ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵍⴰ ⵜⴻⵜⵜⴻⴷⴷⵓ ⴰⴷ ⴷ-ⵜⴻⴽⴼⵓ ⵉⵎⴰⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵜⴻⵃⵡⴰⴵ ⴷ ⵓⵙⵉⵎⴰⵏ ⴷ ⵡⵓⵣⵣⴰⵍ

ⵜⵉⴱⴻⵙⴽⴻⵔⵜ – ⵍⴻⵣⵣⴰⵢⴻⵔ ⵍⴰ ⵜⴻⵜⵜⴻⴷⴷⵓ « ⴰⴷ ⴷ-ⵜⴻⴽⴼⵓ ⵉⵎⴰⵏ-ⵏⵏⴻⵙ ⴷⴻⴳ ⵓⵙⵉⵎⴰⵏ ⴷ ⵡⵓⵣⵣⴰⵍ ⴰⵙⵎⵉ ⴰⵔⴰ ⵔⴻⵥⵎⴻⵏⵜ ⵍⵍⵓⵣⵉⵏⴰⵜ ⵜⵉⵎⴰⵢⵏⵓⵜⵉⵏ ⵓⵔ ⵢⴻⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⴱⴷⵓⵏⵜ ⴰⵅⴻⴷⴷⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴱⴻⵙⴽⴻⵔⵜ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵍⴰⵎ ⴱⵧⵓⵛⵀⵧⵓⴰⵔⴻⴱ.

ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⵡⵉⵍⴰⵢⵜ-ⴰ ⴷⴻⴳ ⵓⵅⵅⴰⵎ ⵏ ⵜⵡⵉⵍⴰⵢⵜ ⵏ ⵜⴱⴻⵙⴽⴻⵔⵜ ⴷⴻⴳ ⵢⴻⵍⵍⴰ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ), ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏⵍⴻⵣⵣⴰⵢⴻⵔ ⵍⴰ ⴷ-ⵜⴻⵜⵜⴰⴵⴻⵡ 3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ ⴷⴻⴳ ⵓⵙⴻⴳⴳⴰⵙ, ⵢⴻⵔⵏⴰ « ⴰⴷ ⵜⴻⵙⵙⵉⵡⴻⴹ ⴰⴷ ⴷ-ⵜⴻⴽⴼⵓ ⵉⵎⴰⵏ-ⵏⵏⴻⵙ ⴰⵎ ⵡⴰⴽⴽⴻⵏ ⴰⵔⴰ ⴷ-ⵜⴻⵅⴷⴻⵎ ⵏⵏⵉⴳ ⵏ ⵡⴰⵢⴻⵏ ⵜⴻⵃⵡⴰⴵ ⵙⴻⴳ-ⴰ ⵖⴻⵔ 2016 ». ⴷⵖⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⴰⵔⴰ ⵜⴻⵃⴱⴻⵙ ⵍⴻⵣⵣⴰⵢⴻⵔ ⴰⴵⴰⵡ ⵏ ⵓⵙⵉⵎⴰⵏ ⵙⴻⴳ ⵡⴰⵙⵎⵉ ⴰⵢ ⵜⵓⵡⴻⵢ ⴰⵣⴰⵔⵓⴳ.

ⴰⵙⵎⵉ ⴰⵔⴰ ⴱⴷⵓⵏⵜ 4 ⵏ ⵍⵍⵓⵣⵉⵏⴰⵜ ⵏ ⵓⵙⵉⵎⴰⵏ ⴰⵅⴻⴷⴷⵉⵎ ⴷⴻⴳ ⵜⵡⵉⵍⴰⵢⵜ ⵏ ⵜⴱⴻⵙⴽⴻⵔⵜ, ⵙ ⵜⴻⵣⵎⴻⵔⵜ ⵏ ⵓⴼⴰⵔⴻⵙ ⵏ 4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ, ⴰⵥⴻⴹⴹⴰ ⵏ ⴰⵖⴻⵍⵏⴰⵡ ⵏ ⵍⵍⵓⵣⵉⵏⴰⵜ ⵏ ⵓⵙⵉⵎⴰⵏ ⴰⴷ ⵢⴻⵙⵙⵉⵡⴻⴹ ⴰⴷ ⴷ-ⵢⴻⴼⴽ ⴰⴽⴽ ⴰⵏⴻⵛⵜ ⴰⵢ ⵢⴻⵃⵡⴰⴵ ⵙⵙⵓⵇ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⴰⴷ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ.

