ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵏⵢⵉ ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷⵉ ⵎⴰⵍⵉ : ⴼⴰⴱⵉⵓⵙ ⵢⴻⵙⵏⴻⵎⵎⴻⵔ ⵜⴰⴱⴷⴰⵎⵎⴰⵜ ⵜⴰⵣⵣⴰⵢⵔⵉⵜ
ⵒⴰⵔⵉⵙ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵍⴰⵓⵔⴻⵏⵜ ⴼⴰⴱⵉⵓⵙ ⵢⴻⵙⵏⴻⵎⵎⴻⵔ ⴰⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵚⴰⵍⴰⵃ ⴷⵉ ⵎⴰⵍⵉ ⵢⴻⵜⵜⵡⴰⵙⴻⵏⵢⴰⵏ ⴰⵙⵙ ⵏ ⵙⵙⴻⴱⵜ ⵙⵖⵓⵕ ⴰⵣⴰⵔⴰⵣ ⵉⵎⵓⵙⵙⵓⵜⴻⵏ ⵓⵣⴰⵡⴰⴷ (ⵛⵎⴰ) ⵓ ⵢⴻⵙⵏⴻⵎⵎⴻⵔ ⴷⴰⵖⴻⵏ ⵜⴰⴱⴷⴰⵎⵎⴰⵜ ⵜⴰⵣⵣⴰⵢⵔⵉⵜ ⴷⴻⴳ ⵓⵙⵓⵔⵔⵉⴼ-ⴰⴳⵉ.
"ⴰⴷ ⵙⵏⴻⵎⵔⴻⵖ ⴰⴽⴽ ⵉⴷⵉⵙⴰⵏ ⵉⵎⴰⵍⵉⵢⴻⵏ ⵢⴻⵏⵏⴻⵄⵜⴰⴱⴻⵏ ⵖⴻⴼ ⵡⴻⵎⵚⴰⵍⴰⵃ ⴷ ⵍⴻⴱⵏⵉ ⵏ ⵜⵎⵓⵔⵜ. ⴰⴷ ⵙⵏⴻⵎⵔⴻⵖ ⴷⴰⵖⴻⵏ, ⵜⵉⴽⴽⴻⵍⵜ-ⵏⵏⵉⴹⴻⵏ, ⵜⴰⴱⴷⴰⵎⵎⴰⵙⵜ ⵜⴰⵣⵣⴰⵢⵔⵉⵜ", ⵉⴷ-ⵢⴻⵏⵏⴰ ⵎⴰⵙ ⴼⴰⴱⵉⵓⵙ ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ ⴷⴻⴳ ⵡⴰⴷⴻⴳ ⵓⵏⵚⵉⴱ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ.
"ⴰⴷ ⵏⴽⴻⵎⵎⴻⵍ ⵍⴻⵇⴷⵉⵛ-ⵏⵏⴻⵖ ⴰⴽⴽ ⵢⴰⴽ ⵉⴷⵉⵙⴰⵏ ⵉⴳⴻⵔⴰⵖⵍⴰⵏⴻⵏ ⴰⴽⴽⴻⵏ ⴰⴷ ⵏⴻⴷⴷⵓ ⴷ ⵓⵙⵓⵔⵔⵉⴼ ⵓⵕⴻⵚⵚⵉ ⵏ ⵡⴻⵎⵜⴰⵡⵉ-ⵢⴰⴳⵉ ⴰⴳⴻⵊⴷⴰⵏ", ⵉⴽⴻⵎⵎⴻⵍ ⵢⴻⵏⵏⴰⴰ.
ⴰⵣⴰⵔⴰⵣ ⵉⵎⵓⵙⵙⵓⵜⴻⵏ ⵓⵣⴰⵡⴰⴹ (ⵛⵎⴰ) ⵢⴻⵙⵙⴻⵏⵢⴰ ⴰⵙⵙ ⵏ ⵙⵙⴻⴱⵜ ⴷⵉ ⴱⴰⵎⴰⴽⵧ ⴰⵎⵜⴰⵡⵉ ⵏ ⵜⴻⵍⵡⵉⵜ ⴷ ⵡⴻⵎⵚⴰⵍⴰⵃ ⴷⵉ ⵎⴰⵍⵉ, ⴷ-ⵢⴻⴽⴽⴰⵏ ⵙⴻⴳ ⵓⵙⵓⵔⵔⵉⴼ ⵏ ⵍⴻⵣⵣⴰⵢⴻⵔ.
ⴰⵎⵜⴰⵡⵉ ⵏ ⵜⴻⵍⵡⵉⵜ ⴷ ⵡⴻⵎⵚⴰⵍⴰⵃ ⴷⵉ ⵎⴰⵍⵉ ⵢⴻⵍⵍⴰ ⵢⴻⵜⵜⵡⴰⵙⴻⵏⵢⴰ ⴷⵉ 15 ⵎⴰⵢⵓ ⵢⴻⵣⵔⵉⵏ ⵙⵖⵓⵕ ⴰⵏⴰⴱⴰⴹ ⴰⵎⴰⵍⵉ, ⵜⵉⵔⴻⴱⴱⵓⵢⴰⵖ ⵜⵉⵎⵙⴻⵍⵃⵉⵏ ⵏ ⵜⵖⴻⵔⵖⴻⵔⵜ ⴰⴽⴽ ⴷ ⵜⴻⵔⴱⴰⵄⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⴻⵔⴰⵖⵍⴰⵏⵜ ⵉ ⵜⴻⵙⵙⴻⵍⵃⴰ ⵍⴻⵣⵣⴰⵢⴻⵔ.
