ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ ⵍⴻⴱⵃⴻⵕ: ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵒⴻⵙⵛⴰⵔⴰ
ⵜⵉⵎⵍⵉⵍⵉⵜ ⵏ ⵜⴼⵉⴷⵉⵕⴰⵍⵉⵢⵉⵏ ⵜⵉⵏⴰⴷⴷⴰⵍⵉⵏ ⵜⵉⵖⴻⵍⵏⴰⵡⵉⵏ ⴷⴻⴳ ⵓⵅⵅⴰⵎ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴰⵣⵣⴰⵢⵔⵉ ⵉ ⵓⵙⵙⴻⵎⵢⵓⴷⴷⴻⵙ ⴷ ⵓⵅⴻⴱⴱⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ ⵜⴻⴼⵜⵉⵙⵜ (ⵛⵛⴻⴹⴹ ⵏ ⵍⴻⴱⵃⴻⵕ) ⴰⵔⴰ ⴷ-ⵢⵉⵍⵉⵏ ⴷⴻⴳ ⵟⵟⴰⵍⵢⴰⵏ ⴳⴰⵔ 28 Ɣⵓⵛⵜ ⴷ 6 ⵛⵜⴻⵎⴱⴻⵕ, ⵢⴻⵔⵏⴰ ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷ ⵡⵉⵏ ⴰⵔⴰ ⵢⵉⵍⵉⵏ « ⵙ ⵜⵖⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⵙⴻⵡⵊⴻⴷ ⵓⵍⵉⵎⵒⵉ, ⴰⵎⴰⵔ ⴱⵔⴰⵀⵎⵉⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ.
« ⵏⵏⵉⴳ ⵢⵉⴷⵉⵙ ⵏ ⵓⵎⵙⵉⵣⵡⴻⵔ ⴰⵔⴰ ⵢⴻⵙⵄⵓ ⵜⵜⵉⵄⴰⴷ-ⴰ ⵏ ⵒⴻⵙⵛⴰⵔⴰ, ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ-ⵙ ⵢⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ, ⵉⵎⵉ ⵓⵇⴱⴻⵍ ⵎⴰ ⴱⴷⴰⵏ ⵡⵓⵔⴰⵔⴻⵏ-ⴰ, ⴰⵙⴻⵇⵇⴰⵎⵓ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⴰⴷ ⵢⴻⴼⵔⴻⵏ ⴰⵏⵜⴰ ⴰⵢ ⴷ ⵜⴰⵎⵓⵔⵜ ⴷⴻⴳ ⴰⵔⴰ ⴷ-ⵉⵍⵉⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ 2021, ⵢⴻⵔⵏⴰ ⵡⴻⵀⵕⴰⵏ ⵜⴻⵔⵙ-ⴷ ⴷ ⵜⴰⵎⴰⵣⵡⴰⵔⵜ ⴷⴻⴳ ⵜⴻⴼⵔⴰⵏⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴱⵔⴰⵀⵎⵉⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⵙⴻⵎⵢⵓⴷⴷⴻⵙ ⴷ ⵓⵅⴻⴱⴱⴻⵔ ⵏ ⵜⴼⵉⴷⵉⵕⴰⵍⵉⵢⵉⵏ ⵜⵉⵏⴰⴷⴷⴰⵍⵉⵏ ⵜⵉⵖⴻⵍⵏⴰⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵅⵅⴰⵎ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴰⵏⴰⴷⴷⴰⵍ ⴰⴷⵣⴰⵢⵔⵉ.
ⴷⴻⴳ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ ⵜⴻⴼⵜⵉⵙⵜ, ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ 8 ⵏ ⵡⴰⴷⴷⴰⵍⴻⵏ: ⵜⴰⴽⵓⵔⵜ ⵜⴰⵎⴰⴼⴰⴳⵜ ⵏ ⵜⴻⴼⵜⵉⵙⵜ, ⴰⵇⴻⴷⴷⴻⴼ, ⵜⴰⴽⵓⵔⵜ ⵏ ⵓⴼⵓⵙ ⵏ ⵜⴻⴼⵜⵉⵙⵜ, ⵜⵉⵖⵉⵍⵜ, ⴰⴽⵡⴰⵟⵍⵓⵏ (ⴰⵄⵓⵎⵓ ⴷ ⵜⴻⵎⵙⵉⵣⵣⴻⵍⵜ), ⴰⵄⵓⵎⵓ ⵙ ⵜⴰⴼⵔⵉⵡⵉⵏ (ⴼⵉⵏ-ⵙⵡⵉⵎⵎⵉⵏⴳ), ⴰⵜⵉⵏⵉⵙ ⵏ ⵜⴻⴼⵜⵉⵙⵜ ⴷ ⵜⴽⵓⵔⵜ ⵏ ⵓⴹⴰⵔ ⵏ ⵜⴻⴼⵙⵉⵔⵜ.
