ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵍⵉ ⵜⴻⵙⵏⴻⵎⵎⴻⵔ ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵖⴻⴼ ⵡⴰⴼⵓⴷ ⵢⴻⴼⴽⴰ ⵉ ⵓⵙⵓⵔⵔⵉⴼ ⵏ ⵜⴰⵍⵡⵉⵜ ⴷ ⵡⴻⵎⵚⴰⵍⴰⵃ
ⴱⴰⵎⴰⴽⵧ – ⴰⵏⴰⴱⴰⴹ ⴰⵎⴰⵍⵉ ⵢⵓⵍⴻⵙ-ⴷ ⴰⵙⵙ ⵏ ⵙⵙⴻⴱⵜ ⵜⵉⵙⵏⴻⵎⵎⴰⵔ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵡⴰⴼⵓⴷ ⴰⴳⴻⵊⴷⴰⵏ ⵢⴻⴼⴽⴰ ⵉ ⵓⵙⵓⵔⵔⵉⴼ ⵏ ⵜⴰⵍⵡⵉⵜ ⴷ ⵡⴻⵎⵚⴰⵍⴰⵃ ⴷⵉ ⵎⴰⵍⵉ.
"ⴷⵉ ⵜⴻⴳⵏⵉⵜⵜ-ⴰⴳⵉ, ⴰⵏⴰⴱⴰⴹ ⴰⵎⴰⵍⵉ ⴰⵜⴰⵏ ⴰⴷ ⵢⴰⵍⴻⵙ ⵉ ⵜⴻⵙⵏⴻⵎⵎⴰⵔ ⴷ ⵜⴻⵊⵎⵉⵍⵜ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⵧⵓⵜⴻⴼⵍⵉⴽⴰ ⵖⴻⴼ ⵡⴰⴼⵓⴷ-ⵉⵏⴻⵙ ⴰⴳⴻⵊⴷⴰⵏ ⵢⴻⵅⴷⴻⵎ ⵖⴻⴼ ⵓⵙⵓⵔⵔⵉⴼ ⵏ ⵜⴻⵍⵡⵉⵜ ⴷ ⵡⴻⵎⵚⴰⵍⴰⵀ ⴷⵉ ⵎⴰⵍⵉ",ⵉⴷ-ⵉⵡⴻⴽⴽⴻⴷ ⵓⵏⴰⴱⴰⴹ ⴰⵎⴰⵍⵉ ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵏ ⵜⴻⵙⵏⴻⵎⵎⴰⵔ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷ-ⵢⴻⵜⵜⵡⴰⵖⵕⴰⵏ ⴰⵍⵎⴻⵏⴷ ⵏ ⵜⴰⴳⴳⴰⵔⴰ ⵏ ⵓⵙⵓⵔⵔⵉⴼ ⵓⵙⴻⵏⵢⵉ ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵚⴰⵍⴰⵃ ⴷⵉ ⵎⴰⵍⵉ.
ⴰⵏⴰⴱⴰⴹ ⴰⵎⴰⵍⵉ ⴰⴷ ⵢⴻⵙⵏⴻⵎⵎⴻⵔ ⴷⴰⵖⴻⵏ ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ "ⴷⵉ ⵜⵓⵟⵟⴼⴰ ⴷⵉ ⵜⴷⵓⴽⴽⵍⵉ ⵏ ⵡⴰⴽⴰⵍ ⴷ ⵜⵎⵓⵔⵜ ⵏ ⵎⴰⵍⵉ",ⵉ ⵢⴻⵙⵙⴻⴳⵔⴰ ⵢⵉⵣⴻⵏ ⴷ-ⵢⴻⵜⵜⵡⴰⵖⵕⴰⵏ. ⵉⵣⴻⵏ ⵢⴻⵜⵜⵡⴰⵖⵕⴰ-ⴷ ⴷⵉ ⵜⵎⴰⵖⵕⴰ-ⵢⴰⴳⵉ ⵏ ⵓⵙⴻⵏⵢⵉ ⵙⵖⵓⵔ ⴰⵣⴰⵔⴰⵣ ⵉⵎⵓⵙⵙⵓⵜⴻⵏ ⵓⵣⴰⵡⴰⴷ (ⵛⵎⴰ) ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵚⴰⵍⴰⵃ ⴷⵉ ⵎⴰⵍⵉ, ⵖⴻⵔ ⵢⴻⵙⵙⴰⵡⴻⵚ ⵓⵙⵓⵔⵔⵉⴼ ⵏ ⵍⴻⵣⵣⴰⵢⴻⵔ.
ⴰⵎⵜⴰⵡⵉ ⵢⴻⵜⵜⵡⴰⵙⴻⵏⵢⴰ ⵙⵖⵓⵔ ⵡⵉⵏ ⵢⴻⵜⵜⵎⴻⵜⵉⵍⴻⵏ ⵛⵎⴰ, ⵙⵉⴷⵉ ⵉⴱⵔⴰⵀⵉⵎ ⵧⵓⵍⴷ ⵙⵉⴷⴰⵜⵜⵉ, ⵙ ⵜⵉⵍⵍⵉⵏ ⵓⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵜⵜⵎⴻⵜⵉⵍⴻⵏ ⵍⴻⵣⵣⴰⵢⴻⵔ ⴷⵉ ⵜⵎⴰⵖⵕⴰ-ⵢⴰⴳⵉ ⵏ ⵓⵙⴻⵏⵢⵉ ⵙ ⵜⵎⵎⴰⴷ-ⵉⵙ ⴷ ⴰⵎⴻⵣⵡⴰⵔⵓ ⵏ ⵜⴻⴱⴷⴰⵎⵎⴰⵙⵜ ⵜⴰⴳⴻⵔⴰⵖⵍⴰⵏⵜ ⴷⴻⴳ ⵓⴷⵉⵡⴻⵏⵏⵉ ⴳⴻⵔ ⵢⵉⵎⴰⵍⵉⵢⴻⵏ.
ⴰⵙⴻⵍⵡⴰⵢ ⴰⵎⴰⵍⵉ, ⵉⴱⵔⴰⵀⵉⵎ ⴱⵧⵓⴱⴰⵛⴰⵔ ⴽⴻⵉⵜⴰ, ⵉⵏⴻⵖⵍⴰⴼⴻⵏ ⵓⵏⴰⴱⴰⴹ ⴰⵎⴰⵍⵉ, ⵡⵉⴷ ⵢⴻⵍⵍⴰⵏ ⴷⵉ ⵜⴻⴱⴷⴰⵎⵎⴰⵙⵜ ⵜⴰⴳⴻⵔⴰⵖⵍⴰⵏⵜ, ⴰⴽⴽ ⴷ ⵢⴰⴽⴽ ⵉⴷⵉⵙⴰⵏ ⵉⵎⴰⵍⵉⵢⴻⵏ ⵉⵙⵙⴻⵏⵢⴰⵏ ⴰⵎⵜⴰⵡⵉ-ⵢⴰⴳⵉ ⵜⵜⴻⴽⴽⴰⵏ ⴷⵉ ⵜⵎⴰⵖⵕⴰ-ⵢⴰⴳⵉ.
