ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴷⵓⵙ « ⴷⴰⵄⴻⵛ » ⵏ ⵔⴻⴱⵔⴰⴱ ⵢⴻⵙⵙⴻⵎⴻⵏⴷⴻⴼ ⵜⴰⵎⴷⵉⵏⵜ ⵜⴰⴷⵎⴻⵔ ⵏ ⵉⵛⵉⵔⴻⵏ (ⵎⵓⵔⵚⴰⴷ ⴰⵙⵓⵔⵉ)
ⵍⵧⵏⴷⴻⵏ –ⵉⵍⴰⵖⴰ ⴰⵍⵎⵓⵔⵚⴻⴷ ⴰⵙⵓⵔⵉ ⵏ ⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵙⴻⴳ ⵡⴰⴷⴻⴳ-ⵏⵏⴻⵙ ⴷⵉ ⵍⴰⵏⴳⵍⵉⵣ ⴰⵙⵙ-ⴰ ⵍⵃⴻⴷⴷ ⴱⴻⵍⵍⵉ ⵜⴰⵇⴻⴹⵄⵉⵜ ⵏ ⵢⴰ ⵉⴹⴻⴼⴼⵕⴻⵏ ⵓⴷⵓⵙ « ⴷⴰⵄⴻⵛ » ⴰⵔⴻⴱⵔⴰⴱⵉ ⵉⴳⵉⵏ ⵍⴱⵓⵎⴱⴰⵜ ⵏ ⵡⴻⴷⴷⴻⵔⴹⴻⵇ ⴷⵉ ⵜⴻⵎⴷⵉⵏⵜ ⵏ ⵜⴰⴷⵎⴻⵔ ⵏ ⵉⵛⵉⵔⴻⵏ ⵉⴹⴻⴼⴼⵕⴻⵏ ⵔⵉⴼ-ⵃⴰⵎⵙ ⴷⴻⴳ ⵓⵙⴰⵎⴻⵔ ⵏ ⵙⵓⵔⵢⴰ. ⴰⵍⵎⵓⵔⵚⴻⴷ ⴰⵙⵓⵔⵉ ⵉⵡⴻⴹⴹⵃⴻⴷ ⴷⴻⴳ ⵡⴰⵍⵖⵓ ⵏ ⵡⴰⵙⵙ-ⴰ ⴱⴻⵍⵍⵉ ⵜⴰⵎⴷⵉⵏⵜ ⵏ ⵜⴰⴷⵎⴻⵔ ⵏ ⵉⵛⵉⵔⴻⵏ ⵎⵓⴳⴻⵏ ⴷⴻⴳ-ⵙ ⵍⴱⵓⴱⴰⵜ ⴰⵎⴻⴽ ⴰⴷ ⵜ-ⵇⴻⵛⵄⴻⵏ ⵏⵉⵖ ⴰⵎⴻⴽ ⴰⴷ ⵓⴷⵓⵜⴻⵏ ⵙⵔⴰⴱⴻⵙ ⵏ ⵉⵙⴻⵔⴷⴰⵙⴻⵏ ⵏ ⵜⴻⵎⴱⴰⴹⵜ ⴰⵙⵓⵔⵉ. ⴰⵔⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵢⴻⵎⵎⵓⴳ ⵡⴻⵎⵍⵓⵜⵉ ⴷ ⴰⵎⴻⵇⵇⵕⴰⵏ ⵊⴰⵔ ⵏ ⵉⵙⴻⵔⴷⴰⵙⴻⵏ ⴰ ⵜ-ⵉⴹⴻⴼⴼⵕⴻⵏ ⴷ ⵢⴰ ⵉⴹⴻⴼⴼⵔⴻⵏ ⵓⴷⵓⵙ ⵏ « ⴷⴰⵄⴻⵛ » ⴷⴻⴳ ⵜⴰⵎⴰ ⵏ ⴷⴷⴰⵛⵕⴻⵜ « ⵧⵓⵎ ⴷⵊⴰⵎⴻà » ⴷⴻⴳ ⵔⵉⴼ-ⵃⴰⵎⵚ ⴰⵛⴰⵔⵇⵉ. ⵎⴰⵏⵉ ⵜⴻⵍⵍⴰ ⵜⵎⴻⵜⵜⴰⵏⵜ ⵜⵄⴻⵔⵔⴻⵎ ⵊⴰⵔ ⵏ ⵢⵉⵖⵉⵔⴻⵏ ⵉⵙⴻⵏⵉⵏ. ⵖⴻⴼ ⵓⵖⵉⵔ-ⵏⵏⴻⵙ ⵓⴷⵓⵙ ⵏ ⵍⴻⵊⵏⴰⵙ ⵏ ⵓⵙⴻⴷⵡⴻⵍ ⴷ ⵜⵓⵙⵙⵏⴰ ⴷ ⵢⴻⴷⵍⴻⵙ (ⵓⵏⴻⵙⵛⵧ) ⵢⴰ ⵣⵉⴽ ⵉⵚⴻⵏⵏⴻⴼ ⵜⴰⵎⴷⵉⵏⵜ ⵏ ⵜⴰⴷⵎⴻⵔ « ⵛⵉⵔ ⴷ ⴰⴳⵔⴰⵖⵍⴰⵏ ⵖⴻⵔ-ⵙ ⴰⵣⴰⵍ ». ⴰⵅⴰⵟⴻⵔ ⴷⴻⴳ-ⵙ ⵍⴰⵎⴰⵕⵜ ⵏ ⵉⵛⵉⵔⴻⵏ ⵏ ⵜⴳⴰⵍⴷⴰ, ⵜⴻⵍⵍⴰ ⴷⴻⴳ ⵢⵉⵎⴻⵔ-ⵏⵏⴻⵙ ⴷ ⴰⵍⵎⵓⵙ ⴷ ⴰⵎⴻⵇⵇⵕⴰⵏ ⵏ ⵢⴻⴷⵍⴻⵙ ⴷⴻⴳ ⵓⵎⴰⴹⴰⵍ ⴰⵖⴱⵉⵔ. ⵓ ⵜⴻⵏⵏ-ⴰ ⵜⴰⵏⴻⵎⵀⴰⵍⵜ ⵏ (ⵓⵏⴻⵙⵛⵧ) ⵉⵔⵉⵏⴰ ⴱⵓⴽⵓⴼⴰ ⴷⴻⴳ ⵓⵢⵓⵔ-ⴰ ⵉⴼⴰⵜⴻⵏ ⴱⴻⵍⵍⵉ ⵜⴰⵎⴷⵉⵏⵜ « ⴷ ⴰⴳⴻⵔⵔⵓⵊ ⵓⵔ ⵢⴻⵜⵜⵓⵄⴰⵡⵡⴻⴹ, ⴷ ⴰⴳⴻⵍ ⵏ ⵡⴻⵖⵔⴻⴼ ⴰⵙⵓⵔⵉ ⴷ ⵢⵓⴷⴰⵏ ⵏ ⵓⵎⴰⴹⴰⵍ ».