ⵜⴰⵎⴰⴳⵍⴰ ⵜⴰⴷⵣⴰⵢⵔⵉⵜ ⴰⴷ ⵉⵍⵉⵏ ⴷⴻⴳ-ⵙ ⴰⵣⴰⵍ ⵏ 100 ⵏ ⵎⴻⴷⴷⴻⵏ ⵢⴻⵔⵏⴰ ⴰⴷ ⴷⴷⵓⵏ ⴰⵙⵙ ⵏ 25 Ɣⵓⵛⵜ ⵖⴻⵔ ⵒⴻⵙⵛⴰⵔⴰ ⴰⴽⴽⴻⵏ « ⴰⴷ ⴷ-ⴼⴽⴻⵏ ⵜⵓⴳⵏⴰ ⵉⵛⴻⴱⵃⴻⵏ ⵖⴻⴼ ⵜⵎⵓⵔⵜ-ⵏⵏⴻⵖ ⵢⴻⵔⵏⴰ ⴰⴷ ⴷ-ⵙⵙⴻⴽⵏⴻⵏ ⴷ ⴰⴽⴽⴻⵏⵏⴻⴱⵖⴰ ⵎⵍⵉⵃ ⴰⴷ ⵏⴻⵎⵎⴰⴳⴻⵔ ⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ 2021 ⴷⴻⴳ ⵍⴻⵣⵣⴰⵢⴻⵔ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴰⴷⵣⴰⵢⵔⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏⵉⵙⴻⵎ ⵏ ⵜⴻⵎⴷⵉⵏⵜ ⴰⵔⴰ ⵢⴻⵎⵎⴰⴳⵔⴻⵏ ⵓⵔⴰⵔⴻⵏ-ⴰ ⴷⴻⴳ 2021 ⴰⴷ ⵢⴻⵜⵜⵡⴰⵙⵙⴻⵏ ⴰⵙⵙ ⵏ 27 Ɣⵓⵛⵜ.
ⵜⴰⵎⴷⵉⵏⵜ ⵏ ⵡⴻⵀⵕⴰⵏ ⵜⴻⵡⵊⴻⴷ ⴰⴷ ⵜⴻⵎⵎⴰⴳⴻⵔ « ⴰⴽⴽⴻⵏ ⵉⵡⴰⵜⴰ ⵢⴻⵔⵏⴰ ⴷⴻⴳ ⵜⴻⴳⵏⴰⵜⵉⵜ ⵜⵉⵎⵅⴻⵢⵢⵔⵉⵏ ⵜⴰⴷⵢⴰⵏⵜ-ⴰ ⵜⴰⴳⵔⴰⴽⴰⵍⵜ. ⵜⴰⵎⴷⵉⵏⵜ-ⴰ ⵜⴻⵙⵄⴰ ⵜⵉⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵜⴰⴷⵢⴰⵏⵜ ⵏ ⵓⵙⵡⵉⵔ ⵓⵏⵏⵉⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵉⵇⴻⵔⴱⴻⵏ ⵖⴻⵔ ⵜⴻⵎⵙⴰⵍⵜ-ⴰ.
ⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ, ⵉ ⵍⵎⴻⵏⴷ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ ⵡⴻⵀⵕⴰⵏ, ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵙⵙⴻⵇⵙⴰ ⵖⴻⴼ ⵡⴰⵏⴷⴰ ⴰⵢ ⵙⵙⴰⵡⴹⴻⵏ ⵍⴻⵛⵖⴰⵍ ⵏ ⵓⵙⵙⴻⵡⵊⴻⴷ ⵏ ⵡⴻⵀⵕⴰⵏ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ 2021, ⵍⴰⴷⵖⴰ ⵉⵎⵉ ⵜⴰⵎⴷⵉⵏⵜ-ⴰ ⵍⴰ ⵜⴻⵜⵜⴻⴳ ⵜⵉⵎⵙⵉⵣⵣⴻⵍⵜ ⴷ ⵜⴻⵅⵚⵉⵎⵜ-ⵏⵏⴻⵙ ⵜⴰⵜⵓⵏⵙⵉⵜ ⵏ ⵙⴼⴰⵇⵙ.
