Asebter amenzawi

Fabrika i tamguri n twatirin di Dzayer : Lemcawrat id n wegraw Peugeot- Citroën (aneɣlaf)

QSENṬINA – La d-ttilint lemcawṛat d tegrawt n PSA Peugeot-Citroën i lmend n lebni n lluzin n tkeṛṛusin n tmeṛka-a tafṛensist deg Lezzayer, ɣef wakken ay d-yenna ass n letniyen uneɣlaf n temguri d lminat, Abdeslam Bouchouareb i Tnegga n Yisalan n Lezzayer.

« Taswiɛt-a, zemreɣ kan ad d-iniɣ snat n tɣawsiwin: la nxeddem ɣef 3 n tmudmin, ti d Citroën C-Elysee, Peugeot 301 d Peugeot 208, ma d amkan deg ara tili lluzin-a, nenna-as, taswiɛt-a ad yili deg utaram (lɣerb) n tmurt », ɣef wakken ay d-yenna uneɣlaf.

Aselway afṛensis François Hollande yekcef-d, dduṛt yezrin, deg terzi-nnes n tammidwa d umahil ɣef Lezzayer, d akken lemcawṛat ɣef usenfar n lebni n lluzin n tkeṛṛusin n Peugeot deg Lezzayer « ddant mliḥ ɣer sdat », yerna Lezzayer d Fṛansa la xeddmen akken ad ssifessen lebni n lluzin-a.