Asebter amenzawi

Mali tesnemmer aselway Bouteflika ɣef wafud yefka i usurrif n talwit d wemṣalaḥ

BAMAKO – Anabaḍ amali yules-d ass n ssebt tisnemmar i uselway n Tegduda, Abdelaziz Bouteflika, i wafud agejdan yefka i usurrif n talwit d wemṣalaḥ di Mali.

"Di tegnitt-agi, anabaḍ amali atan ad yales i tesnemmar d tejmilt i uselway n Tegduda Bouteflika ɣef wafud-ines agejdan yexdem ɣef usurrif n telwit d wemṣalah di Mali",id-iwekked unabaḍ amali deg yiwen n yizen n tesnemmar i uselway n tegduda, d-yettwaɣṛan almend n taggara n usurrif usenyi n wemtawi n talwit d wemṣalaḥ di Mali.

Anabaḍ amali ad yesnemmer daɣen aselway Bouteflika "di tuṭṭfa di tdukkli n wakal d tmurt n Mali",I yessegra yizen d-yettwaɣṛan. Izen yettwaɣṛa-d di tmaɣṛa-yagi n usenyi sɣur azaraz imussuten uzawad (CMA) n wemtawi n talwit d wemṣalaḥ di Mali, ɣer yessaweṣ usurrif n Lezzayer.

Amtawi yettwasenya sɣur win yettmetilen CMA, Sidi Ibrahim Ould Sidatti, s tillin uneɣlaf n ddewla, aneɣlaf n tɣawsiwin n wezɣaṛ d wemɛiwen ageraɣlan, Ramtane Lamamra, yettmetilen Lezzayer di tmaɣṛa-yagi n usenyi s tmmad-is d amezwaru n tebdammast tageraɣlant deg udiwenni ger yimaliyen.

Aselway amali, Ibrahim Boubacar Keita, ineɣlafen unabaḍ amali, wid yellan di tebdammast tageraɣlant, akk d yakk idisan imaliyen issenyan amtawi-yagi ttekkan di tmaɣṛa-yagi.