZZAYER – Tamɣunt n tkurt n uḍar tamsadurt (LFP) tessuffeɣ-d ass n ssebt alɣu n tukci n yizerfan n usɛeddi deg tliẓri n temliliyin n telɣuɣa n Temɣunt 2 n Mobilis i useggas n 2015/2016, ɣef wakken ay d-tenna Temɣunt n tkurt n uḍar.

Ssuma n yizerfan-a ad tebdu seg 80 n yimelyunen n yidinaṛen, ɣef wakken ay d-tenna teɣbalut-a. Tikebbaniyin n tliẓri yessefk ad d-ssersent issumar-nsent ɣer Temɣunt n tkurt n uḍar tamsadurt uqbel 9 Yulyu 2016 ɣef 4s00 n tmeddit.

D aseqqamu n tedbelt n Temɣunt n tkurt n uḍar tamsadurt ay yeddmen ṛṛay n ussenzi n yizerfan n usɛeddi n temliliyin deg tliẓri deg temlilit-nnes n dduṛt yezrin.

Izerfan n usɛeddi n temliliyin n telɣuɣa n Temɣunt 1 n Mobilis ssenzen-ten i tliẓri tanagdudt (EPTV).

Talɣuɣa n Temɣunt 2 n Mobilis i useggas n 2015-2016 ad yebdu deg 14 ɣuct.