ⵓⵇⴱⴻⵍ ⴰⵎⵢⴰⴳⴻⵔ-ⴰ, ⴰⵏⴻⵖⵍⴰⴼ ⵢⴻⴷⴷⴰ ⵖⴻⵔ ⵜⵖⵉⵡⴰⵏⵜ ⵏ ⴱⵕⴰⵏⵉⵙ ⴰⵏⴷⴰ ⴰⵢ ⵢⴻⵙⵙⴻⵔⵙ ⴰⵥⵔⵓ ⴰⵎⴻⵣⵡⴰⵔⵓ ⵉ ⵍⴻⴱⵏⵉ ⵏ ⵍⵍⵓⵣⵉⵏ ⵏ ⵓⵙⵉⵎⴰⵏ « ⵜⵉⴱⴻⵙⴽⴻⵔⵜ ⵏ ⵓⵙⵉⵎⴰⵏ », ⴷ ⵍⵍⵓⵣⵉⵏ ⴰⵢ ⵢⴻⴱⵖⴰ ⴰⴷ ⵜⵜ-ⵢⴻⴱⵏⵓ ⵢⵉⵡⴻⵏ ⵏ ⵢⵉⵎⵙⴻⴼⵜⵉ ⵓⵙⵍⵉⴳ ⵢⴻⵔⵏⴰ ⴰⴷ ⴷ-ⵜⴻⵡⵊⴻⴷ ⴷⴻⴳ ⴷⵓⵊⴻⵎⴱⴻⵕ ⵙ ⵜⴻⵣⵎⴻⵔⵜ ⵏ ⵓⴼⴰⵔⴻⵙ ⵏ ⵓⵎⴻⵍⵢⵓⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ.

ⴰⵏⴻⵖⵍⴰⴼ ⵢⴻⵙⵙⴻⴼⵇⴻⴷ ⴷⴰⵖ ⴷⴻⴳ ⴵⵎⵓⵕⴰ ⴰⵛⴰⵏⵟⵉ ⵏ ⵍⵍⵓⵣⵉⵏ ⵏ ⵓⵙⵉⵎⴰⵏ ⵏ ⵙⵉⵍⴰⵙ ⴰⵢ ⵍⴰ ⵜⴱⴻⵏⵏⵓ ⵢⵉⵡⴻⵜ ⵏ ⵜⵉⵛⵛⵓⵔⴽⴰ ⴰⵢ ⴷ-ⵢⴻⵍⵍⴰⵏ ⴳⴰⵔ ⵙⵏⴰⵜ ⵏ ⵜⴽⴻⴱⴱⴰⵏⵉⵢⵉⵏ, ⵢⵉⵡⴻⵜ ⴷ ⵜⴰⴷⵣⴰⵢⵔⵉⵜ, ⵜⴰⵢⴻⴹ ⴷ ⵜⴰⴼⵕⴻⵏⵙⵉⵙⵜ. ⵍⵍⵓⵣⵉⵏ-ⴰ ⴰⴷ ⵜⴻⴱⴷⵓ ⴰⵅⴻⴷⴷⵉⵎ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⵢⴻⵔⵏⴰ ⴰⴷ ⴷ-ⵜⴼⴰⵔⴻⵙ 2,7 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵙ-ⴷ-ⵙⴼⴻⵀⵎⴻⵏ ⵉ ⵓⵏⴻⵖⵍⴰⴼ.

ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏⵜⴰⵎⵓⵔⵜ ⴰⵜⵜⴰⵏ « ⵍⴰ ⵜⴻⵜⵜⴻⴷⴷⵓ ⴰⴷ ⴷ-ⵜⴻⴽⴼⵓ ⵉⵎⴰⵏ-ⵏⵏⴻⵙ ⴷⴻⴳ ⵡⵓⵣⵣⴰⵍ ⵙⴻⴳ-ⴰ ⵖⴻⵔ 2016 ⴷ 2017 » ⵙ ⵓⵖⴻⵍⵍⴻⵜ ⵏ ⵍⵍⵓⵣⵉⵏⴰⵜ ⵜⵉⵎⴰⵢⵏⵓⵜⵉⵏ ⵏ ⵡⵓⵣⵣⴰⵍ ⵏ ⵡⴻⵀⵕⴰⵏ ⴷ ⴱⴻⵍⵍⴰⵕⴰ ⴷⴻⴳ ⵊⵉⵊⴻⵍ.

ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⴷⴻⴳ ⵜⵖⵉⵡⴰⵏⵜ ⵏ ⵍⵓⵜⴰⵢⴰ, ⴰⵏⴻⵖⵍⴰⴼ ⵢⴻⴷⵍⴰ ⵖⴻⴼ ⵍⵍⵓⵣⵉⵏ ⵏ ⵜⵉⵙⴻⵏⵜ (ⵍⵎⴻⵍⵃ) ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⴻⵏⴰⵙⴻⵍ ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⵉⵡⴻⵄⵕⴻⵏ ⵉⵎⵉ ⴰⵢ ⵜⵜ-ⵉⵅⵓⵚⵚ ⵜⵜⴰⵡⵉⵍ. ⴷⵖⴰ ⴷⵉⵏ, ⴰⵏⴻⵖⵍⴰⴼ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏⵍⵍⵓⵣⵉⵏ-ⴰ ⴰⴷ ⵜⵜ-ⵉⵄⴰⵡⴻⵏ ⵓⵏⴰⴱⴰⴹ ⴰⴽⴽⴻⵏ ⴰⴷ ⴷ-ⵜⴻⵔⴼⴻⴷ ⵉⵎⴰⵏ-ⵏⵏⴻⵙ ⴷⴻⴳ 2016 ⵙ ⵜⵜⴰⵡⵉⵍ ⴰⵎⴰⵢⵏⵓ.

ⴷⵉⵎⴰ ⴷⴻⴳ ⵜⵖⵉⵡⴰⵏⵜ-ⵏⵏⵉ, ⴰⵏⴻⵖⵍⴰⴼ ⵢⴻⵙⵙⴻⵔⵙ ⴰⵥⵔⵓ ⴰⵎⴻⵣⵡⴰⵔⵓ ⵉ ⵍⴻⴱⵏⵉ ⵏ ⵍⵍⵓⵣⵉⵏ ⵏ ⵓⴼⴰⵔⴻⵙ ⵏ ⵜⵉⵙⴻⵏⵜ, ⴷ ⵍⵍⵓⵣⵉⵏ ⴰⵔⴰ ⵜⴻⴱⵏⵓ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵓⵙⵍⵉⴳⵜ ⵢⴻⵔⵏⴰ ⴷ ⵜⵉⵏ ⴰⵔⴰ ⴷ-ⵢⴻⵜⵜⴳⴻⵏ 2 ⵏ ⵢⵉⵙⴻⴳⴳⴰⵙⴻⵏ ⵏ ⵜⵉⵙⴻⵏⵜ ⵉ ⵓⵙⴻⴳⴳⴰⵙ, ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙ ⴰⴷ ⵙⵙⵉⴵⵡⴻⵏ ⵖⴻⵔ ⵜⵓⵕⵓⴼⵜ, ⵎⴰ ⴷ 200.000 ⵏ ⵢⵉⵟⵓⵏⴻⵏ ⴰⴷ ⵏⵣⴻⵏ ⴷⴻⴳ ⵙⵙⵓⵇ ⴰⵖⴻⵍⵏⴰⵡ, ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⴰⵙ-ⴷ-ⵙⴼⴻⵀⵎⴻⵏ ⵉ ⵓⵏⴻⵖⵍⴰⴼ ⴷⴻⴳ ⵓⵎⴽⴰⵏ-ⵏⵏⵉ.

ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵢⴻⵔⵥⴻⵎ ⴷⴰⵖ, ⴷⴻⴳ ⵜⵖⵉⵡⴰⵏⵜ ⵏ ⴱⵕⴰⵏⵉⵙ, ⵢⵉⵡⴻⵜ ⵏ ⵍⵍⵓⵣⵉⵏ ⵏ ⵓⵍⴰⵊⵓⵕ ⵙ ⵜⴻⵣⵎⴻⵔⵜ ⵏ 200.000 ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ, ⴷ ⵢⵉⵡⴻⵜ ⵏ ⵍⵍⵓⵣⵉⵏ ⵏ ⵡⴰⵎⴰⵏ ⵏ ⵜⵇⴻⵔⵄⵓⵏⵜ ⴷⴻⴳ ⴵⵎⵓⵕⴰ, ⴷ ⵍⵍⵓⵣⵉⵏ ⵢⴻⵇⵇⵏⴻⵏ ⵖⴻⵔ ⵜⴽⴻⴱⴱⴰⵏⵉⵜ ⵏ ⴳⵓⴻⴷⵉⵍⴰ. ⴰⵎ ⵡⴰⴽⴽⴻⵏ ⴰⵢ ⵢⴻⵔⵥⴻⵎ ⵍⵍⵓⵣⵉⵏ ⵏⵉⴹⴻⵏ ⵏ ⵓⵍⴰⵊⵓⵕ ⴷⴻⴳ ⵜⵖⵉⵡⴰⵏⵜ ⵏ ⵍⵃⴰⴵⴻⴱ ⵙ ⵜⴻⵣⵎⴻⵔⵜ ⵏ 240.000 ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ.

ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ ⵢⵉⵃⴻⵜⵜⴻⵜ-ⴷ, ⴷⴻⴳ ⵢⴰⵍ ⴰⵎⴽⴰⵏ ⴷⴻⴳ ⵢⴻⵃⴱⴻⵙ, ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⵙⴻⴼⵜⵉ ⴷⴻⴳ ⵜⴻⵎⴳⵓⵔⵉ, ⴳⴰⵔ-ⴰⵙ ⵓⵍⴰ ⴷ ⵜⴰⵎⴳⵓⵔⵉ ⵏ ⵜⵓⵞⵞⵉⵜ, ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵜⴼⴰⵜⵓⵕⵜ ⵏ ⵡⴰⵢⴻⵏ ⴰⵢ ⵍⴰ ⴷ-ⵜⴻⵜⵜⴰⴵⴻⵡ ⵍⴻⵣⵣⴰⵢⴻⵔ ⵙⴻⴳ ⵜⵎⵓⵔⴰ ⵏ ⵓⵣⵖⴰⵔ ⵢⴻⵔⵏⴰ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵜⵎⵓⵔⵜ ⴰⴷ ⴷ-ⵜⴻⵙⵙⵉⴳⴻⵔ ⵉⴷⵔⵉⵎⴻⵏ ⴷⴻⴳ ⵜⴻⴳⵏⵉⵜ-ⴰ ⴷⴻⴳ ⵏⴻⵇⵙⴻⵏ ⵢⵉⵙⴻⵔⵖⴰ ⴷⴻⴳ ⵙⵙⵓⵎⴰ.